Hadith: “មួយទីណើរដែលអ្នកចំណាយវាក្នុងមាគ៌ាអល់ឡោះ មួយទីណើរដែលអ្នកចំណាយវាក្នុងការដោះលែងទាសករ មួយទីណើរដែលអ្នកបរិច្ចាគទៅឲ្យអ្នកក្រីក្រ និងមួយទីណើរដែលអ្នកចំណាយវាលើក្រុមគ្រួសាររបស់អ្នក មួយទីណើរដែលទទួលបានផលបុណ្យធំធេងជាងគេ គឺមួយទីណើរដែលអ្នកបានចំណាយវាលើក្រុមគ្រួសាររបស់អ្នក”។

عَنْ أَبِي هُرَيْرَةَ رضي الله عنه قالَ: قالَ رَسُولُ اللَّهِ صلَّى اللَّهُ عليْه وسلَّمَ:
«دِينَارٌ أَنْفَقْتَهُ فِي سَبِيلِ اللهِ، وَدِينَارٌ أَنْفَقْتَهُ فِي رَقَبَةٍ، وَدِينَارٌ تَصَدَّقْتَ بِهِ عَلَى مِسْكِينٍ، وَدِينَارٌ أَنْفَقْتَهُ عَلَى أَهْلِكَ أَعْظَمُهَا أَجْرًا الَّذِي أَنْفَقْتَهُ عَلَى أَهْلِكَ».
[صحيح] - [رواه مسلم] - [صحيح مسلم: 995]

អំពី អាពូហ៊ូរ៉យរ៉ោះ رضي الله عنه បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖
“មួយទីណើរដែលអ្នកចំណាយវាក្នុងមាគ៌ាអល់ឡោះ មួយទីណើរដែលអ្នកចំណាយវាក្នុងការដោះលែងទាសករ មួយទីណើរដែលអ្នកបរិច្ចាគទៅឲ្យអ្នកក្រីក្រ និងមួយទីណើរដែលអ្នកចំណាយវាលើក្រុមគ្រួសាររបស់អ្នក មួយទីណើរដែលទទួលបានផលបុណ្យធំធេងជាងគេ គឺមួយទីណើរដែលអ្នកបានចំណាយវាលើក្រុមគ្រួសាររបស់អ្នក”។
[صحيح] - [رواه مسلم] - [صحيح مسلم - 995]

Explanation

ណាពី ﷺ លោកបានលើកឡើងនូវប្រភេទនៃការចំណាយមួយចំនួនដោយលោកបានមានប្រសាសន៍ថា៖ មួយទីណើរដែលអ្នកចំណាយវាក្នុងមាគ៌ាអល់ឡោះ មួយទីណើរដែលអ្នកចំណាយវាក្នុងការដោះលែងទាសករឲ្យរួចផុតពីទាសភាពនិងភាពជាខ្ញុំបម្រើគេ មួយទីណើរដែលអ្នកបរិច្ចាគទៅឲ្យអ្នកក្រីក្រដែលមានតម្រូវចាំបាច់ និងមួយទីណើរដែលអ្នកចំណាយវាលើក្រុមគ្រួសារ និងកូនៗរបស់អ្នក។ បន្ទាប់មក លោកបានប្រាប់ថា ការចំណាយដែលទទួលបានផលបុណ្យធំធេងជាងគេនៅចំពោះមុខអល់ឡោះជាម្ចាស់ គឺការចំណាយលើក្រុមគ្រួសារ កូនៗ និងអ្នកដែលយើងមានកាតព្វកិច្ចត្រូវផ្គត់ផ្គង់ជីវភាពពួកគេ។

Benefits from the Hadith

1. ចំពោះការចំណាយក្នុងមាគ៌ារបស់អល់ឡោះ គឺមានផ្លូវជាច្រើន។
2. ត្រូវផ្តល់អាទិភាពដល់អ្នកដែលស្ថិតនៅលំដាប់ទីមួយ ប្រសិនបើការចំណាយជាន់គ្នា។ ដូចនេះ គេត្រូវចំណាយលើក្រុមគ្រួសារជាមុននៅពេលដែលគេមិនមានលទ្ធភាពធ្វើទាំងអស់បាន។
3. អ៊ីម៉ាំ អាន់ណាវ៉ាវី បានលើកឡើងនៅក្នុងសេចក្តីពន្យល់សៀវភៅសហេសមូស្លីមថា៖ ជំរុញឱ្យចំណាយលើក្រុមគ្រួសារ និងបញ្ជាក់ពីភាពធំធេងនៃផលបុណ្យរបស់វា ព្រោះក្នុងចំណោមអ្នកទាំងនោះ មានអ្នកដែលចាំបាច់ត្រូវចំណាយលើពួកគេដោយសារតែជាចំណងសាច់ញាតិ។ មានអ្នកដែលការចំណាយលើពួកគេ គឺជាការស្ម័គ្រចិត្ត ត្រូវបានចាត់ទុកថាជាសប្បុរសធម៌ និងជាការភ្ជាប់សាច់សាលោហិត។ និងខ្លះទៀតការចំណាយលើពួកគេ គឺជាកាតព្វកិច្ចដោយសារអាពាហ៍ពិពាហ៍ ឬដោយសារតែជាខ្ញុំបម្រើ។ ទាំងអស់នេះ គឺត្រូវបានសរសើរ និងត្រូវបានលើកទឹកចិត្តជាខ្លាំង ហើយវាប្រសើរជាងការធ្វើសប្បុរសធម៌ដោយស្ម័គ្រចិត្ត។
4. អ៊ីម៉ាំ អាស្ស៊ិនទី បាននិយាយ៖ ពាក្យថា “មួយទីណើរដែលគេចំណាយវាលើក្រុមគ្រួសាររបស់ខ្លួន” ពោលគឺ នៅពេលដែលគេមានចេតនានៀតជ្រះថ្លាដើម្បីអល់ឡោះ និងមានបំណងបំពេញសិទ្ធិក្រុមគ្រួសារ។
5. អាពូគីឡាហ្ពះ បាននិយាយថា៖ តើមានអ្នកណាដែលមានផលបុណ្យធំធេងជាងអ្នកដែលចំណាយលើកូនៗតូចៗដើម្បីការពារពួកគេ ដោយហេតុនោះ អល់ឡោះនឹងការពារកិត្តិយសរបស់ពួកគេ និងប្រទាននូវអត្ថប្រយោជន៍ និងភាពគ្រប់គ្រាន់ដល់ពួកគេ?