Hadithi: Ndër kushtet që më së shumti meritojnë t'i përmbushni janë ato përmes të cilave ju lejohet afrimi me gratë tuaja
عن عقبة بن عامر رضي الله عنه مرفوعاً: «إن أحَقَّ الشُّروط أن تُوفُوا به: ما استحللتم به الفروج».
[صحيح] - [متفق عليه]
المزيــد ...
Ukbe (Allahu qoftë i kënaqur me të!) tregon se Profeti ﷺ ka thënë: "c2">“Ndër kushtet që më së shumti meritojnë t'i përmbushni janë ato përmes të cilave ju lejohet afrimi me gratë tuaja.”
Ky hadith është sahih. - Muttefek alejhi.
Secili nga bashkëshortët ka qëllime dhe synime kur dëshiron të bëjë kontratën martesore, kështu që i vendos partnerit, përkatësisht partneres kushte për t'iu përmbajtur dhe kërkon zbatimin e tyre, dhe ato quhen kushte në martesë dhe janë shtesë ndaj kushteve të martesës, pa të cilat ajo nuk është e vlefshme. Është vënë theksi që ato të përmbushen, se kushtet e martesës janë me një shenjtëri madhështore dhe duhet t'u përmbahemi fort, sepse përmes tyre është lejuar afrimi me gratë.
Mësime nga hadithi
- Është obligim që të përmbushen kushtet që njëri prej bashkëshortëve ia ka vendosur tjetrit, fjala vjen, kërkesa e gruas për rritjen e mehrit ose vendbanimin në një vend të caktuar, si dhe kërkesa e burrit që gruaja të jetë e virgjër e me prejardhje fisnike.
- Kuptimi i përgjithshëm i këtij hadithi kufizohet me detyrimin për përmbushjen e kushteve, siç është hadithi: “Nuk i lejohet një gruaje të kërkojë shkurorëzimin e shemrës (gruas tjetër)."
- Përmbushja e kushteve të martesës është më e spikatur se përmbushja e kushteve të tjera, sepse është në këmbim të lejimit të afrimit te gruaja.
- Ajo që është e obligueshme për secilin nga bashkëshortët ndaj tjetrit, siç është për gruan, bie fjala, shpenzimi, kënaqja dhe banimi, kurse për burrin, kënaqja me gruan e tij, - nuk është e një mase të caktuar, - por për këtë i referohemi zakonit.
- Kushtet në martesë ndahen në dy lloje: a. Të vlefshme, pra që nuk janë në kundërshtim me kërkesat e kontratës dhe kushti i paraparë i bashkëshortëve të ketë një qëllim të vlefshëm; b. Të pavlefshme, pra që është në kundërshtim me kërkesat e kontratës. Peshorja në këto kushte e të ngjashme është hadithi i Profetit ﷺ: "Muslimanët janë të detyruar t'u përmbahen kushteve të tyre, përveç kushtit që e ndalon atë që është e lejuar ose e lejon atë që është e ndaluar.” Nuk ka dallim nëse përcaktimi i kushteve ndodh para ose gjatë kontratës.