Hadith: Malamusi gakusosekwa kugakwanilisya, ni malamusi gakusatendekasya kuti mundu akundisidwe kutamilana malo gamo ni wamkwakwe

عن عقبة بن عامر رضي الله عنه قال: قال رسول الله صلى الله عليه وسلم:
«أَحَقُّ الشُّرُوطِ أَنْ تُوفُوا بِهِ مَا اسْتَحْلَلْتُمْ بِهِ الْفُرُوجَ».
[صحيح] - [متفق عليه] - [صحيح البخاري: 2721]

Ngani jikupipitila kwa Uquba mwanache jwa Amir -Mlungu asangalasidwe nawo- wawechete kuti: Mtume jwa Mlungu-chanasa ni utendele wa Mlungu ijaule kwa jwelejo- watite kuti:
"Malamusi gakusosekwa kugakwanilisya, ni malamusi gakusatendekasya kuti mundu akundisidwe kutamilana malo gamo ni wamkwakwe".
[صحيح] - [متفق عليه] - [صحيح البخاري - 2721]

Explanation

Mtume -chanasa ni utendele wa Mlungu iwe pa jwelejo-akulongosola kuti malamusi gakusosekwa kwanilisya, ni malamusi gakusatendekasya jwamkongwe kuwa jwakundisidwa kuti jwamlume atamilaneje najo sawu liwasa, gele ni malamusi gali gakundisidwa gakusawaga jwamkongwe akugajitika pa ndawi jakutawisya ulombela.

Benefits from the Hadith

1. Kusosekwa kwakwanilisya malamusi ganti waliwose mwa wandu wawili wali pewasa agakuyeje, nakaweje ali awisile malamusi gakulekasya yakundisidwa kapena kukundisya yailekasidwe,gele gangasosekwa kwanilisya.
2. Kwanilisya malamusi ga ulombela, ili yakanganichisidwa mnope kulekangana ni gane; ligongo malamusi gele gakusakwayana ni kundisya kutamilana pamo ni wamkwakwe.
3. Yeleyi ikulosya kuchimbichika kwa ulombela mu malamusi ga Chisilamu,ligongo lyakulamulidwa yakusosekwa kwanilisya malamusi ga ulombelawo.