فەرموودە: هەرکەسێک زانست وەربگرێت لە ئەستێرەکانەوە ئەوا بەشێک لە سیحری وەرگرتووە، هەرچەندێک زیاتر (فێر بێت) ئەوا (سیحری) زیاتر وەردەگرێت
عن ابن عباس رضي الله عنهما قال: قال رسول الله صلى الله عليه وسلم:
«من اقتبَسَ علْمًا مِنَ النُّجُومِ اقْتبَسَ شُعبَة مِن السِّحرِ، زادَ ما زادَ».
[صحيح] - [رواه أبو داود وابن ماجه وأحمد] - [سنن أبي داود: 3905]
المزيــد ...
لە ئیبن عەباسەوە -ڕەزای خوایان لێبێت- کە پێغەمبەری خودا -صلى اللە علیە وسلم- دەفەرموێت:
«هەرکەسێک زانست وەربگرێت لە ئەستێرەکانەوە ئەوا بەشێک لە سیحری وەرگرتووە، هەرچەندێک زیاتر (فێر بێت) ئەوا (سیحری) زیاتر وەردەگرێت».
[صەحیحە] - - [سنن أبي داود - 3905]
پێغەمبەر -صلى اللە علیە وسلم- ڕوونیدەکاتەوە هەرکەسێک زانستی ئەستێرەناسی وئەستێرەکان -بورجەکان- فێر بێت وئاماژە بۆ جوڵە وهاتن وچوونیان بکات لەسەر ڕووداوەکانى سەر زەوی لە مردن وژیان ونەخۆشی وحاڵی فڵان یان هاوشێوەى ئەمانە لەو شتانەى لەداهاتوودا ڕوودەدەن، ئەوا شتێک لە سیحرکردن فێربووە، وهەتاوەکو زیاتر فێری ئەم زانستە بێت ئەوا زیاتر فێری سیحرکردن بووە.
لە سوودەکانی فەرموودەکە
- حەرام بوونی ئەستێرەناسی کە بریتیە لە هەواڵدان بەو ڕووداوانەی کە لە داهاتوودا ڕوودەدەن لە ڕێگەی زانینی حاڵی ئەستێرەکانەوە، چونکە ئەمە بانگەشەی زانینی غەیبە.
- ئەستێرەناسی جۆرێکە لە جۆرەکانی سیحرکردن کە پێچەوانەی تەوحیدە، بەپێچەوانەى سەیرکردنی ئەستێرەکان بۆ زانینی ئاراستە وقیبلە وهاتنی وەرز ومانگەکان ؛ ئەمە ڕێگەپێدراوە.
- هەرچەندە فێربوون وزانستی زیاتر بێت سەبارەت بە ئەستێرەناسی ئەوا زیاتر فێری سیحرکردن بووە.
- ئەستێرەکان سێ سوودیان هەیە ؛ خواى گەورە لە کتێبەکەیدا باسیکردووە: بۆ ڕازاندنەوەى ئاسمان، ونیشانەن بۆ زانینی ڕێگاکان، وبۆ ڕەجمکردنی شەیتانەکان.
پۆلێنکردنەکان
زیاتر
- فەرموودە: کاتێک دانیشتبووین لای پێغەمبەری خودا -صلى اللە علیە وسلم- پیاوێک دەرکەوت وهاتە لامان، جلەکەی زۆر سپی وقژی زۆر ڕەش بوو وبەوە ناکات کەسێکی موسافیر بێت وکەسیش لە ئێمە نایناسێت
- فەرموودە: ئەی بەندەکانم، من ستەمم لە سەر نەفسی خۆم حەرامکردووە بۆیە ستەم لە یەکتری مەکەن، ئەی بەندەکانم، هەمووتان گومڕان جگە لە ئەوانە نەبێت کە من هیدایەتم داون بۆیە داوای هیدایەت لە من بکەن هیدایەتتان دەدەم
- فەرموودە: خوای گەورە مۆڵەت دەدات بە کەسی زاڵم وستەمکار؛ بەڵام کە گرتی ئەوا بەری نادات وتۆڵەی لێدەسێنێتەوە
- فەرموودە: لە ئێمە نییە: ئەو کەسەی باوەڕی هەبێت بە شومیەتی لە شتێکدا یان داوا بکات بە پشکنینی شومیەتی لە شتێکدا، وئەوەی کەسەی فاڵ بگرێتەوە یان داوا بکات فاڵی بۆ بگیرێتەوە، وئەو کەسەی کە سيحر بکات یان داوا بکات سیحری بۆ بکرێت، وهەرکەسێک بچێتە لای فاڵگرێک (جادووگەرێک) وبڕوای پێبکات لەوەی کە دەیڵێت ئەوا کوفری کردووە بەوەی کە دابەزیوە بە سەر موحەمەد -صلى اللە علیە وسلم
- فەرموودە: هەرکەسێک بچێت بۆ لای جادووگەرێک وپرسیاری شتێکی لێبکات وباوەڕی پێبکات لەو شتەدا؛ ئەوا ئەو کەسە چل ڕۆژ نوێژی قبوڵ ناکرێت
- فەرموودە: جێبەجێکردنی تەنها فەریزەکان
- فەرموودە: بێگومان (ئەو سنوورەی وەستاوە) لەنێوان مرۆڤ -و- كوفر وشیرك ؛ وازهێنانە لەنوێژكردن