Hadiis: Ad bũmb ning sẽn be ne ned la lagem-n-taarã la kɩfẽndã sʋka, yaa Pʋʋsg basbo

عن جابرٍ رضي الله عنه قال: سمعت النبي صلى الله عليه وسلم يقول:
«إِنَّ بَيْنَ الرَّجُلِ وَبَيْنَ الشِّرْكِ وَالْكُفْرِ تَرْكَ الصَّلَاةِ».
[صحيح] - [رواه مسلم] - [صحيح مسلم: 82]

Yii a Gεεbir nengẽ (Wẽnd yard be ɑ yĩngɑ) ɑ yeelɑme: m wʋma Wẽnd Tẽn-tʋʋma (Wẽnd pʋʋsg la A tɩlgr be a yĩngɑ) t'ɑ yetẽ:
«Ad bũmb ning sẽn be ne ned la lagem-n-taarã la kɩfẽndã sʋka, yaa Pʋʋsg basbo».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 82]

bilgrã

Nabiyaamã, (Wẽnd pʋʋsg la A tɩlgr be a yĩnga) bugsame n yi Pʋʋsg a nu wã sẽn yaa farilã basbo, la a kõ kibare tɩ sẽn be raoa la kɩfẽndã la lagem-n-taarã sʋkɑ yaa Pʋʋsgã basbo, rẽnd Pʋʋsgã la zeng raad a yiib soɑbɑ sẽn be lɩslaangã zeng raad pʋsẽ, rẽnd ɑ yellã yaa zɩsgo, rẽnd ned ning sẽn bas-a n kɩɩsd t'a yɑɑ tɩlae wã, yẽ soaba kɩflame, woto yaa lɩslaambã no-sɩɩre. La a sã n bas-a zãnga, n ka pʋʋsdẽ, tɩ yaa a yellã fɑɑgre la kʋɩɩngo yẽ me yaa kɩfre, togsg waame tɩ sahaabsã sɩɩga taab noor ne rẽndɑ. La sã n mikame t'a basda wakat ninga la a pʋʋsd wakat sãnda, rẽnd yẽ soaba sã n ka gũusi, a paamda pʋlen-wẽng sẽn yaa kεgenga.