ဟဒီးဆ်: ဧကန်မုချ လူတစ်ဦးနှင့် ရှိရ်က်၊ကုဖ်ရ်၏အကြား၌ ဆွလာသ်စွန့်လွှတ်ခြင်းသာ ခြားနားသည်။
عن جابرٍ قال: سمعت النبي صلى الله عليه وسلم يقول: «إن بين الرجل وبين الشرك والكفر ترك الصلاة».
[صحيح] - [رواه مسلم]
المزيــد ...
ဂျာဗိရ်(ရဿွိယလ္လာဟုအန်ဟု)က ဆင့်ပြန်ခဲ့သည်။ ကျွန်ုပ်သည်တမန်တော်မြတ်(ဆွလ္လလ္လာဟုအလိုင်းဟိဝစလ္လမ်) မိန့်ကြားတော်မူသည်ကို ကြားသိခဲ့သည်။ ဧကန်မုချလူတစ်ဦးနှင့် ရှိရ်က်၊ကုဖ်ရ်၏အကြား၌ ဆွလာသ်စွန့်လွှတ်ခြင်းသာ ခြားနားသည်။
ဤဟဒီးဆ်သည် ဆွဟီးဟ် အဆင့်ရှိသည်။ - မွတ်စ်လင်မ်ကျမ်း။
ဧကန်မုချလူတစ်ဦးနှင့် ရှိရ်က်၊ကုဖ်ရ်၏အကြား၌ ဆွလာသ်စွန့်လွှတ်ခြင်းသာ ခြားနားသည် ဟူသော တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)၏ မိန့်ကြားချက်၏ အလိုသဘောမှာ အကြင်သူသည် ဆွလာသ်ဆောက်တည်ခြင်းကို စွန့်လွှတ်ပါက ၎င်းနှင့်ရှိရ်က်၏အကြားတွင် မည်သည့်အကာအဆီးမှ မရှိတော့သဖြင့် ၎င်းသည် ထိုထဲသို့ ဝင်ရောက်သွားမည်ဖြစ်သည်။ ဆိုလိုသည်မှာ ကာဖိရ်ဖြစ်သွားပေမည်။ လူတစ်ဦးသည် ဆွလာသ် ဆောက်တည်သော်လည်း ဆွလာသ်၏ဖရ်ဿ်ွဖြစ်ခြင်းအား ငြင်းပယ်ပါက ၎င်းသည် ဤအမိန့်ထဲတွင်ပါဝင်သည်။ ထို့အတူ အကြင်သူသည် ဆွလာသ်ကို ဖရ်ဿ်ွဖြစ်ကြောင်းဝန်ခံသော်လည်း ဆွလာသ်ဆောက်တည်ခြင်းကို အလေးမထားဘဲ စွန့်လွှတ်လိုက်ပါက ထိုသူသည်လည်းဤအမိန့်တွင် အကျုံးဝင်ပေသည်။ ဆွဟာဗဟ်(ရဿွိယလ္လာဟုအန်ဟုမ်)ကြီးများသည် ဤအတိုင်းပင် ဖသ်ဝါဓမ္မသတ် ဆုံးဖြတ်ထားပြီး ယင်းအားဆန့်ကျင်သည့် မည်သည့်ဆွဟာဗဟ်တစ်ဦးတစ်ယောက်မျှမရှိခဲ့ပေ။ တစ်ခါတစ်ရံ ရှိရ်က်နှင့်ကုဖ်ရ်စကားလုံးနှစ်လုံးအားအလ္လာဟ်အရှင်မြတ်ကို ငြင်းပယ်ခြင်းဟူသည့် အဓိပ္ပာယ် တစ်ခုတည်းအတွက် သုံးနှုန်းသည်။ တစ်ခါတစ်ရံတွင် ထိုစကားလုံးနှစ်ခုအား သီးခြားစီသုံးစွဲသည်။ ရှိရ်က်ဟူသည် အလ္လာဟ်အရှင်မြတ်မှအပ အခြားအရာများဖြစ်သည့် ရုပ်တုဆင်းတုများ၊ အခြားအဖန်ဆင်းခံများကို အလ္လာဟ်အရှင်မြတ်နှင့်အတူခဝပ်ကိုးကွယ်ခြင်းကို ခေါ်ဆိုပြီး ကုဖ်ရ်သည် ရှိရ်က်ထက်ပို၍ကျယ်ပြန့်သည်။
ဟဒီးဆ်မှ သိမှတ်ဖွယ်ရာများ
- အကြင်သူသည် ငြင်းဆန်၍ဖြစ်စေ၊ အလေးမထား၍ဖြစ်စေ ဆွလာသ်အားစွန့်လွှတ်ပါက မုချထိုသူသည် ကာဖိရ်ဖြစ်သွားပေမည်။
- ဆွလာသ်အား အလေးအနက်ထားရန်နှင့် စွဲစွဲမြဲမြဲဆောက်တည်ရန် လိုအပ်ကြောင်းတင်ပြထားသည်။ အဘယ်ကြောင့်ဆိုသော် ဆွလာသ်သည် ‘ကုဖ်ရ်’ သွေဖည်ငြင်းပယ်မှုနှင့် အီမာန်သက်ဝင်ယုံကြည်မှု၏ကြားတွင် ခွဲခြားပေးသောအရာပင်ဖြစ်သည်။
- ကုဖ်ရ်သည် တစ်ခါတစ်ရံ ရှိရ်က် တုဖက်နှိုင်းယှဉ်ခြင်း၏ အဓိပ္ပာယ်၌လာရှိပြီး တစ်ခါတစ်ရံ ကုဖ်ရ်သည် ရှိရ်က်ထက်ပို၍ကျယ်ပြန့်သည်။
အမျိုးအစားများ
- အကီဒဟ် ယုံကြည်ချက်။ . အမည်နာမများနှင့် အမိန့်ပညတ်ချက်များ။ . အစ္စလာမ်ပျက်စေသောအရာများ။
- အကီဒဟ် ယုံကြည်ချက်။ . အမည်နာမများနှင့် အမိန့်ပညတ်ချက်များ။ . အစ္စလာမ်ပျက်စေသောအရာများ။
- အကီဒဟ် ယုံကြည်ချက်။ . အမည်နာမများနှင့် အမိန့်ပညတ်ချက်များ။ . သွေဖည်ငြင်းပယ်ခြင်း။
- အကီဒဟ် ယုံကြည်ချက်။ . အမည်နာမများနှင့် အမိန့်ပညတ်ချက်များ။ . သွေဖည်ငြင်းပယ်ခြင်း။
- ဖိကဟ်နှင့် ၎င်း၏စည်းမျဥ်းများ။ . ခဝပ်ကိုးကွယ်မှုဆိုင်ရာ ဖိကဟ်။ . ဆွလာသ်။ . ဆွလာသ်ဖရ်ဿ်ွဖြစ်ခြင်းနှင့် ဆွလာသ်စွန့်လွှတ်သူ၏အမိန့်။
- ဖိကဟ်နှင့် ၎င်း၏စည်းမျဥ်းများ။ . ခဝပ်ကိုးကွယ်မှုဆိုင်ရာ ဖိကဟ်။ . ဆွလာသ်။ . ဆွလာသ်ဖရ်ဿ်ွဖြစ်ခြင်းနှင့် ဆွလာသ်စွန့်လွှတ်သူ၏အမိန့်။
ထပ်၍
- ဟဒီးဆ်: တစ်ရက်တွင် ကျွန်တော်တို့သည် အလ္လာဟ်အရှင်မြတ်၏ ရစူလ်တမန်တော်ထံ၌ ထိုင်နေကြစဉ် လွန်စွာဖြူဖွေးသည့်အဝတ်အစားများ ဝတ်ဆင်ထားပြီး အလွန်မည်းနက်သော ဆံပင်ရှိသည့် ပုဂ္ဂိုလ်တစ်ဦး ကျွန်တော်တို့ရှေ့၌ ရုတ်တရက် ရောက်ရှိလာခဲ့သည်။ ထိုသူ၌ ခရီးထွက်လာသည့်လက္ခဏာ မတွေ့ရသလို ကျွန်တော်တို့ထဲတွင် သူ့ကိုသိသူ တစ်ဦးမျှလည်းမရှိပေ။
- ဟဒီးဆ်: အို - ငါအရှင်၏ကျွန်အပေါင်းတို့ ငါအရှင်မြတ်သည် မတရားမှုကို မိမိအပေါ်တွင် ဟရာမ် အဖြစ်သတ်မှတ်ထားတော်မူသည်။ ထို့အတူ အသင်တို့ ကြား၌လည်း ၎င်းအား ဟရာမ်အဖြစ် သတ်မှတ်တော်မူလိုက်သည်။ သို့ရှိရာ အသင်တို့အချင်းချင်း မတရားမှုမပြုကြလေနှင့်။ အို - ငါအရှင်၏ကျွန်အပေါင်းတို့ ငါအရှင်လမ်းမှန်တရားချီးမြှင့်သူမှအပ အသင်တို့အားလုံးသည် လမ်းမှားနေကြသူများဖြစ်ကြသည်။ သို့ရှိရာ အသင်တို့သည် ငါအရှင့်ထံတော်ပါးတွင် လမ်းမှန်တရားကို တောင်းခံကြလေကုန်၊ ငါအရှင်မြတ်သည် အသင်တို့အား လမ်းမှန်တရား ချီးမြှင့်တော်မူမည်။
- ဟဒီးဆ်: ဧကန်အမှန် အလ္လာဟ်အရှင်မြတ်သည် မတရားပြုသူအား အချိန်ဆိုင်းငံ့ခွင့် ပေးထားတော်မူသည်။ အရှင်မြတ်က ၎င်းအား အရေးယူသည့်အခါ လွတ်မြောက်ခွင့် ပေးမည်မဟုတ်ပေ။
- ဟဒီးဆ်: အတိတ်နမိတ်ဆိုးကောက်သူ၊ အတိတ်နမိတ်ဆိုးကောက်ပေးသူ၊ ဗေဒင်လက္ခဏာကြည့်သူ၊ ဗေဒင်လက္ခဏာကြည့်ပေးသူ၊ ဂျာဒူပယောဂပြုသူ၊ ဂျာဒူပယောဂပြုပေးသူတို့သည် ငါကိုယ်တော်၏ နောက်လိုက်သားတို့အနက်မှမဟုတ်ပေ။ မည်သူမဆို အကွယ်ရှိအကြောင်းအရာများကို ဟောကြားသူထံသွား၍ ၎င်း၏ ဟောကြားချက်ကို ထောက်ခံခဲ့လျှင် ထိုသူသည် တမန်တော် မုဟမ္မဒ် (ဆွလ္လလ္လာဟုအလိုင်ဟိဝစလ္လမ်)အပေါ် ချပေးခဲ့သည့်အရာ (ကုရ်အာန်ကျမ်းမြတ်)ကို ငြင်းပယ်လိုက်ခြင်းပင်ဖြစ်သည်။
- ဟဒီးဆ်: မည်သူမဆို အကွယ်ရှိအကြောင်းအရာများကို ဟောကြားသူထံသွား၍ တစ်စုံတစ်ရာ မေးမြန်းကာ ၎င်းအား ထောက်ခံခဲ့လျှင် ရက်ပေါင်း လေးဆယ်တိုင် ထိုသူ၏ ဆွလာသ်လက်ခံခြင်းခံရမည် မဟုတ်ပေ။
- ဟဒီးဆ်: မည်သူမဆို နက္ခတ်တာရာ ဂြိုလ်စီး၊ဂြိုလ်နင်း ပညာရပ်များအနက် ကဏ္ဍတစ်ခုအား သင်ယူဆည်းပူးခဲ့ပါက အမှန်တကယ်ပင် ၎င်းသည် ဂျာဒူပယောဂ၏ ကဏ္ဍတစ်ခုကို သင်ယူခဲ့ခြင်းပင်ဖြစ်သည်။ (သင်ယူမှု)များလာသည်နှင့်အမျှ (ဂျာဒူပယောဂအတတ်လည်း) များလာမည်ဖြစ်သည်။
- ဟဒီးဆ်: ဖရ်ဿ်ွများကိုသာ ကျင့်သုံးခြင်း။