فەرموودە: ئەو مەرجانەی مافیان زیاترە وشایستەترن جێبەجێبکرێن ئەوانەن کە بەهۆیانەوە دامێنی (ئافرەتێکی) پێ حەڵاڵ دەبێت بۆتان

عن عقبة بن عامر رضي الله عنه قال: قال رسول الله صلى الله عليه وسلم:
«أَحَقُّ الشُّرُوطِ أَنْ تُوفُوا بِهِ مَا اسْتَحْلَلْتُمْ بِهِ الْفُرُوجَ».
[صحيح] - [متفق عليه] - [صحيح البخاري: 2721]

لە عوقبەی کوڕی عامرەوە -ڕەزاى خواى لێبێت- کە پێغەمبەری خودا -صلى اللە علیە وسلم- دەفەرموێت:
«ئەو مەرجانەی مافیان زیاترە وشایستەترن جێبەجێبکرێن ئەوانەن کە بەهۆیانەوە دامێنی (ئافرەتێکی) پێ حەڵاڵ دەبێت بۆتان».
[صەحیحە] - [بوخاری و موسلیم هاوڕان لەسەری] - [صحيح البخاري - 2721]

شیکردنەوە

پێغەمبەر -صلى اللە علیە وسلم- ڕوونیدەکاتەوە ئەو مەرجانەی مافیان زیاترە وشایستەترن جێبەجێبکرێن ئەوانەن کە هۆکارن بۆ چێژ وەرگرتن لە ئافرەت، ئەوانیش مەرجە ڕێگەپێدراوەکانن کە ئافرەت داوایان دەکات لەکاتی گرێبەستی هاوسەرگیری.

لە سوودەکانی فەرموودەکە

1. واجبێتی جێبەجێکردنی مەرجەکان کە هاوسەرەکان پابەندن پێوەى بەرامبەر ئەوی تر، مەگەر مەرجێک حەرامێک حەڵاڵ بکات یان حەڵاڵێک حەرام بکات.
2. جێبەجێکردنی مەرجەکانى هاوسەرگیری زیاتر جەختی لەسەر کراوەتەوە بەبەراورد لەگەڵ بابەتەکانى تر ؛ چونکە بەرامبەر حەڵاڵکردنی دامێنە.
3. مەزنی بابەتی هاوسەرگیری لە ئیسلامدا، چونکە جەختی کردووەتەوە لەسەر جێبەجێکردنی مەرجەکانى.