فەرموودە: هەرکەسێک پەیمانپێدراوێک بکوژێت؛ ئەوا بۆنی بەهەشت ناکات، ئەگەرچی بۆنی بەهەشتیش دەکرێت لە دووری چل ساڵەوە
عن عبد الله بن عمرو رضي الله عنهما عن النبي صلى الله عليه وسلم قال: «من قَتَلَ مُعَاهَدًا لم يَرَحْ رَائحَةَ الجنة، وإن رِيْحَهَا تُوجَدُ من مَسِيرَة أربعين عامًا».
[صحيح] - [رواه البخاري]
المزيــد ...
لە عبداللەی کوڕی عەمرو -ڕەزای خوایان لێبێت- کە پێغەمبەر-صلى اللە علیە وسلم- دەفەرموێت: «هەرکەسێک پەیمانپێدراوێک (موعاهیدێک) بکوژێت؛ ئەوا بۆنی بەهەشت ناکات، ئەگەرچی بۆنی بەهەشتیش دەکرێت لە دووری چل ساڵەوە».
صەحیحە - بوخاری گێڕاویەتیەوە
فەرموودەکە ئاماژە بەوە دەکاتە ئەوەی پەیمانپێدراوێک (موعاهیدێک) بکوژێت بە ناهەق، وموعاهید ئەو کەسەیە کە دێتە نێو خاکی مسوڵمانانەوە بە پەیمان ومەرجی پاراستنی لە لایەن فەرمانڕەوای وڵاتی مسوڵمانەوە، یان ئەگەر کەسەکە ئەهلی زیمە (أهل الذمة) بێت (واتا: کەسێکی کافر بێت بەڵام لە خاکی مسوڵمان نیشتەجێی بێت)، هەرکەسێک ئەمانە بکوژێت بە ناهەق ئەوا خوای گەورە ڕێگای نادات ئەو کەسە بچێتە بەهەشتەوە، ئەگەرچی بۆنی بەهەشتیش لە دووری چل ساڵەوە دەکرێت، وئەمەش بەڵگەیە لە سەر دووری ئەو کەسە لە بەهەشت، وئەم فەرموودە بەڵگەیە ئاماژیە بۆ دووپاتکردنەوەی ئاینی ئیسلام لە سەر پاراستنی خوێنی کەسانێک کە پێویستە بپارێزرێن لە دەستدرێژی کردنە سەریان لە موعاهید وزمیەکان، وکوشتنیان بە ناهەق لە تاوانە گەورەکانە.
لە سوودەکانی فەرموودەکە
- حەرام بوونی کوشتنی کەسی موعاهید، ویەکێکە لە تاوانە گەورەکان، چونکە دەبێتە هۆی ئەوەی کە بکوژ نەچێتە بەهەشتەوە هەروەکو لە فەرموودەکەدا هاتووە.
- لە هەندێک ڕیوایەتی تردا هاتووە کە بکوژرێت (بە بێ تاوان) یان (بە بێ مافی خۆی)، وئەم دیاریکردنانە زانراون لە بنچینەکانی شەرعدا.
- واجب بوونی بەجێهێنانی پەیمانەکان.
- دووپاتکردنەوە ودڵنیابوون لەوەی کە بەهەشت بۆنی هەیە.
- بۆنی بەهەشت دەکرێت لە دووری زۆرە.
پۆلێنکردنەکان
زیاتر
- فەرموودە: هەرکەسێک بە ستەم بستێک زەوی داگیر بکات؛ ملی تەوق دەکرێت بە حەوت چینی ناخی زەویدا
- فەرموودە: ئیسلام بڵند دەبێت وسەردەکەوێت، وهیچ ئاینێکی تر بەسەر ئیسلامدا بەرز نابێت وسەرناکەوێت
- فەرموودە: کات سوڕانەوەى تەواو کرد وگەڕایەوە وەکو ئەو ڕۆژەی خواى گەورە ئاسمانەکان وزەوی دروستکرد: ساڵێک دوازدە مانگە، چوار مانگیان حەرامکراون (پیرۆزن): سیانیان لەدوای یەکن: (زو ئەلقەعدە:ذُو القَعْدَةِ)، و (زو ئەلحیجە:ذُو الحَجَّةِ)، و (موحەرەم:المحرمُ)، و(ڕەجەبی موزەر:رَجَبُ مُضَرَ)