عن عبد الله بن عمرو رضي الله عنهما عن النبي صلى الله عليه وسلم قال: «من قَتَلَ مُعَاهَدًا لم يَرَحْ رَائحَةَ الجنة، وإن رِيْحَهَا تُوجَدُ من مَسِيرَة أربعين عامًا».
[صحيح] - [رواه البخاري]
المزيــد ...

അബുല്ലാഹി ബ്നു അംറ് -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു: "ആരെങ്കിലും കരാറിലേർപ്പെട്ട ഒരു അമുസ്ലിമിനെ (മുആഹദ്) കൊലപ്പെടുത്തിയാൽ അവൻ സ്വർഗത്തിൻ്റെ സുഗന്ധം ആസ്വദിക്കുന്നതല്ല. തീർച്ചയായും സ്വർഗത്തിൻ്റെ സുഗന്ധം നാൽപ്പത് വർഷം വഴിദൂരം അകലെ വരെ ഉണ്ടായിരിക്കുന്നതാണ്."
സ്വഹീഹ് - ബുഖാരി ഉദ്ധരിച്ചത്

വിശദീകരണം

ആരെങ്കിലും അന്യായമായി ഒരു മുആഹദിനെ കൊലപ്പെടുത്തിയാൽ അല്ലാഹു അവന് സ്വർഗത്തിൽ പ്രവേശനം നൽകുന്നതല്ലെന്ന് ഈ ഹദീഥ് അറിയിക്കുന്നു. സ്വർഗത്തിൻ്റെ സുഗന്ധമാകട്ടെ, നാൽപ്പത് വർഷം വഴിദൂരം അകലെ വരെ ഉണ്ടാകുന്നതാണ്. ഇത്തരം പ്രവർത്തികൾ ചെയ്യുന്നവർ സ്വർഗത്തിൽ നിന്ന് വളരെ ദൂരെയായിരിക്കും എന്ന് ഈ ഹദീഥ് മനസ്സിലാക്കി നൽകുന്നു. ഇസ്ലാമിക രാജ്യത്ത് കരാറും നിർഭയത്വവും വാഗ്ദാനം നൽകപ്പെട്ടവരും, ജിസ്യ നൽകിക്കൊണ്ട് കഴിയുന്ന അമുസ്ലിംകളുമാണ് (ദിമ്മികൾ) മുആഹദ് എന്നത് കൊണ്ട് ഉദ്ദേശിക്കപ്പെടുന്നത്. മുആഹദുകളിലും ദിമ്മികളിലും പെട്ട നിരപരാധികളായവരുടെ രക്തത്തിന് ഇസ്ലാം കൽപ്പിക്കുന്ന പവിത്രത ഈ ഹദീഥിൽ നിന്ന് മനസ്സിലാക്കാം. അവരെ കൊലപ്പെടുത്തുന്നത് വൻപാപങ്ങളിൽ പെട്ട തിന്മയാണെന്നും അത് മനസ്സിലാക്കി തരുന്നു.

പരിഭാഷ: ഇംഗ്ലീഷ് ഫ്രഞ്ച് സ്‌പെയിൻ തുർക്കി ഉർദു ഇന്തോനേഷ്യ ബോസ്‌നിയ റഷ്യ ബംഗാളി ചൈനീസ് പേർഷ്യൻ ഇന്ത്യൻ വിയറ്റ്നാമീസ് സിംഹള ഉയ്ഗൂർ കുർദിഷ് ഹൗസാ പോർച്ചുഗീസ് തെലുങ്ക്‌ സ്വാഹിലി തമിൾ ബോർമീസ് തായ്ലാൻഡിയൻ ജപ്പാനീസ് പഷ്‌'തു ആസാമീസ് അൽബാനിയൻ السويدية الأمهرية الهولندية الغوجاراتية
വിവർത്തനം പ്രദർശിപ്പിക്കുക

ഹദീഥിൻ്റെ പാഠങ്ങളിൽ നിന്ന്

  1. * കരാറിലേർപ്പെട്ട വ്യക്തിയെ കൊലപ്പെടുത്തുന്നത് നിഷിദ്ധമാണ്. വൻപാപങ്ങളിലാണ് ഈ തിന്മ ഉൾപ്പെടുക. കാരണം ഈ ഹദീഥിൻ്റെ ബാഹ്യപദം അറിയിക്കുന്നത് ആ തിന്മ ചെയ്തവർക്ക് സ്വർഗപ്രവേശനം നിഷിദ്ധമാണെന്നാണ്.
  2. * ഈ ഹദീഥിൻ്റെ മറ്റു ചില നിവേദനങ്ങളിൽ 'യാതൊരു തെറ്റുമില്ലാതെ കൊലപ്പെടുത്തുന്നത്', 'അന്യായമായി കൊലപ്പെടുത്തുന്നത്' എന്നിങ്ങനെയുള്ള പദങ്ങൾ വന്നിട്ടുണ്ട്. ഹദീഥിൽ പരാമർശിക്കപ്പെട്ട, കരാറിലേർപ്പെട്ടവരെ വധിക്കുന്നത് നിഷിദ്ധമാണെന്ന കാര്യം ഈ നിബന്ധനയോടെ മാത്രമാണെന്ന് ഇസ്ലാമിൻ്റെ പൊതുഅടിസ്ഥാനങ്ങളിൽ നിന്ന് മനസ്സിലാക്കാവുന്ന കാര്യമാണ്.
  3. * കരാർ പാലനം നിർബന്ധമാകുന്നു.
  4. * സ്വർഗത്തിന് സുഗന്ധമുണ്ടായിരിക്കുന്നതാണ്.
  5. * സ്വർഗത്തിൻ്റെ സുഗന്ധം ധാരാളം വഴിദൂരം അകലേക്ക് വീശിയടിക്കുന്നതാണ്.