Hadith: Mundu jumpakana alijiganye kalikose kakusana majiganyo gakwayana ndondwa yaikusalosya yampaka itendekwe pa umi wa mundu, akusawa alijiganyisye mbali jimo ja majiganyo ga usawi, ndawi jilijose jakulunda majiganyo gelega akusawa akulunda usawi

عن ابن عباس رضي الله عنهما قال: قال رسول الله صلى الله عليه وسلم:
«من اقتبَسَ علْمًا مِنَ النُّجُومِ اقْتبَسَ شُعبَة مِن السِّحرِ، زادَ ما زادَ».
[صحيح] - [رواه أبو داود وابن ماجه وأحمد] - [سنن أبي داود: 3905]

Ngani jikupitila kwa mwanache jwa Abbas -Mlungu asangalasidwe nawo wawiliwo- wawawechete kuti: Mtume jwa Mlungu -chanasa ni utendele wa Mlungu iwe pa jwelejo- watite kuti:
"Mundu jumpakana alijiganye kalikose kakusana majiganyo gakwayana ndondwa yaikusalosya yampaka itendekwe pa umi wa mundu, akusawa alijiganyisye mbali jimo ja majiganyo ga usawi, ndawi jilijose jakulunda majiganyo gelega akusawa akulunda usawi".
[صحيح] - [رواه أبو داود وابن ماجه وأحمد] - [سنن أبي داود - 3905]

Explanation

Mtume -chanasa ni utendele wa Mlungu iwe pa jwelejo-akulongosola kuti mundu jumpaka alijiganye majiganyo gakusana ndondwa ni kuwichilaga umboni ya kajende kakwe, kwinjila ni kupoka kwa ndondwasyo pa yakutendekwa yapa chilambo, sawu kuwa kwa mundu kapena kupagwa kapena kulwala, ni yakulandana ni yeleyi mu ikandu yatiyitendekwa ndawi ja msogolo, nikuti alijiganyisye mbali jimo ja usawi, nikuti ndawi jilijose jakutupiya mundu kulijiganya majiganyo gelega, nikuti akusawa akutupiya usawi.

Benefits from the Hadith

1. Mu ngani jeleji mwana kulekasya yakulupilila ya wandu wakusasalaga ya indu yakutendekwa msogolo pakwegamila kawe ka ndondwa; ligongo mteto wele ukwinjila mu kuliwilanjila umanyisi wa indu yakusisika.
2. Ni kuti majiganyo gakusana ya ndondwa gali gakulekasidwa ni gali mu magulu ga usawi gakusasisyana ni ujikape wa Mlungu, yaikulekangana ni kulola ndondwa pakusaka kumanyilila mbali jajili chibula kapena kutanda kwa mapopelo gakulekangana lekangana kapena kutanda kwa myesi,yele ni yakundisidwa.
3. Ndawi syosope syakutupiya mundu kulijiganya yakusana ndondwa ,jwele mundujo akusawa akulunda kulijiganya usawi.
4. Ndondwa sikwete yakupindulisya itatu yaikolasile Mlungu mu buku jakwe: kusalalisya kumaunde, ilosyo yakwalongolela wandu, ni kwatosolela a Satana.