Hadithi: Gjynahet më të mëdha janë: shirku ndaj Allahut, siguria nga të papriturat e Allahut dhe humbja e shpresës në mëshirën e Allahut
عن عبد الله بن مسعود رضي الله عنه عن النبي صلى الله عليه وسلم أنه قال: "أكبر الكبائر: الإشراك بالله، والأمن من مَكْرِ الله، والقُنُوطُ من رحمة الله، واليَأْسُ من رَوْحِ الله".
[إسناده صحيح] - [رواه عبد الرزاق]
المزيــد ...
Abdullah ibn Mesudit (Allahu qoftë i kënaqur me të!) tregon se Profeti ﷺ ka thënë: "Gjynahet më të mëdha janë: shirku ndaj Allahut, siguria nga kurthet (të papriturat) e Allahut dhe humbja e shpresës në mëshirën e Allahut."
Senedi i këtij hadithi është sahih (i shëndoshë). - E shënon Abdurrezzaku.
I Dërguari i Allahut ﷺ ka përmendur në këtë hadith gjynahet që konsiderohen më të mëdhatë, e ato janë: t'i bëhet Allahut ortak (shirk) në zotërimin ose adhurimin e Tij. Me këtë e filloi, sepse është mëkati më i madh. Pastaj këputja e shpresës nga Allahu, sepse ky është mendim i keq për Allahun dhe mosnjohje e mëshirës së Tij të gjerë, si dhe siguria nga afatizimi që ia bën robit, duke i dhënë begati, derisa ai ta dënojë duke qenë i shkujdesur. Ky hadith nuk ka për qëllim t'i kufizojë mëkatet e mëdha në ato që u përmendën, sepse mëkatet e mëdha janë të shumta, por të shpjegohen se cilat janë mëkatet më të mëdha.
Mësime nga hadithi
- Gjynahet ndahen në gjynahe të mëdha dhe të vogla.
- Shirku është mëkati më i tmerrshëm dhe më i madh.
- Është e ndaluar të sigurohemi nga të papriturat e Allahut të Lartësuar dhe ta humbim shpresën nga mëshira e Tij, meqë këto janë ndër mëkatet më të mëdha.
- Është e lejuar të cilësohet Allahu i Lartësuar me cilësinë e kurthvënies (ar. el mekr), kundrejt kurthaxhinjve. Kjo është një cilësi e përkryer. Ndërkaq, i përçmuar është ai lloj kurthvënieje ndaj atij që nuk e meriton një gjë të tillë.
- Është obligim që robi të jetë ndërmjet frikës dhe shpresës, kur të ketë frikë, të mos i humbë shpresat, sikundërqë kur të shpresojë, të mos sigurohet.
- Pohimi i cilësisë së mëshirës për Allahun e Lartësuar, ashtu siç i përshtatet madhërisë së Tij.
- Është obligim të kemi mendim të mirë për Allahun e Lartmadhëruar.
Kategoritë
Më shumë
- Hadithi: Ai që e kryen haxhillëkun në Qabe, duke u larguar nga çdo veprim intim bashkëshortor a fjalë e pahijshme dhe pa mëkatuar, kthehet (i pastër nga mëkatet) sikurse ditën që e ka lindur nëna
- Hadithi: A doni t'ju tregoj për mëkatet më të mëdha?
- Hadithi: Kur njeriu ta dojë vëllanë e tij, le t'i tregojë se e do
- Hadithi: Mëkatet e mëdha janë: t'i bëhet shirk Allahut, mosrespektimi i prindërve, vrasja e njeriut dhe betimi i rrejshëm
- Hadithi: Ia dhamë besën të Dërguarit të Allahut ﷺ se do ta dëgjojmë dhe do t'i bindemi në kohë të vështira dhe në kohë të qeta, qofshim të fortë, qofshim ngurrues, edhe nëse dikush bëhet padrejtësisht hisetar në hakun tonë, si dhe se nuk do t'ua cenojmë postin atyre që u takon.
- Hadithi: Nuk ka namaz kur të shtrohet ushqimi e as nën presionin e nevojave fiziologjike
- Hadithi: Nëse në ditën e premte, teksa imami është duke ligjëruar, i thua shokut tënd "hesht!", tashmë e ke humbur shpërblimin