Hadith: “ជាការពិតណាស់ អល់ឡោះជាម្ចាស់ពិតជាពន្យារពេលដល់អ្នកដែលបំពាន។ លុះដល់ពេលដែលទ្រង់ដាក់ទណ្ឌកម្មដល់គេ គឺគេនឹងមិនអាចគេចផុតបានឡើយ

عن أبي موسى رضي الله عنه قال: قال رسول الله صلى الله عليه وسلم:
«إِنَّ اللهَ لَيُمْلِي لِلظَّالِمِ، حَتَّى إِذَا أَخَذَهُ لَمْ يُفْلِتْهُ» قَالَ: ثُمَّ قَرَأَ: «{وَكَذَلِكَ أَخْذُ رَبِّكَ إِذَا أَخَذَ الْقُرَى وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ}[هود: 102]»
[صحيح] - [متفق عليه] - [صحيح البخاري: 4686]

អំពី អាពូមូសា رضي الله عنه បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា
“ជាការពិតណាស់ អល់ឡោះជាម្ចាស់ពិតជាពន្យារពេលដល់អ្នកដែលបំពាន។ លុះដល់ពេលដែលទ្រង់ដាក់ទណ្ឌកម្មដល់គេ គឺគេនឹងមិនអាចគេចផុតបានឡើយ”។ គាត់បន្តថា៖ បន្ទាប់មក លោកបានសូត្រ៖ ﴿وَكَذَٰلِكَ أَخْذُ رَبِّكَ إِذَا أَخَذَ الْقُرَىٰ وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ﴾ [سورة هود(102)] (នោះហើយជាទណ្ឌកម្មនៃម្ចាស់របស់អ្នក។ នៅពេលណាដែលទ្រង់បានដាក់ទៅលើភូមិស្រុកណាមួយ គឺដោយសារតែភូមិស្រុកនោះបានធ្វើខុស។ ពិតប្រាកដណាស់ ទណ្ឌកម្មរបស់ទ្រង់ គឺឈឺចាប់បំផុត”)។
[صحيح] - [متفق عليه] - [صحيح البخاري - 4686]

Explanation

ណាពី ﷺ លោកបានព្រមានដល់អ្នកដែលនៅតែបន្តបំពាន ប្រព្រឹត្តអំពើល្មើស ប្រការស្ហ៊ីរិក និងបំពានលើសិទ្ធិអ្នកដទៃថា ជាការពិតណាស់ អល់ឡោះជាម្ចាស់ទ្រង់ពន្យារពេលដល់ពួកដែលបំពាន និងឲ្យពួកគេមានអាយុវែង និងទ្រព្យសម្បត្តិហូរហៀរដោយមិនដាក់ទណ្ឌកម្មភ្លាមៗដល់ពួកគេឡើយ។ តែប្រសិនបើពួកគេមិនសារភាពកំហុសចំពោះអល់ឡោះ នោះទ្រង់នឹងដាក់ទណ្ឌកម្មពួកគេ មិនដោះលែងពួកគេ និងមិនទុកឲ្យពួកគេរួចខ្លួនឡើយ ព្រោះតែការបំពានដ៏ច្រើនលើសលប់របស់ពួកគេ។
បន្ទាប់មក ណាពី ﷺ លោកបានសូត្រអាយ៉ាត់៖ ﴿وَكَذَٰلِكَ أَخْذُ رَبِّكَ إِذَا أَخَذَ الْقُرَىٰ وَهِيَ ظَالِمَةٌ إِنَّ أَخْذَهُ أَلِيمٌ شَدِيدٌ﴾ [سورة هود(102)] (នោះហើយជាទណ្ឌកម្មនៃម្ចាស់របស់អ្នក។ នៅពេលណាដែលទ្រង់បានដាក់ទៅលើភូមិស្រុកណាមួយ គឺដោយសារតែភូមិស្រុកនោះបានធ្វើខុស។ ពិតប្រាកដណាស់ ទណ្ឌកម្មរបស់ទ្រង់ គឺឈឺចាប់បំផុត”)។

Benefits from the Hadith

1. ចាំបាច់លើអ្នកដែលមានប្រាជ្ញាស្មារតីពេញលេញត្រូវរួសរាន់ក្នុងការសារភាពកំហុស។ ជាការពិតណាស់ គេមិនអាចមានសុវត្ថិភាពរួចផុតពីផែនការរបស់អល់ឡោះនោះឡើយ ប្រសិនបើគេនៅតែបន្តបំពាន។
2. ការពន្យារពេលរបស់អល់ឡោះដល់ពួកដែលបំពាន និងមិនដាក់ទណ្ឌកម្មពួកគេភ្លាមៗ គឺជាការល្បួងដល់ពួកគេ និងធ្វើឲ្យពួកគេកាន់តែទទួលនូវទណ្ឌកម្មទ្វេដងប៉ុណ្ណោះ ប្រសិនបើពួកគេមិនសារភាពកំហុសចំពោះទ្រង់។
3. ការបំពាន គឺជាមូលហេតុមួយដែលធ្វើឲ្យអល់ឡោះដាក់ទណ្ឌកម្មចំពោះប្រជាជាតិទាំងឡាយ។
4. នៅពេលដែលអល់ឡោះបំផ្លាញភូមិស្រុកណាមួយ ជាការពិតណាស់ នៅក្នុងភូមិស្រុកនោះអាចមានអ្នកដែលធ្វើល្អ។ ដូចនេះ នៅថ្ងៃបរលោក អ្នកទាំងនោះនឹងត្រូវគេបង្កើតឲ្យរស់ឡើងវិញក្នុងសភាពល្អនៅពេលដែលពួកគេបានស្លាប់នោះ។ ហើយពួកគេមិនទទួលរងគ្រោះថ្នាក់ជាមួយនឹងគេឯង ដោយការដាក់ទណ្ឌកម្មនោះឡើយ។