ഹദീസ്: നിങ്ങൾ പൂർണ്ണമായി പാലിക്കാൻ ഏറ്റവും ബാധ്യതയുള്ള കരാർ ലൈംഗികബന്ധം അനുവദിച്ചു നൽകുന്ന (വിവാഹ) കരാറാണ്
عن عقبة بن عامر رضي الله عنه قال: قال رسول الله صلى الله عليه وسلم:
«أَحَقُّ الشُّرُوطِ أَنْ تُوفُوا بِهِ مَا اسْتَحْلَلْتُمْ بِهِ الْفُرُوجَ».
[صحيح] - [متفق عليه] - [صحيح البخاري: 2721]
المزيــد ...
ഉഖ്ബതു ബ്‌നു ആമിർ -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു:
"നിങ്ങൾ പൂർണ്ണമായി പാലിക്കാൻ ഏറ്റവും ബാധ്യതയുള്ള കരാർ ലൈംഗികബന്ധം അനുവദിച്ചു നൽകുന്ന (വിവാഹ) കരാറാണ്."
[സ്വഹീഹ്] - [ബുഖാരിയും മുസ്ലിമും ഉദ്ധരിച്ചത്] - [صحيح البخاري - 2721]
ഒരു സ്ത്രീയുമായി വിവാഹബന്ധം അനുവദിക്കാൻ നിശ്ചയിക്കപ്പെട്ട കരാറാണ് പാലിക്കപ്പെടാൻ ഏറ്റവും അർഹതയുള്ള നിബന്ധന എന്ന് നബി -ﷺ- അറിയിക്കുന്നു. വിവാഹ കരാറിൽ ഇസ്‌ലാമിൽ അനുവദിക്കപ്പെട്ട എന്തെങ്കിലുമൊരു കാര്യം പാലിക്കണമെന്ന് ഭാര്യ നിബന്ധന വെച്ചിട്ടുണ്ടെങ്കിൽ അത് പാലിക്കുക എന്നത് അനിവാര്യമാണ്.
ഹദീഥിൻ്റെ പാഠങ്ങളിൽ നിന്ന്
- ഭാര്യാഭർത്താക്കന്മാർ പരസ്പരം നൽകുന്ന കരാർ പാലിക്കുക എന്നത് നിർബന്ധമാണ്. എന്നാൽ അല്ലാഹു അനുവദനീയമാക്കിയതിനെ നിഷിദ്ധമാക്കുകയോ അവൻ നിഷിദ്ധമാക്കിയതിനെ അനുവദിക്കുകയോ ചെയ്യുന്ന കരാറുകൾ ഒരാളും പാലിക്കാൻ ബാധ്യസ്ഥമല്ല.
- വിവാഹക്കരാറിൽ പറയപ്പെട്ട നിബന്ധനകൾ പാലിക്കുക എന്നത് മറ്റേതു കരാറുകളേക്കാളും പ്രധാനപ്പെട്ടതാണ്. കാരണം ഒരാൾക്ക് തൻ്റെ ഇണയുമായുള്ള ലൈംഗികബന്ധം ഈ നിബന്ധനകൾ പാലിക്കുമെന്നതിൻ്റെ അടിസ്ഥാനത്തിലാണ് അനുവദിക്കപ്പെട്ടത്.
- വിവാഹത്തിന് ഇസ്‌ലാമിലുള്ള പ്രാധാന്യവും ഉന്നതമായ സ്ഥാനവും. അതു കൊണ്ടാണ് വിവാഹക്കരാറിലെ നിബന്ധനകൾ പാലിക്കണമെന്ന് നബി -ﷺ- ഊന്നിപ്പറഞ്ഞത്.
വിഭാഗങ്ങൾ
കൂടുതൽ
- ഹദീസ്: വലിയ്യ് (രക്ഷാധികാരി) ഇല്ലാതെ വിവാഹമില്ല.
- ഹദീസ്: ഒരു മുഅ്മിൻ (അല്ലാഹുവിൽ വിശ്വസിക്കുന്ന വ്യക്തി) ഒരു മുഅ്മിനതിനെ (അല്ലാഹുവിൽ വിശ്വസിക്കുന്ന സ്ത്രീയെ) വെറുക്കാൻ പാടില്ല. അവളിൽ ഒരു സ്വഭാവം അവന് അനിഷ്ടകരമായാലും മറ്റൊന്നിൽ അവൻ തൃപ്തനാകും
- ഹദീസ്: ഏതെങ്കിലുമൊരു സ്ത്രീ തൻ്റെ രക്ഷാധികാരിയുടെ സമ്മതമില്ലാതെ വിവാഹം കഴിച്ചാൽ ആ വിവാഹം അസാധുവാണ്." മൂന്നു തവണ അവിടുന്ന് അപ്രകാരം പറഞ്ഞു. "അവൻ അവളുടെ അരികിൽ പ്രവേശിച്ചാൽ (വീട് കൂടിയാൽ) -അവൻ അവളിൽ നിന്ന് നേടിയതിന്- അവൾക്ക് മഹ്റിന് അവകാശമുണ്ട്. അവർ തമ്മിൽ ഭിന്നതയിലായാൽ രക്ഷാധികാരി ഇല്ലാത്തവർക്ക് ഭരണാധികാരി രക്ഷാധികാരിയാകുന്നതാണ്