ហាទីស្ហ: “ភាពខុសគ្នារវាងអ្នកអ៊ីស្លាម និងអំពើស្ហ៊ីរិក ហើយនិងភាពគ្មានជំនឿ គឺការបោះបង់សឡាត”។
عن جابرٍ رضي الله عنه قال: سمعت النبي صلى الله عليه وسلم يقول:
«إِنَّ بَيْنَ الرَّجُلِ وَبَيْنَ الشِّرْكِ وَالْكُفْرِ تَرْكَ الصَّلَاةِ».
[صحيح] - [رواه مسلم] - [صحيح مسلم: 82]
المزيــد ...
អំពី ជើពៀរ رضي الله عنه បាននិយាយថា៖ ខ្ញុំបានឮណាពី ﷺ លោកបានមានប្រសាសន៍ថា៖
“ភាពខុសគ្នារវាងអ្នកអ៊ីស្លាម និងអំពើស្ហ៊ីរិក ហើយនិងភាពគ្មានជំនឿ គឺការបោះបង់សឡាត”។
[صحيح] - [رواه مسلم] - [صحيح مسلم - 82]
ណាពី ﷺ លោកបានព្រមានចំពោះការបោះបង់សឡាតដែលជាកាតព្វកិច្ច ហើយលោកបានបញ្ជាក់ថា ជាការពិតណាស់ ភាពខុសគ្នាឬរនាំងរវាងអ្នកឥស្លាម និងការធ្លាក់ទៅក្នុងអំពើស្ហ៊ីរិក ហើយនិងភាពគ្មានជំនឿ គឺការបោះបង់សឡាត ពីព្រោះសឡាត គឺជាគោលគ្រឹះទីពីរក្នុងចំណោមគោលគ្រឹះទាំងប្រាំនៃសាសនាឥស្លាម ហើយឋានៈរបស់វា គឺធំធេងណាស់នៅក្នុងសាសនាឥស្លាម។ ហេតុនេះ ជនណាបោះបង់ការប្រតិបត្តិសឡាតដោយប្រឆាំងចំពោះភាពជាកាតព្វកិច្ចរបស់វា ជននោះនឹងក្លាយជាអ្នកគ្មានជំនឿ(កាហ្វៀរ)ដោយការឯកភាពរបស់អ្នកឥស្លាមទាំងឡាយ។ ហើយជនណាដែលបោះបង់វាទាំងស្រុងដោយភាពព្រងើយកន្តើយ និងភាពខ្ជិលច្រអូស គឺជននោះនឹងក្លាយជាអ្នកគ្មានជំនឿ។ មានគេពាំនាំមកនូវការឯកភាពគ្នារបស់សហាហ្ពាត់យ៉ាងដូច្នោះ។ ហើយប្រសិនបើគេបោះបង់សឡាតម្តងម្កាល ហើយប្រតិបត្តិវាម្តងម្កាល ជននោះក៏ប្រឈមនឹងការព្រមានដ៏ធ្ងន់ធ្ងរនេះផងដែរ។
មេរៀនដែលទាញបានពីហាទីស្ហ
- សារៈសំខាន់នៃការសឡាត និងការថែរក្សាលើការប្រតិបត្តិវា។ ពិតណាស់ វាជាភាពខុសគ្នារវាងភាពគ្មានជំនឿ(កាហ្វៀរ) និងការមានជំនឿ(អ៊ីម៉ាន)។
- ព្រមានយ៉ាងធ្ងន់ធ្ងរចំពោះអ្នកដែលបោះបង់ និងព្រងើយកន្តើយចំពោះការប្រតិបត្តិសឡាត។
បញ្ជីទាំងអស់
បន្ថែមទៀត
- ហាទីស្ហ: “ជាការពិតណាស់ អល់ឡោះជាម្ចាស់ពិតជាពន្យារពេលដល់អ្នកដែលបំពាន។ លុះដល់ពេលដែលទ្រង់ដាក់ទណ្ឌកម្មដល់គេ គឺគេនឹងមិនអាចគេចផុតបានឡើយ
- ហាទីស្ហ: “មិនស្ថិតក្នុងចំណោមពួកយើងឡើយ អ្នកដែលមើលប្រផ្នូលឬឲ្យគេមើលប្រផ្នូលឲ្យ អ្នកដែលទស្សន៍ទាយឬឲ្យគេទស្សន៍ទាយឲ្យ អ្នកដែលប្រើមន្តអាគមឬឲ្យគេប្រើមន្តអាគមឲ្យ
- ហាទីស្ហ: “បុគ្គលណាទៅរកគ្រូទាយ ហើយសួរគ្រូទាយអំពីអ្វីមួយ គេមិនទទួលយកសឡាតរបស់ជននោះចំនួនសែសិបថ្ងៃ”។
- ហាទីស្ហ: “បុគ្គលណារៀនសូត្រចំណេះដឹងមួយពីការទស្សន៍ទាយតាមរយៈផ្កាយ រូបគេប្រាកដជាទទួលបាននូវផ្នែកមួយនៃមន្ដអាគម។ រៀនកាន់តែច្រើន ទទួលបានកាន់តែច្រើន”។
- ហាទីស្ហ: អ៊ីស្លាមគឺ អ្នកត្រូវធ្វើសាក្សីថា គ្មានទេម្ចាស់ដែលត្រូវគេគោរពសក្ការៈដ៏ពិតប្រាកដ មានតែអល់ឡាះមួយគត់ ហើយមូហាំម៉ាត់ គឺជាអ្នកនាំសាររបស់អល់ឡោះ។ ហើយត្រូវប្រតិបត្តិសឡាត បរិច្ចាគហ្សាកាត់ បួសខែរ៉ម៉ាហ្ទន និងធ្វើធម្មយាត្រាហាជ្ជីនៅពៃតុលឡោះ ប្រសិនបើអ្នកមានលទ្ធភាពទៅដល់
- ហាទីស្ហ: ឱខ្ញុំបម្រើរបស់យើងទាំងឡាយ! ពិតប្រាកដណាស់ យើងបានហាមឃាត់អំពើអយុត្តិធម៌ចំពោះខ្លួនយើង ហើយយើងក៏បានហាមឃាត់វារវាងពួកអ្នកផងដែរ។ ហេតុនេះ ចូរពួកអ្នកកុំប្រព្រឹត្តអយុត្តិធម៌ចំពោះគ្នាទៅវិញទៅមកឲ្យសោះ
- ហាទីស្ហ: តើលោកយល់យ៉ាងណា ប្រសិនបើខ្ញុំប្រតិបត្តិសឡាតដែលគេដាក់កាតព្វកិច្ច ខ្ញុំបួសខែរ៉ម៉ាហ្ទន ខ្ញុំប្រព្រឹត្តនូវអ្វីដែលគេអនុញ្ញាត ខ្ញុំចៀសវាងពីប្រការដែលគេហាមឃាត់