عن عبادة بن الصامت رضي الله عنه قال: قال رسول الله صلى الله عليه وسلم "مَنْ شهِد أنْ لا إله إلا الله وحده لا شرِيك له وأنَّ محمَّدا عبده ورسُولُه، وأنَّ عِيسى عبدُ الله ورسُولُه وكَلِمَتُه أَلقَاها إِلى مريم ورُوُحٌ مِنه، والجنَّة حَقٌّ والنَّار حقٌّ، أَدْخَلَه الله الجنَّة على ما كان مِنَ العمَل".
[صحيح] - [متفق عليه]
المزيــد ...
Ubade ibn Samiti (Allahu qoftë i kënaqur me të!) tregon se i Dërguari i Allahut ﷺ ka thënë: "Atë që dëshmon se s’ka të adhuruar me të drejtë përveç Allahut të Vetëm e pa ortak, se Muhamedi është rob dhe i Dërguari i Tij, se Isai është rob i Allahut, i dërguar i Tij dhe Fjala e Tij (bëhu), të cilën ia ka drejtuar Merjemes, si dhe shpirt (i krijuar) prej Tij dhe se Xheneti është i vërtetë e Zjarri është i vërtetë, Allahu e fut në Xhenet, sido që të ketë punuar."
Ky hadith është sahih. - Muttefek alejhi.
Profeti ﷺ na tregon në këtë hadith se ai që e shqipton fjalën e teuhidit (monoteizmit), e di kuptimin e saj, punon sipas kërkesave të saj, dëshmon se Muhamedi ﷺ është rob dhe i Dërguar, e pohon se Isai është rob dhe i Dërguar dhe se ai u krijua prej fjalës "Bëhu!", nga Merjemi, gjithashtu e shfajëson nënën e tij nga ajo që hebrenjtë armiq ia adresojnë asaj; beson në vërtetësinë e Xhenetit për besimtarët dhe në vërtetësinë e Zjarrit për jobesimtarët, do të hyjë në Xhenet, sido që të ketë punuar.