Ad sẽn be Gɩhaadɩ bεdã pʋga, yaa sɩd-gomd naab sẽn yaa wẽgd taoore Ad dũni wã yaa noogo n yaa bʋgsgo, la ad Wẽnd na n ledsa yãmb a pʋgẽ arzεgsẽ wã n ges bũmb ning yãmb sẽn na n tʋme, bɩ y zoe dũni la pagbã Mam ka tol n yã Nabiyaamã (Wẽnd pʋʋsg la A tɩlgr be a yĩnga) t'a wɩsg a meng n laadẽ, halɩ tɩ b yã a ragsendakã ye, la a laadã rag n yaa no-yõgengo M gũusa Nabiyaamã nengẽ (Wẽnd pʋʋsg la A tɩlgr be a yĩngɑ) rakaar-rãmb piiga Nabiyaamã (Wẽnd pʋʋsg la A tɩlgr be a yĩnga) ra yɩɩme t'a sã n yik yʋngo, a sẽdgda a noorã ne sɩgdre Muumin rao ka sõmb n kisg muumin poak ye, a sã n kisg zʋgd a nengẽ, a na n yara zʋdg a to Yãmb sã n na n maan we-kεεnga, bɩ y ra tees Alkiblã, ra gũd-y-yã-a y zãn-kuidgã ye, tees-y wĩndg sẽn pukdẽ maa a sẽn luɩtẽ Yãmb ned fãa ra wa tʋg n gãd a taoorã ne a rɩtgã n rʋʋtẽ ye, la a ra wa yẽes a we-kεεng ne a rɩtg ye, la a ra tʋg n vʋʋsd laok pʋgẽ ye Yãmb yembr fãa ka yεεsd t'a sã n reng limaamã n roog a zugã, tɩ Wẽnd nɑ n maan a zugã tɩ lebg bõang zugu, maa A maan a yĩngã tɩ lebg bõang yĩnga Tɩ raoa n sok Nabiyaamã (Wẽnd pʋʋsg la A tɩlgr be a yĩnga) dũni wã yikr yelle, n yeele: dũni yikr yaa rabʋre? T'a yeele: «La yaa bõe la fo seglg dũni yikr yĩngã? tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) a rag n zẽkda a nus a yiibã n zems a bãgdã, t'a sã n pak Pʋʋsgã, Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) wilga maam -tɩ mam tallã be a tal a yiibã sʋka- Sahdã wala a sẽn wilgd maam sʋʋrã Alkʋrãanẽ wã Allahumma ɩnnɩɩ a’ʋʋzʋ bɩka min ʿazaabɩ l-ƙabrɩ, wa min ʿazaabɩ annaarɩ, wa min fɩtnatɩ l-mahyaa wa l-mamaatɩ, wa min fɩtnatɩ l-masɩɩh d-daggεεl M Soab a Wẽnde, zãag maam ne tʋʋm-tuudsã sʋka, wa F sẽn zãag yaangã ne wĩnto-lʋɩɩngẽ wã sʋka Rẽ yĩnga, m ka na n togs yãmbã, yẽsg sẽn kẽed ne a Dagεεl yelle, Nabiyaam baa a yembr ka tol n yẽs a nebã ne-a? La ad a yaa nin-feoogo, la ad a na n waame n tar wala arzãn la Bugum buudu Ned fãa bee a nong-n-taag na-kẽndr zugu, bɩ yãmb yembr fãa tags n ges ned ning a sẽn na n rɩk n maan a zaoa Ad zĩnd-n-ta-sõng la zĩnd-n-ta-wẽng bilgri, a yaa wala yũ-noog soaba la bug-zugda, Yãg-y n maan tʋʋm sõmã taoor tɩ zarb-n-gesg na n ka wa sẽn yaa wala yʋn-lika, Wẽnd Tẽn-tʋʋmã rag n yɩɩme (Wẽnd pʋʋsg la A tɩlgr be a yĩnga) n wʋsgd n yetẽ: «Yaa muƙallib al-ƙuluub ṯabbit ƙalbiy ʿalaa diinik= Foom a sũyã Toεεmda tablg mam sũurã Fo dĩinã zugu Baag sã n yũ yãmb yembr laok pʋgẽ, bɩ a pek-a naoor a yopoe Laa ɩlaaha ɩlla Allaah= soab sẽn na n tũ sɩd-sɩd ka be, sã n pa Wẽnd ye, wɩɩbd be ne laarab-rãmb ne yel-wẽng sẽn kolge, b paka a Yaaguug la a Maaguug gɩdrã rũndã wala wãndɩ Nabiyaamã (Wẽnd pʋʋsg la A tɩlgr be a yĩngɑ), a sã n kẽng we-kεεnga, a yetame: «Allahumma, inni Aʋʋzʋ bika minal hʋbsi wal habaa'ɩs =M Soab A Wẽnde, m kota gũudem ne Foom n yi sʋɩɩtãan roapa la sʋɩɩtãan pogse Nabiyaamã, (Wẽnd pʋʋsg la A tɩlgr be a yĩnga) a yɩɩme, t'a yãn-zoεεgã yɩɩd pa-kuil sẽn be a solgr pʋgẽ, la a sã n yã bũmb a sẽn kisi, tõnd bãngda rẽnda a nengẽ wã Ad na-nɑmbs yã-beed n na n wa zĩndi, la yεl yãmb sẽn ka rate, tɩ b yeele: Wẽnd Tẽn-tʋʋma, la bõe la fo sagend tõnd wakat-kãngɑ? T'a yeele: «kõ-y hakε ning sẽn zao yãmb zugã la y kos Wẽnd ne hakε ning sẽn yɑɑ yãmb rẽndã Ned sã n kos Wẽnd n dɑt n ki Wẽnd sorã zug ne sɩda, Wẽnd taasd-a-la Šʋhadaa'-rãmb dargε zĩigẽ, baa t'a sã n maan kaalem a pĩirã zugu Baolleg (yεla) ka bak n be ne sɩd-kõta la sɩd-kõt paga, a mengẽ la a biigẽ, la a arzεkẽ, hal t'a wa tʋg n sεg Wẽnde, n ka tar zũnuub ye Tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) a rag n yɩɩme t'a sã n pʋʋse, a welgda a nusã ne taab sʋka, halɩ t'a pɩgs a yiibã peelem wa vẽnege Soabã sẽn wat n yɩɩd pẽnegr ne Yambã yaa yʋn-sʋka Wakɩr sẽn tʋg n yɩɩd ned sẽn yãkd-a n kõtẽ, yaa wakɩr fo sẽn na n rɩk-a n rɩlg f zak rãmba, la wakɩr fo sẽn na n rɩk n rɩlg f bõn-zoɑmdg sẽn na n tall n zab Wẽnd sorã pʋga, la wakɩr fo sẽn na n rɩk-a n rɩlg f tũud-n-taas Wẽnd sorã pʋga Yãmb ned kɑm fãɑ sã n yã zãmsd tɩ noom-a, bɩ a bãng tɩ yii Wẽnd nengẽ, bɩ a pẽg Wẽnde, la a yẽs zãmsdã, la a sã n yã sẽn ka woto, sẽn ka noom-a bɩ a bãng tɩ yii a sʋɩɩtãan nengẽ, bɩ a kos gũudum n yi zãmsdã wẽngã la a ra togs zãmsdã ned baa a yembr ye, tɩ rẽnda ka namsd-a ye Yel-soalem be ne sɩd-kõt yellã, ad a yellã fãa gill yaa sõma, la yẽ me ned ka tõe n paam-a tɩ sã n ka sɩd-kõt ye Gεnaab koom soob sɩfa Wẽnd Tẽn-tʋʋma (Wẽnd pʋʋsg la A tɩlgr be a yĩngɑ) ra yɩɩme t'a sã n na n so gεnaabo, a pekda a nus a yiibã, la a yõk koom wala a sẽn na n pʋʋse, rẽ poorẽ t'a so Wẽnd Tẽn-tʋʋma (Wẽnd pʋʋsg la A tɩlgr be a yĩnga) ra yɩɩme t'a sã n na n tĩsi a ningda a nugã -maa a fuugã- a noorẽ, n lud a koεεga -ne rẽnda- Ned ning sẽn yãs Wẽnd todsẽ wã n ka lʋɩt a pʋgẽ la sẽn lʋɩ a pʋgẽ wã bilgri, yaa wala neb sẽn na n kẽ koglg pʋgẽ, tɩ sãnda paam yĩngrã, tɩ sãnda be tẽngrã B na n waa ne raoa dũni yikr raarã, n lob-a Bugmẽ wã, t'a yãadã yi a pʋgẽ wã, t'a gilgd ne-a wala boang sẽn gilgd neerã Mam da yɩɩme n yaa raoa sẽn yãt mazɩ wʋsgo, la mam ra yɩɩme n zoet yãnde, n na n sok Nabiyaamã (Wẽnd pʋʋsg la A tɩlgr be a yĩngɑ) a bi-puglã sẽn yaa mam pagã yĩnga, tɩ mam tʋma a Al-Miƙdaad ɭbn Al-aswade t'a sok-a, t'a yeele: «Ad a pekda a tɑoorã la a yõk koom Ra n yeel-y tɩ: "Wẽnd sã n sak la a zagl me sak ye", la yeel-y tɩ: "Wẽnd sã n sak, rẽ poorẽ t'a zagl sake Yãmb na n pʋga neb nins sẽn reng yãmb taoorã na-kẽndre, nug-yakemd la nug-yakemde, la kãntɩɩg la kãntɩɩga Ned ning sẽn zãa kom-pugli a yiibu halɩ tɩ b lebg baaligsi, a soab wata dũni yikr raarã maam ne yẽnda» la a mobg a nus-biisã taaba Y ka kẽed arzãnã halɩ tɩ y wa kõ sɩda, la y ka na n kõ sɩda halɩ tɩ y wa noang taaba, rẽ yĩnga, m ka na n wilg yãmb bũmbu, tɩ y sã n maan-a, y bʋʋda taab nonglem?: Sẽeg-y pʋʋsgã y ne taab zugu Sã n pa m sẽn da na n weoog muumin-rãmbã -maa: m poorẽ-rãmbã-, m rag n na sagl-b ne ra-wãbdga, Pʋʋsg wakat fãa Yaa tʋʋm bʋdo n noom Wẽnd n yɩɩda? T'a yeele: «yaa Pʋʋsgo, a wakatẽ wã». T'a yeele: rẽ poorẽ yaa bõe? T'a yeele: «rẽ poorẽ yaa roagd a yiibã manegre». T'a yeele: rẽ poorẽ yaa bõe? T'a yeele: « yaa zab Wẽnd Sorã poorẽ Yãwã yaa kugr b sẽn lob Bugmã pʋga hal yʋʋm tus-pis-yopoe, masa la a lʋɩt Bugmã pʋgẽ, n tãag a tεkẽ wã Tɩ ned n rɩ Wẽnd Tẽn-tʋʋmã nengẽ (Wẽnd pʋʋsg lɑ A tɩlgr be ɑ yĩngɑ) ne a goabgã, tɩ Nabiyaamã yeel-a: «rɩ ne f rɩtgã», t'a yeele: m ka tõe ye, t'a yeele: «f kõn n tol n leb n tõog ye Ned ning sẽn boola n tʋg kãndgre, a soab tara keoore wala neb nins sẽn pʋg-a wã, tɩ rẽndã me ka boogd bãmb keoorã baa fʋɩ Raar ka be yembsã sẽn na n vẽeg beoogo, rẽndame tɩ malεgs a yiib sigi, tɩ yembr yetẽ: m Soab A Wẽnde! Kõ sẽn yãkda n nafdẽ ledsgo. T'a yembrã yetẽ: m Soab A Wẽnde! Kõ sẽn gãdã (beed soaba) sãangã Liu-n-bʋgrã (zu-beed saagrã) ad a yaa lagem-n-taare, liu-n-bʋgrã (zu-beed saagrã) ad a yaa lagem-n-taare, liu-n-bʋgrã (zu-beed saagrã) ad a yaa lagem-n-taare, -noor a tãabo», la ned ka be tõnd pʋgẽ wã, rẽndame t'a saag-a, la Wẽnde, (A Naam yɩ wagell n zẽke), A loogɑ ne-a ne bobl-m-meng ne Wẽndã tɩ tõnd yeele: foom la tõnd zu-soaba, tɩ Nabiyaamã yeele: «ad zu-soabã yaa Wẽnde», tɩ tõnd leb n yeele: foom n leb n yɩɩd tõnd ne yɩɩdlem n leb n yɩɩd tõnd ne kũuni, 'ta yeele: «yeel-y wala yãmb sẽn da yeta bala, maa yeel-y rẽ sãnda, la y ra bas t'a sʋɩɩtãan tak yãmb n kẽng wẽngẽ ye yãmb a neba, m kengda yãmba ne maan-n-zʋʋg dĩinã pʋga, ad bũmb ning sẽn da halk sẽn reng-b yãmb taoorã yaa maan-n-zʋʋg dĩinã pʋgẽ Longr ka be, liu-n-bogr ka be, kolonkoog kelem beed ka be ye, ki toog ka be, la f zoe n zãag wõod soaba, wala f sẽn zot n zãagd bõnyẽega tɩ m wẽen ne Wẽnde, ad Wẽnd sã n kãndg rao a yembr fo yĩnga, rẽ sõmblem ne foom n yɩɩd ne dũni yʋgem miidu (neemã yɩlma) m saam-bila, yeele: Laɑ ɭlɑɑhɑ ɩllɑl-Lɑɑh (soɑb sẽn tũud n tɩlg kɑe rẽndɑ Wẽnde), yaa gom-bil m sẽn tõe n tall-a n gom n sõng foom Wẽnd nengẽ Longr ka be, liu-n-bogr ka be, la ad fa'aal nooma maam», la a yeele, la b yeel yã, yaa bõe la fa'aal (tẽ-sõngã) la a yeel yã: «yaa gom-yɩlenga Ned ning sẽn segl teed n kõ zabd Wẽnd sorã zugu, sɩd la hakɩɩka a zabame, la ned ning sẽn ledsa zabd Wẽnd sorã zugu a zakẽ wã, sɩd la hakɩɩka a zabame Yii Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) t'a yeela Ansaar-rãmbẽ wã: «ned ka yɩt b nonglem rẽnda sɩd-kõta, ned ka gẽed-b me rẽnda munaafɩka, ned ning sẽn yɩ b nonglem Wẽnd yɩta a nonglem, la ned ning sẽn gẽ-ba, Wẽnd gẽed-a lame t'a maan Nabiyaamã (Wẽnd pʋʋsg la A tɩlgr be a yĩnga ad ra seka foom tɩ fo maan ne f nus a yiibã woto» rẽ poorẽ t'a rɩk a nus a yiibã n wẽ Tẽngã vugri, n saag a goabgã ne rɩtgã la a nus tal a yiibã kudgu la a nengã Pẽnes-y la y remse, la y bãng tɩ ad yãmb baa a yembr ka na n tõog n põs a tʋʋm yĩng ye». La b yeel yã Wẽnd Tẽn-tʋʋmã baa ne foom? La a yeele «Baa maam, sã n ka Wẽnd n na n lud maam ne yolsg sẽn yi A nengẽ la kũuni Ad nebã sã n yã wẽgda, n ka gɩdg-a, keta bilf tɩ Wẽnd gũbg b fãa gilli, ne sɩbgr sẽn yi A nengẽ mam ra soodame, maam la Nabiyaamã (Wẽnd pʋʋsg la A tɩlgr be a yĩnga) laok a yembr pʋgẽ, tɩ tõnd d yiibã fãa tar Gεnaabo, la a ra yɩɩme n sagend maam, tɩ mam sẽgne n sẽbe, t'a saagd maam tɩ mam tar Pekre Nabiyaam ka be Wẽnd sẽn tʋms-a zama pʋgẽ, sẽn reng mam taoore, rẽndame t'a tall a zamã wã pʋgẽ Hawariyyʋʋmba (pʋgdba), la Ṣahaabs sẽn rɩkda a Sunnah la b pʋgd a sagellã B kõo maam yεl a nu, b pa reng n kõ-b ned mam taoor ye M balma Wẽnd Tẽn-tʋʋma (Wẽnd pʋʋsg lɑ A tɩlgr be ɑ yĩngɑ) ne m na maan kaset tɩ soab ka be sẽn tũud n tɩlg tɩ pa Wẽnd ye, a Mʋhammad me yaa Wẽnd Tẽn-tʋʋma, la Pʋʋsg yalesgo, la Zak kũuni, la m wʋm la m tũ la m maan pʋ-peelem ne lɩslaam fãa ra bas Pʋʋsg poorẽ fãa n yetẽ: Allahumma A'ʿinny ʿalaa zɩkrɩka wa šʋkrɩka wa hʋsni ʿɩbaadatɩka= m Soabã, sõng maam tɩ m tẽeg-Fo la m pʋʋs Foom barka, la m tũ Foom sõma Zoe-y Wẽnde yãmb Soabã, la y pʋʋs y wakat a nu wã, la y loe y Kiuugã la y kõ y arzεgsã Zakã , la y tũ yellã taoor-rãmbã, tɩ y kẽeda y Soabã arzãna Wẽnd yeelame: Adem-biig tʋʋmã fãa yaa yẽ n so, rẽnda a no-loeerã, ad yẽnda yaa Maam n so la Maam n yaood yẽ Yãmb yembr sã n seg a ma-biig sẽn yaa lɩslaam bɩ a ning-a sallem, la tɩɩga maa lalga maa kugr sã n lill b yiibã sʋka, rẽ poorẽ t'a yek-a bɩ a ning-a sallem yεsa allaahumma aʿʋʋḏʋ biriḍaaka min saẖatika, wabimuʿaafaatika min ʿʋƙʋʋbatika, wa aʿʋʋḏʋ bika minka, laa ʿuhsii ṯana’an ʿalayka anta kamaa aṯnayta ʿalaa nafsika= M Soab a Wẽnde! M kota gũudum ne Fo yardã n yi F gẽegã, la F laafɩ wã n yi F namsgã, la m kot F gũudum n yi-Fo, mam ka tõe n tigim pẽgr Fo zug ye, la ad Fo yaa wala F sẽn pẽg F Mengã Rẽ yĩnga, m ka na n kõ yãmb arzãn kẽedbã kibare? Ad yaa nin-valenga b sẽn valemds a soaba, a sã n wẽen ne Wẽnd t'a na maneg yelle, a sɩd manegdame. Rẽ yĩnga m ka na n kõ yãmb kibare ne Bugum koambã: yaa koko-kεgeng soaba, sẽn yaa rɩ-toog soaba n yaa waoog-m-meng soaba Rẽ yĩnga, m ka na n kõ yãmb kibare, ne bũmb ning Wẽnd sẽn yẽesd zũnuub-rãmb ne-a, la A zẽkd dargε-rãmb ne-a? Rẽ yĩnga m ka na n kõ-y kibare y tʋʋmã sẽn yɩɩd sõmblem, la a leb n yɩɩd yɩlgemde y Naabã nengẽ, la a leb n yɩɩd zẽkr ne yãmb dargε-rãmba Mam mii gomde, t'a sã n yεεl-a, Wẽnd na n sεεsa sẽn be ne-a wã, a sã n yeele: m kot gũudum ne Wẽnde, n yi a sʋɩɩtãana, Wẽnd loogda ne bũmb ninga sẽn be ne-a wã Zãms sõng yii Wẽnd nengẽ, la zãms zaala a yii a sʋɩɩtãan nengẽ, yãmb ned fãa sã n wa tʋg n zãms zãmsd ning n yεεsd-a bɩ a tʋbs a goabgã wεεngẽ la a kos gũudum n yi a wẽngã, tɩ ad rẽnda a ka namsd-a ye Mam yeelame, Wẽnd Tẽn-tʋʋma, d maanda a wãn n põse? T'a yeelae: « Yõk f zelemdã, pa f zakẽ wã la f kũm f zũnuubã Mam bee M yambã tẽ-sõng pʋga, M bee ne-a a sẽn wat n tẽegd Mam yʋʋrã Mam soka a Aaɩša n yeele: yaa ne bõe la Nabiyaamã (Wẽnd pʋʋsg la A tɩlgr be a yĩngɑ) ra sɩngd ne t'a sã n wa kẽ a zakẽ wã? La a yeel yã: yaa ne sɩgdre wilg maam tʋʋmde, tɩ mam sã n maan-a m kẽeda arzãna, tɩ Nabiyaamã yeel-a: «Tũ Wẽnd A Ye, n ra maan lagem-n-taar ne-A ye, la f yals Pʋʋsgã sẽn yaa tɩlae wã, la f kõ Zakã sẽn yaa tɩlae wã, la f loe noore A põsame t'a sã n sɩdge Raar sõmblem, wĩndgã sẽn puk a zugu, yaa arzũm raare B togsa Nabiyaamã nengẽ (Wẽnd pʋʋsg la A tɩlgr be a yĩngɑ) ned yelle, sẽn na n gũs yʋngo halɩ n tʋg n vẽeg beoogo, la a yeel yã: «Ad yẽnda yaa ned sʋɩɩtãanã sẽn rʋʋd a tʋb a yiibẽ wã! "Bɩ a yeelame" A tʋbrẽ wã Yõor tẽg yã, yõor tẽg yã, rẽ poorẽ yõor tẽg yã», tɩ b yeele, yaa ãnda Wẽnd Tẽn-tʋʋmã? T'a yeele: «ned sẽn na n mik a rogdb a yiibã, b kãseng sasa, b yiibã yembr, maa b yiibã fãa, n ka kẽ arzãn ye Ad welgdbã põsame A sʋɩtãan loeta yãmb ned fãa kãarẽ, a sã n gõe, loees a tãabo, a yembr fãa wẽedɑ yʋn-wok fo zug, n yeele bɩ f gãande Modg n maan suguud wʋsg Wẽnd yĩnga, ad fo ka maand suguud a yembr Wẽnd yĩnga, rẽndame tɩ Wẽnd zẽk fo dargε ne-a, la A lub fo tʋʋm tuuti ne-a Nabiyaamã (Wẽnd pʋʋsg la A tɩlgr be a yĩngɑ) rag n yɩɩme n nidgd pãnga, rasem-pi-yaoogã pʋgẽ n yɩɩd zẽng sẽn ka bãmb pʋgẽ Mam poorẽ rãmbã fãa yaa sẽn yɑɑf-b rãmbɑ, sã n ka vẽnegdbã Yamb ka maand yamb sʋtr dũni-kãngã pʋgẽ, rẽndame tɩ Wẽnd maan-a sʋtr dũni yikr raarã Yãmb ned fãa ra wa maan kaalem rẽndame tɩ yẽnda yaa sẽn manegd a tẽeb ne Wẽnde Mam sega a ɭbraahɩɩm yʋng ning b sẽn kẽnes maamã, t'a yeele: Mʋhammad, taas f zãmã wã mam sallem, la kõ-b kibar tɩ ad arzãnã tomã yaa sõma, a koomã yaa noogo Sã n mikame tɩ fo yaa wala fo sẽn yeelã, bɩ f bãng tɩ yaa wala fo fẽeg-b-la tom-pegl-tʋʋlga, la sõngr ka na n bak n be ne foom sẽn yi Wẽnd nengẽ, tɩ fo wil-ba tɩ fo sã n yaa woto bala Yamb nao a yiibã ka be sẽn na puk Wẽnd sorã yĩngã tɩ Bugum leb n sɩɩs-b ye Neb ka be sẽn na n zĩnd zĩigẽ, n ka tẽeg Wẽnd yʋʋrã beenẽ, rẽndame tɩ b yik wala bõang gɩfo, zĩnd-kãngã me na n yɩɩ bõn ne-ba bõe la d na n tik n balam foom? T'a yeele: «Yaa y tũ Wẽnde, la y ra maan lagem-n-taar ne Wẽnd baa fʋɩ ye, la y pʋʋs wakat a nu wã la y tũ, -la a solga gom-bila- la y ra bõos nebã baa fʋɩ ye Ned ning sẽn tẽegd a Soabã yʋʋrã yellã, la ned ning sẽn ka tẽegdã, yaa wala vɩt la kiida Ad maam bũmb ning mam sẽn yεεsd yãmb zugu, ad yaa b sẽn na n wa pak n kõ yãmb dũni tɩ-puugu la a faas teoogã Ned ning sẽn wa n nong n rat tɩ Wẽnd gũ-a n yi dũni yikr raarã keelemã, bɩ a yols keelem soaba, maa a bas samdã tɩ lʋɩ a zugu Ned ning sẽn pʋʋsa waood a yiibã, a kẽeda arzãna Lɩslaamã b sã n sok-a yaoogẽ wã, la a sẽn maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma B sagla maam tɩ m zab ne nebã, halɩ tɩ b wa maan kaset tɩ soab sẽn na n tũ n tɩlg ka be ye, rẽnda Wẽnde, a Mʋhammad yaa Wẽnd Tẽn-tʋʋma, la b yals Pʋʋsgã, la b kõ Zakã Ad Bugmã koam namsg sẽn wa n yaa faag n yɩɩda, yaa ned sẽn na n tar neooda a yiib sẽn tar yʋʋd a yiibu sẽn yaa Bugum neoodã, t'a kalkõtã kot neoodã wã keelem, tɩ yaa wala rʋk sẽn kot to-to ningã, yẽ ka tẽed tɩ ned a to namsg keelem n leb n yɩɩd-a ye, la ad yẽndã nangã n yaool n yɩɩd yol-yole B na n pẽnega sɩd-kõta dũni yikr raarã ne a Soabã (A Naam yɩ wagell n zẽke) t'a Soabã maan-a sʋtra a zugu n yi zamã wã Zoambd n ningd sẽn kẽnda sallem, tɩ sẽn kẽndɑ n ningd zĩid sallem, tɩ neb kɩdg ning neb wʋsg sallem Sɩd la hakɩɩka f sok yel-zɩsg kibare, la ad yaa naana ne Wẽnd sẽn yols a soaba Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye Yãmb a nebã, ad Wẽnd yaa yɩlgemde, la A ka reegd rẽnda yɩlgemde, la ad Wẽnd sagla sɩd-kõtbã ne bũmb ning A sẽn sagl tẽn-tʋʋmbã Ad Wẽne, (A Naam yɩ wagell n zẽke) A tẽegda A nugã yʋngo, sẽn na yɩl tɩ wĩndg wẽngd tuubi, la A tẽegd A nugã wĩndgã sẽn na yɩl tɩ yʋng wẽngd tuubi, halɩ tɩ wĩndgã wa tʋg n puk a sẽn lʋɩtẽ wã Mam noangã, (Wẽnd pʋʋsg la A tɩlgr be a yĩngɑ) sagla maam ne yεl a tãabo: rasem a tãab no-loeer kiuug fãa, la Dʋhaa rakaar a yiibu, la m pʋʋs wɩtrã taoor tɩ m na n ka gũsi Y sã n yã kiuugã bɩ y loe noorã, la y sã n leb n yã-a bɩ y lok noore, la sawat sã n lud yãmbã bɩ y sõd-a Ad bũmb ninga nebã sẽn mikã, sẽn yaa nabiyaamdemã goam kʋdgã: "f sã n ka zoet yãnde, bɩ f maan f sẽn rate! Bas bũmb ning sẽn maand foom sika la f maan sẽn ka maand foom sika tɩ ad sɩdã a yõgenda sũuri la ad zĩri-beed yaa sika Ned sã n pʋʋs zama pʋgẽ, a yel-sõmdã yɩɩda ned sẽn na n pʋʋs a zakẽ, la a sẽn na n pʋʋs a raagẽ pisi la saare Ned fãa tara doaag a sũgsã fãa zugu Yɩ dũni wã tɩ yaa wala fo yaa sãana maa so-toak soaba F zelemdã ra bak n yaa maasr ne Wẽnd yʋʋrã tẽegr ye Yãmb yembr fãa ka kõt sɩda (ne Wẽnde) hal t'a wa tʋg n nong ne a ma-biiga bũmb ning a sẽn nong ne a mengã B sã n rag n kõta nebã ne b yeelgã, neb n rag n na n bao (ne wẽgdo) neb a taab arzεk la b zɩɩm, la ad daliil zaoo ned ning sẽn yetɑ wã, tɩ wẽeneg be ne ned ning sẽn kɩɩsã wã Ra kʋ-a ye, ad fo sã n kʋ-a, a be fo zĩigẽ wã taoor tɩ fo na n ka kʋ-a wã, la fo me na n zĩnda a zĩigẽ wã a sẽn wɑ n na ka yeel a gomd ningã a sẽn yeel-a Ned ning sẽn rɩ gεbã maa lay bɩ a ra kolg tõnd ye -maa a yeelame: bɩ a ra kolg d miisrã, la a zĩnd a zakẽ Yamb nao-kadem a yiibã ka na n zẽke, halɩ tɩ b wa tʋg n sok-a a vɩɩmã a sẽn sεεs-a zĩig ningã, la a bãngrã, a sẽn tʋm bũmb ning ne-a, la a arzεkã, yaa yε la a paam-a la a kẽes-a-la yεεnẽ, la a yĩngã a sẽn kʋɩdg-a zĩig ningã Mam na n kõo tap-kao-kãngã raoa, sẽn nong Wẽend la A Tẽn-tʋʋmã, Wẽnd na n paka sẽn tũ ne a nugu Yãmb yãame, lak kʋɩlg sã n be yãmb yembr fãa zak noore, t'a sood a pʋgẽ, raar fãa noor a nu, fo yetame tɩ rẽgd na n paa a yĩngẽ wã baa kɩdg bɩɩ? Muumin-rãmbã bilgri, b nong-taabã la b yols-taabã la b nim-bãan-zoεεgã pʋgẽ, b yaa wala yĩnga, yĩn-will sã n zĩnd beenẽ n zabdẽ, la yĩngã fãa gill sẽn boond taab n lagem-a ne gõeem basbo la yĩn-zabre Kelg-y la y tũ, ad roga bãmb zugu b sẽn dogl-ba, la roga yãmb me zugu b sẽn rogl yãmbã Sagl-y y koambã tɩ b pʋʋse, tɩ b sã n wa tar yʋʋm a yopoe, la y pãb-ba Pʋʋsgã yĩnga tɩ b sã n wa yaa yʋʋm piig koamba, la y welg-b ne taab sʋka, gãasẽ wã Lɩslaam tʋʋr yaa dĩin yiibu la a zab ne-a yaa kɩfẽndo Ra sɩng-y Yahuud-rãmba la Nasaar-rãmba ne sallem ningr ye, la yãmb sã n seg b yembr sor zug bɩ y pẽdg-a t'a rɩk so-sẽkã Bũmb ka be t'a zɩslem yɩɩd muumin peesgã laok pʋgẽ dũni wã yikr raare, n yɩɩd zʋg sõng ye, ad Wẽnd kisa zʋg wẽng soab sẽn yaa gom-be-neda Ad Nabiyaamã (Wẽnd pʋʋsg lɑ A tɩlgr be ɑ yĩngɑ) a yii tõnd nengẽ raar a yembre, tɩ tõnd yeele: Wẽnd Tẽn-tʋʋmã, ad tõnd bãnga d sẽn ningd foom sallem to-to ninga, la d na n pʋʋs-f-la wãn-wãnɑ? Pʋʋsg pa be ne ned ning sẽn pa karma Gafã pakdgã ye Ka be tõnd pʋgẽ ned ning sẽn pãba yεgdse la a pars a fut la a kot Zɩɩlem rãmb kosgã Ned ning sẽn so arzũm raar gεnaab koom, rẽ poorẽ n kẽng pĩndɑ, yaa wala a maana doaag ne yʋgemde Yãmb ned ning sẽn na n wa arzũm (Pʋʋsg) bɩ a so koom Beed soaba, yaa b sẽn tẽeg mam yʋʋr a soab nengẽ, t'a pa pʋʋs maam ye Ned ning sẽn rɩ rɩɩbo, n yeele: Alhamdu lillaahi Allaḏii aṭ-ʿamanii haaḏaa, wa razaƙaniihi min ġayri hawlin minnii walaa ƙuwwatin= (Pẽgr be ne Naab ning sẽn rɩlga maam wãndã, la A lok-a maam, tɩ ka tũ ne sɩlem, la pãnga sẽn yi mam nengẽ), b yaafda a zũnuub sẽn reng taoore Ned ning sẽn yõka koom, n maneg a koomã yõgbo, rẽ poorẽ t'a wa arzũmã Pʋʋsgo, n kelge la a sĩndi, b yaafd-a lame bũmb ning sẽn be yẽ la arzũmã sʋka la b paas rasem a tãabo Ned ning sẽn kẽngda miisrẽ yibeoog maa zaabre, Wẽnd segenda a yĩngã zĩndig zĩiga arzãnã pʋgẽ, wakat fãa a sẽn yi yibeoogo maa zaabre Adem-biiga, ad fo sẽn kos Maam la f tẽ Maam, M yaafda foom baa fo sẽn maan bũmb ninga, tɩ M toog ka be ye Kosg ka lebsde laandãanã ne Pʋʋsgã yalsg sʋk ye M Soab a Wẽnde maneg m dĩinã n kõ-ma, sẽn yaa mam yellã gũudmã M Soab A Wẽnde, yaaf-ma m sẽn tudgi la m sẽn zɩ la m maan-n-zʋʋkã m yellã fãa pʋgẽ, la Fo sẽn mi bũmb ninga n yɩɩd maam. M Soab A Wẽnde, yaaf-ma m sẽn tudgi la m pʋ-toogo, la m zɩɩlem la m reem, la woto fãa gill yii mam nengẽ. M Soab A Wẽnde, yaaf-ma m sẽn tʋm tɩ reng taoore, lɑ m sẽn yɑoolge, lɑ m sẽn solge la m sẽn vẽnege, Foom A Wẽnd la Lʋɩɩs taoor Naaba, la Foom la Yaoolgda, la Foom la bũmbã fãa gill Tõogda Allɑhummɑ ɩnnii ɑs'ɑlukɑ Al-ɑɑfɩyɑtɑ fɩd-Dunyɑɑ wɑl-Aɑẖɩrɑtɩ M Soab A Wẽnde, m kot-F-la sõmã wã gilli, dũni kaanẽ la laahre, m sẽn bãng la m sẽn ka bãnge, la m kot-F-la gũudum n yi wẽngã gilli, a dũni la laahre, mam sẽn bãng la m sẽn ka bãnge M Soab A Wẽnde, m kot-F-la gũudum n yi Fo neemã wã wa gõbg n bas-ma la Fo laafɩ wã wa wẽnems m bas-ma, la Fo sɩbgrã lingri, la Fo gẽegã fãa M Soab A Wẽnde, m kot-F-la gũudum n yi samd wilbu, la bε wilbu, la bεεb laada M Soab A Wẽnde, d vẽega beoog ne Fo yʋʋrã, la d ta zaabr ne Fo yʋʋrã, la ne Fo yʋʋrã la d vɩ la ne Fo yʋʋrã la d kiida, la d lebgr zĩig yaa Fo nengẽ Muumin sẽn tar pãnga, yẽnda sõmblem, n leb n nong Wẽnd n yɩɩd muumin sẽn yaa valenga, la b fãa yaa sõma, Nabiyaamã (Wẽnd pʋʋsg lɑ A tɩlgr be ɑ yĩngɑ) a doaag sẽn da yɩɩd rag n yaa! "Allahumma rabbanaa aatɩnaa fɩddʋnyaa hasanatan wa fɩl Aahiratɩ hasanatan wakɩnaa ʿazaabannaar, = d Soɑbɑ Wẽnde! Kõ-d Dũni pʋgẽ sẽn be neere lɑ Yɑolem-rɑɑrã sẽn be neere, lɑ F gũ tõnd ne Bugmã nɑmesgo Yaafã wã kosg zu-soaba Yãmb a nebã! Sẽeg-y Sallem, la y rɩlg rɩɩbo, la y tõk rogem, la y pʋʋs yʋngo tɩ nebã gõe, tɩ y nɑ kẽ arzãnã ne laafɩ Zoe-y wẽgdo, tɩ ad wẽgd yaa ligs dũni yikr raarã, la y zoe beedo, tɩ ad beed n halk sẽn reng-b yãmb taoore, Ad dĩin-kãngã yaa yol-yole, ad ned ka kengd dĩinã rẽndame t'a wil-a, bɩ y gãd taab kãenkãe, la y pẽneg taaba Tɩ raoa n sok Nabiyaamã (Wẽnd pʋʋsg lɑ A tɩlgr be ɑ yĩngɑ) lɩslaangã yell bʋdo sõmblem n yɩɩde? T'a yeele: «rɩlg rɩɩbo la f ning sallem fo sẽn bãng a soab la fo sẽn ka bãng a soaba Yãmb yem kãm fãa gilli yaa gũuda, la yem kãm fãa gill me, b na n sok-a-la a rũmsã yelle Ned ning sẽn tara fur la kẽed-n-taar tõogo, bɩ a furi, tɩ rẽ n yɩɩd ne a ra ges pagba, n leb gũud-a taoor wεεngẽ t'a ra yo ye, la ned ning sẽn pa tõe, bɩ a loe noore, tɩ rẽ yɑɑ Kudb ne yẽ Gũus-y ne pagbã nengẽ kõom», tɩ raoa sẽn yaa Madiin nebã yeele: Wẽnd Tẽn-tʋʋmã, la sã n yaa sɩdã rog-pẽtba? La a yeele: «Ad yẽnda yaa kũum Wanzuri tek ne sãnem yaa rɩbaaga, sã n ka (kiig la f kõ-ma m laaga) reeg la f wa ne, Bʋrr ne Bʋrr tek taab me yaa rɩbaaga, sã n ka reeg la f wa ne, saʿɩɩr ne saʿɩɩr tek taab me yaa rɩbaaga, sã n ka reeg le f wa ne, tamarʋ ne tamarʋ tek taab me yaa rɩbaaga, sã n ka reeg la f wane Yeele: m Soab A Wẽnde, kãndg maam, la F rems-ma. La f tẽeg kãndgrã n yeel "Fo sẽn peegd n tʋgd so-tɩrgã, la remsmg wala kãnd remsgã la m wẽen ne mam yõorã sẽn be Naab ning nugẽ wã yãmb na n zomba sẽn reng-b yãmb tɑorã sore Tɩ raoa n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n gom ne-a yεl sãnda pʋgẽ, t'a yeele: "Wẽnd sã n sake tɩ fo sake", tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeel-a: «fo rɩka maam ne Wẽnd n maan tɩ yaa yembre? Yeele: Wẽnd A Yembr sã n sɑke ad nebã sẽn yɩɩd namsgo Wẽnd nengẽ dũni yikr raare, yaa neb nins sẽn maand n wõnesd Wẽnd naanegã Rɩk f nugã n rogl zĩig ning sẽn zabd fo yĩngẽ wã, n yeele: "bismillaah" noor a tãabo, la f yeel noor a yopoe: "Aʿʋʋzu bɩ Llaahɩ wa ƙʋdratɩhɩɩ min šarri maa agidu wa ʋhaazɩru = m kot gũudum ne Wẽnd la A tõogã n yi zabdem ning mam sẽn wʋmd la m gũusdẽ wã wẽnga M pa na n wilg-y sẽn yaa sõma ne yãmba n yɩɩd sõgna? Yãmb sã n kẽng y gãagẽ wã, maa y kẽng n na n kɩlle, bɩ y sabbɩh noor a pis-tã la a tãabo, la y pẽg Wẽnde, noor pis-tã la a tãabo, la y maan takbɩɩre noor pis-tã la a naase, ad wãnde la sõma ne yãmb n yɩɩd sõgna {Yeele: "Yẽnda lc",è:a Wẽnde, A yaa A Yembre} (kʋlhuwa Allah) la Ma'ʋʋzatayne (kʋl aʋʋz-rãmb a yiibã): fo sẽn wat n ta zaabr la fo sẽn wat n vẽeg beoogo, noor a tãabo, tɩ b sekda foom n yi bũmb fãa gill wẽnga Ned ning sẽn yeela "bismillaahɩ allazɩɩ lɑɑ yɑḍʋrrʋ, mɑ'ʿɑ ɩsmihii, šay'ʋn fɩll'arḍi, wɑ lɑɑ fɩs-sɑmɑɑɩ, wɑ huwɑ As-sɑmii'ʿu Al-ʿAlɩɩm.= Ne Wẽnd yʋʋrã, Naab ninga tɩ b sã n tẽeg A yʋʋrã, bũmb ka namsd-f ye, pɑ Tẽngã pʋga, pa saagã zugu, la Yẽnda yaa Wʋmda n yaa Mita" noor a tãabo, baolleg lindg ka paamd yẽnda halɩ t'a wa tʋg n vẽeg beoogo yeele: Laa ɩlaaha ɩllallaahʋ, wahdahʋʋ, laa šarɩɩka lahʋʋ, Allaahʋ Akbarʋ kaṯɩɩran; wal hamdʋ lillaah kaṯɩɩran, sʋbhaanallaahɩ Rabbi Al-ʿAalamiina, laahawla walaa ƙuwwata illaa billaahɩ Al-ʿAzɩɩzɩ Al-hakɩɩmɩ Wẽnd Tẽn-tʋʋmã, (Wẽnd pʋʋsg la A tɩlgr be a yĩnga), ra yɩɩme n yɩɩd nebã ne kũuni, la a kũunã sẽn tʋg n yɩɩda, yaa Ramadaan pʋgẽ, a sẽn wat n yeka a Gibriila Ned kõn n kẽ Bugmẽ wã, ned sẽn pʋʋsa taoor tɩ wĩndgã na n ka puki la taoor t'a na n ka lʋɩ Ned ka be sẽn na n ning maam sallem, rẽndame tɩ Wẽnd lebs mam yõorã, tɩ m lebs a soabã pʋʋsgã Lɩslaam ka be sẽn na n wa faril Pʋʋsgo, n maneg a koomã yõgbo, la a maan yĩn-yõgnego a Rukuu wã, rẽndame tɩ Pʋʋsgã yɩ n yaa zũnuub yaafgo, zũnuub-rãmb nins sẽn reng Pʋʋsgã taoorã, t'a sã n ka tʋm zũnuub bedre, la rẽnda yaa a vɩɩmã gill pʋgẽ Muumin ning sẽn karemda Alkʋrãanã bilgri, yaa wala Ʋtrʋga tɩ-bila, a yũugã noomame la a rɩɩbã me noomame, la muumin ning sẽn ka karemda Alkʋrãanã bilgri yaa wala tamarʋ bila, a ka tar yũug ye la a rɩɩbã noomame Zɩkr-rãmb n be, tɩ b yεt ka bõn ye -b maanda- faril fãa poorẽ, yaa Sʋbhaanallaah pis-tã la a tã, la Al-hamdu lillaah pis-tã la a tã, la Allaahʋ Akbarʋ pis-tã la a tã Ned ning sẽn yeele, a sẽn wat n wʋm laandãanã: Aš-hadu an laa ɩlaaha ɩlla Allaah, wahdahʋʋ laa šarɩɩka lahʋʋ Wa anna Mʋhammadan ʿAbdʋhuu warasʋʋlʋhuu, Radiitu billaah rabban, Wa bi Mʋhammadɩ Rasʋʋlan, Wa bil ɩslaami diinan, b yaafda a zũnuubã Adam-biig yagsa maam, la ka sõmb ne-a t'a rag n yags Maam ye, a tʋʋ Maam, la rẽ rag n ka sõmb ne-a ye Ned ning sẽn wa n maana Mam noang beem, ad M segla a soab ne zabre, la Mam yamba ka yɩ sẽn na n pẽneg Maam ne bũmbu, tɩ noom Maam n yɩɩd Mam sẽn maan faril ning n rogl-a wã ye Yεl a yiib n be nebã pʋgẽ tɩ b yaa kɩfẽnd ne-ba: yaa buud sãbsg lɑ ɑ rõdbo, la b kʋʋr no-bendo Ned ning sẽn wẽen n yeel a wẽenegẽ wã: ne a Laat la a ʿƲzzaa, bɩ a yeele: "Laa ɩlaaha ɩlla Allaah= soab sẽn na n tũ sɩd-sɩd ka be, sã n pa yɩ ne Wẽnde", la ned ning sẽn yeel a tũud-n-taag: wa tɩ m maan tεntεεg ne-fo, bɩ a maan doaaga Yãmb mii talg bɩɩ? Ka tar sẽn yaa sãnem bɩ wanzur soaba, sẽn ka kõta Zaka, rẽndame tɩ dũni yikr raarã b rɩkd-a lame n maan piisds sẽn yaa Bugum sɑ-tʋʋlse Yãmb ned baa a yembr ka be rẽndame tɩ Wẽnd gom ne-a, no-rεεs ka na n zĩnd b sʋk ye ned ning sẽn wa n bob tɩ-yoadã, ad a maana lagem-n-taare Ned ning sẽn yẽsɑ tɩ mɑɑm n yeele, n neẽ t'a yaa zĩri, rẽnd nin-kãng naaga zĩri-be-nebã rag n yɩɩme t'a sã n kẽ miisrã, a yetame: «Aʿʋʋzʋ Billaahɩ Al-ʿAẓɩɩm, Wabɩ waghɩhɩɩ Alkarɩɩm, wa sʋlṭaanɩhɩɩ Alƙadɩɩm, Min Aš-šayṭaan Arragɩɩm= m kota gũudum ne Wẽnd sẽn Zɩsã, la ne A Nengã sẽn yaa Wagellã, la A Naamã sẽn yaa kʋdrã, n yi a sʋɩtãan b sẽn lobã Boaand n boond n yetẽ: arzãn koambã ad yãmb na n talla laafɩ, n ka na n tol n bẽ lae ye, y na n vɩɩmdame n ka tol n ki lae, ad yãmb na n yɩɩ rasãmba, n ka na n kʋʋl lae, y na n yɩɩ neemã rãmba, sũ-sãang kõn n paam-y lae Ad Wẽnde (A Naam yɩ wagell n zẽke) na n yeela arzãn koambã: arzãn koamba? D sak yã, m sɑk F yĩngɑ, tɩ Wẽnd yeele: rẽ yĩnga yãmb maana yardo? Tɩ b yeele: bõe n tar tõnd tɩ d ka na n yare, tɩ sɩd la hakɩɩka F yaool n kõo tõndo F sẽn ka kõ ned Fo bõn-naandsẽ wã? Arzãn koambã sã n kẽ arzãna, Wẽnd yetame (A Naam zẽk yã): yãmb rata bũmb tɩ M paas-y bɩɩ? Ad yaa yẽ bal la koom ning sẽn tõe n tall n yɩlgã, t'a gɩf me yaa halaale Koom sã n ta sĩntog a yiibu rẽgd ka leb n kẽed-a ye Yãmb ned fãa sã n yik a gõeemẽ wã, bɩ a fẽes a yõorã noor a tãabo, ad a sʋɩɩtãanã a gãandeda a yõorẽ wã Tɩ ned n yõk koom n bas nu-yẽeg zĩiga a na-kãdmẽ wã, tɩ Nabiyaamã (Wẽnd pʋʋsg la A tɩlgr be a yĩnga) yeel-a: «lebg n tɩ maneg f koomã yõgbo» t'a lebg n tɩ manege, rẽ poorẽ t'a pʋʋse Nabiyaamã (Wẽnd pʋʋsg la A tɩlgr be a yĩnga) rag n yɩɩme n pekdẽ, maa n soodẽ, ne saawalle n tʋg n tãag mud a nu, la a yõgd koom ne mudri Lɩslaam ka be, sẽn na n yõg koom, n maneg a koomã yõbgo, rẽ poorẽ t'a yik n pʋʋs Rakaar a yiibu, n ning a toaag ne rakaar yiibã, rẽndame tɩ arzãnã yɩ waagib ne-a Yãmb ned fãa sã n yõg koom n ning a na-wʋʋdo bɩ a pʋʋs ne-ba la a saag b yiibã n pʋʋse, la rẽ poorẽ a rɑ yãk b yiibã t'a sã n tʋlla, sã n ka gεnaab sababo Ned ka sõmb n rõd a to ne dĩin yiib tʋʋm ye, a ka sõmb n rõd-a ne kɩfẽnd ye, sã n ka rẽnda a lebgd n waa yẽ zugu, sã n mikame t'a soabã ka woto Ad a sʋɩɩtãan wãaaga a tẽeb tɩ Pʋʋsdb wa tʋg n tũ-a Laarab-rãmbã zamãanẽ, la a na n kẽesa mo-yõsr b sʋka Kõbg a yiib sẽn yi Bugum koambẽ wã, mam ka yã b buud lae, yaa nebã b tara sãbse, tɩ yaa wala yʋgmã zʋya tɩ b pãbd nebã ne-ba, la pagba sẽn yeelge n yaool n yaa bεεla, n toeemd rao yam, n kẽnd n kɩlledẽ Rao ka sõmb n ges a ra-taag yãnde, pag me ra tʋg n get a pʋg-to yãnde Malεgsã ka kẽed zak ning baaga maa nin-naand sẽn be a pʋgẽ ye Malεgsã ka tũud tũud-n-taar ning baaga maa lombr sẽn be beenẽ ye Ra wẽen-y ne rʋbsã ye, la ra wẽen-y ne saam-rãmbã me ye