Hadiis: Ned ning sẽn wa n kʋ lɩslaambã sẽn rɩk Alkaool ne a soaba, a kõn n wʋm arzãnã yũug ye, la a yũugã wʋmdɑ yɩta yʋʋm pis-naas kẽnd zĩigẽ
عن عبد الله بن عمرو رضي الله عنهما عن النبي صلى الله عليه وسلم قال:
«مَنْ قَتَلَ مُعَاهَدًا لَمْ يَرَحْ رَائِحَةَ الْجَنَّةِ، وَإِنَّ رِيحَهَا تُوجَدُ مِنْ مَسِيرَةِ أَرْبَعِينَ عَامًا».
[صحيح] - [رواه البخاري] - [صحيح البخاري: 3166]
المزيــد ...
Yii a ʿAbdʋllaah ɭbn ʿAmr nengẽ, (Wẽnd yard be b yiibã yĩnga), tɩ yii nabiyaamã nengẽ, (Wẽnd pʋʋsg la A tɩlgr be a yĩnga) a yeelame:
«Ned ning sẽn wa n kʋ lɩslaambã sẽn rɩk Alkaool ne a soaba, a kõn n wʋm arzãnã yũug ye, la a yũugã wʋmdɑ yɩta yʋʋm pis-naas kẽnd zĩigẽ».
[Naṣʋn Ṣahɩɩhʋn (Gom-sikdem sẽn manege)] - [A Al-Bʋẖaariy n togs-a] - [Ṣahɩɩh Al-Bʋẖaary - 3166]
Nɑbiyɑɑmã (Wẽnd pʋʋsg la A tɩlgr be a yĩngɑ) kõta kibare la a vẽnegd n wilgdẽ, pʋleng wẽnga, sẽn zao ne ned ning sẽn wa n kʋ lɩslammbã sẽn rɩk alkaool ne-a soɑbɑ, yẽ yaa kɩfr ning sẽn wa n kẽ lɩslaambã tẽngẽ ne alkaool la bas-m-yam kũuni, tɩ ad nin-kãngã soab ka na n wʋm arzãnã yũug ye, la arzãnã yũugã, a tata yʋʋm pis-naas kẽnd zĩigẽ.
Sẽn be Hɑdiisã yõod-rãmbẽ
- Hadiisã wilgdame tɩ kʋ Mu'aahɑd (b sẽn rɩk alkaool ne-ɑ soɑbɑ) lɑ zimmy, la b sẽn kõ a soab bas-m-yɑm, a yaa zũnuub bedre.
- Almu'aahɑd: yẽnda la ned ninga b sẽn maan zems-n-taar ne-a kɩfr-rãmbẽ wã, lɑ a be ɑ tẽngẽ wã, n ka zabd ne lɩslaambã tɩ lɩslaambã me ka zabd ne-a. La zimmy: yẽnda yaa ned ning sẽn zĩ lɩslaambã tẽngẽ la a kõt fadgo. La musta'aman: yẽnda yaa ned ning sẽn kẽ lɩslaambã tẽngẽ ne alkaool la bas-m-yam kũuni n tʋg wakat sẽn yãk toaagɑ.
- Hadiisã bugsdame n yi alkaool-rãmbã zãmbgo ne zẽng sẽn ka lɩslaambã.