Hadiis: Ned ning sẽn wa n tʋg n moka bãngr sẽn yaa ãds bãngre, ad a moka bãngr sẽn yi tɩɩmã bãngrẽ, yẽ me paasa tɩɩmã a sẽn paas ãdsã karengã yĩnga
عن ابن عباس رضي الله عنهما قال: قال رسول الله صلى الله عليه وسلم:
«من اقتبَسَ علْمًا مِنَ النُّجُومِ اقْتبَسَ شُعبَة مِن السِّحرِ، زادَ ما زادَ».
[صحيح] - [رواه أبو داود وابن ماجه وأحمد] - [سنن أبي داود: 3905]
المزيــد ...
Yii a ɭbn ̌Abbaas nengẽ, -Wẽnd yard be b yiibã yĩnga-, a yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeelame:
«Ned ning sẽn wa n tʋg n moka bãngr sẽn yaa ãds bãngre, ad a moka bãngr sẽn yi tɩɩmã bãngrẽ, yẽ me paasa tɩɩmã a sẽn paas ãdsã karengã yĩnga».
[Naṣʋn Ṣahɩɩhʋn (Gom-sikdem sẽn manege)] - [A ɭbn Maaǧa n togs-a - A Abʋʋ Daawʋʋd n togs-a - A Ahmad n togs-a] - [Sunan Abɩɩ Daawʋʋd - 3905]
Nabiyaamã (Wẽnd pʋʋsg la A tɩlgr be a yĩnga) vẽnegdame n wilgdẽ, tɩ ned ning sẽn tʋg n karma, la a bao ãdsã bãngre, n teesd b rãamdã la a yɩɩb la b lʋɩɩse, n tõkd-a ne tẽngã yεl-yɩtsã, wala neb kũum, maa b vɩɩm, maa b bãase, la sẽn wõnd rẽnda, sẽn yaa yεl sẽn na n yɩ sẽn wate, nin-kãngã soaba karemã tɩɩmã bεka, la ninsaal sẽn wʋsg bãng-kãngã fãa, ad a wʋsga tɩɩm, a paasa tɩɩmã a sẽn paas ãdsã karengo.
Sẽn be Hɑdiisã yõod-rãmbẽ
- Yaa ãdsã bãngr karengo, bãngr ning sẽn yaa ges-n-togs sẽn wate, tɩ yaa ãdsã halhaal-rãmb la a na n tiki, bala a bee yel-soondɩ wã bãngr yeelg pʋgẽ.
- Yaa tɩ ãdsã bãngr ning sẽn yaa haraamã, a yaa kõbg sẽn yi tɩɩmã kõbg ninga sẽn kɩɩsd Wẽn-yembgã, la rẽ yõsga ne sẽn na n ges ãdsẽ wã sẽn na yɩl n bãng ween-n-vɩɩsã teesg zĩiga, la Alkibla, maa wakat-rãmbã kõom la kiisã, yẽnda yaa bũmb sẽn segde.
- A sẽn wʋsg ãdsã kareng fãa, ad yẽnda paasa tɩɩmã kõbg a yembr karengo.
- Ãdsã tara yõod a tãabo, tɩ Wẽnd togs-ba A Gafã pʋga: b yaa faas-teed ne saasã, n leb yaa tagmas-rãmb tɩ b get-b n rɩkd sore, n leb yaa kug n tar n lobd sʋɩtãambã.
Sagsã
Pɑɑgã
- Hadiis: lɩslaangã yaa f maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma, la f yals ne Pʋʋsgo la f yãk Zaka n kõ, la f loe Ramadaane, la f kaag Roogã tɩ f sã n paam sor n na n tʋg beenẽ
- Hadiis: Yaa Mam yembse, ad Mam gɩdga wẽgd Mam zugu, n maan-a t'a yaa haraam yãmb ne taab sʋka, bɩ y ra wẽg taab ye
- Hadiis: Ad Wẽnd tõe n yaoolga wẽgdã, t'A sã n wa yõk-a a ka põsgd-A ye
- Hadiis: Ka be tõnd pʋgẽ, ned sẽn maana liu-n-bogre, maa b maana a yĩnga, maa a bʋga bagre, maa b bʋga bagr a yĩnga, maa a maan tɩɩm, maa b maana tɩɩm a yĩnga
- Hadiis: Ned ning sẽn wa yel-soaandɩ togsd nengẽ, n sok-a bũmbu, b ka reegd a Pʋʋsgo, rasem pis-naase
- Hadiis: kõ maam kibare, rẽ yĩnga mam sã n pʋʋs wakat-rãmb a nu wã, la m loe Ramadaanã, la m maan halaalã
- Hadiis: rẽ yĩnga yãmb mii y Soabã sẽn yeele?” Tɩ b yeele: Wẽnd la A Tẽn-tʋʋmã n mi. T’a yeele: ad Mam yembsã pʋgẽ, vẽega beoog tɩ neb be beenẽ n kõ sɩd ne Maam, la kɩfl ne Maam