عن عبد الله بن عمرو رضي الله عنهما عن النبي صلى الله عليه وسلم قال: «من قَتَلَ مُعَاهَدًا لم يَرَحْ رَائحَةَ الجنة، وإن رِيْحَهَا تُوجَدُ من مَسِيرَة أربعين عامًا».
[صحيح] - [رواه البخاري]
المزيــد ...

အဗ်ဒုလ္လာဟ်ဗင်န်အမ်ရ်(ရဿွိယလ္လာဟုအန်ဟု)က ဆင့်ပြန်ခဲ့သည်။တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)မိန့်ကြားတော်မူသည်။ မည်သူမဆို ‘မုအာဟဒ်’ကတိစာချုပ် ချုပ်ဆိုထားသော ဘာသာခြားတစ်ဦးအား သတ်ဖြတ်ခဲ့သော် ထိုသူသည်ဂျန္နသ်၏ ရနံ့ကိုပင်ရရှိမည်မဟုတ်ပေ။ မုချဧကန် ၎င်း၏ရနံ့သည် နှစ်ပေါင်းလေးဆယ် ခရီးနှင်ရသည့် အကွာအဝေးမှပင် ရရှိနေမည်ဖြစ်သည်။
ဤဟဒီးဆ်သည် ဆွဟီးဟ် အဆင့်ရှိသည်။ - ဗုခါရီကျမ်း။

ရှင်းလင်းချက်

ဟဒီးဆ်တော်၌ ဖော်ပြထားသည်မှာ "c2">“မည်သူမဆို‘မုအာဟဒ်’(အစ္စလာမ့်တိုင်းပြည်သို့လုံခြုံရေး ကတိကဝတ်နှင့်အညီ ဝင်ရောက်လာသူ သို့မဟုတ် ‘ဇင်မ္မီ’ဘာသာခြားတို့အနက်မှအစ္စလာမ့်နိုင်ငံတွင် ဂျိဇ်ယဟ် (အခွန်)ပေးဆောင်၍နေထိုင်သူ)တစ်ဦးအား မတရားသဖြင့် သတ်ဖြတ်ခဲ့သော်” အလ္လာဟ်အရှင်မြတ်သည် ၎င်းသူအား ဂျန္နသ်သုခဘုံသို့ ဝင်ခွင့်ပေးမည်မဟုတ်ပေ။ "c2">“မုချဧကန် ၎င်း၏ရနံ့သည် နှစ်ပေါင်းလေးဆယ် ခရီးနှင်ရသည့် အကွာအဝေးမှပင် ရရှိနေမည်ဖြစ်သည်။” ထိုသို့ကျူးလွန်သူသည် ဂျန္နသ်နှင့် ဝေးကွာသွားမည်ဖြစ်ကြောင်း ဤအချက်က ညွှန်ပြနေသည်။ အစ္စလာမ်သည်‘မုအာဟဒ်’များနှင့်‘ဇင်မ္မီ’များကဲ့သို့ အကာအကွယ်ပေးထားသော အသက်သွေးများကို ထိန်းသိမ်းစောင့်ရှောက်ရန် အလွန်ပင်လိုလားသည်။ ၎င်းတို့အား မတရားသဖြင့် သတ်ဖြတ်ခြင်းသည် ကြီးလေးသောအပြစ်အကုသိုလ်များတွင် ပါဝင်ကြောင်း ဤဟဒီးဆ်တော်မှ သိရသည်။

ဘာသာပြန်: အင်္ဂလိပ် ပြင်သစ် စပိန် တူရကီ အုရ်ဒူ အင်ဒိုနီးရှား ဘော့စနီးယား ရုရှား ဘင်္ဂလီ တရုတ် ဖါရစီ(ပါရှန်း) ဟင်ဒီ ဗီယက်နမ် ဆင်ဟာလီ ဝီဂါ ကာ့ဒ် ဟောက်ဆာ ပေါ်တူဂီ မလေးရာလမ် တေလဂူ ဆွာဟီလီ တမီးလ် ထိုင်း ဂျပန် ပါရှ်တို အာသံ အယ်လ်ဘေးနီးယန် السويدية الأمهرية الهولندية الغوجاراتية
ဘာသာပြန်များကို ကြည့်ရှုရန်

ဟဒီးဆ်မှ သိမှတ်ဖွယ်ရာများ

  1. ‘မုအာဟဒ်’ကိုသတ်ဖြတ်ခြင်းအား တားမြစ်ထားသည်။ ဟဒီးဆ်တော်၏ ပေါ်လွင်နေသည့် အဓိပ္ပါယ်အရ ထိုလုပ်ရပ်ကို ကျူးလွန်သူသည် ဂျန္နသ်သို့ဝင်ရောက်ခွင့် မရသည့်အတွက် ထိုလုပ်ရပ်သည် ‘ကဗီရဟ်’ ကြီးလေးသော အပြစ်အကုသိုလ်များတွင် ပါဝင်သည်။
  2. အချို့ဆင့်ပြန်ချက်များတွင် “အပြစ်မရှိဘဲ” သတ်ခြင်း၊ “မတရားသဖြင့်”သတ်ခြင်းဟု လာရှိထားသည်။ ဤကန့်သတ်ချက်ကို ရှရီအဟ်တရားဥပဒေ၏စည်းမျဥ်းများမှ သိရသည်။
  3. ကတိတည်ရန် တာဝန်ရှိသည်။
  4. ဂျန္နသ်တွင် မွှေးရနံ့ရှိကြောင်း အတည်ပြုထားသည်။
  5. ဂျန္နသ်၏ မွှေးရနံ့ကို အလွန်ဝေးလံသော နေရာမှပင် ရရှိနိုင်သည်။
ထပ်၍