නබි වදන: අල්ලාහ්ගේ මාර්ගයේ ඔබ වැය කළ දීනාරයක්, වහලුන් කෙරෙහි ඔබ වැය කළ දීනාරයක්, දුගියන් වෙනුවෙන් ඔබ දානය කළ දීනාරයක්, ඔබේ පවුල වෙනුවෙන් වැය කළ දීනාරයක්. ඒවා අතරින් අතිමහත්ති ප්‍රතිඵල ගෙන දෙනුයේ ඔබ ඔබේ පවුල වෙනුවෙන් වැය කළ දීනාරයයි
عَنْ أَبِي هُرَيْرَةَ رضي الله عنه قالَ: قالَ رَسُولُ اللَّهِ صلَّى اللَّهُ عليْه وسلَّمَ:
«دِينَارٌ أَنْفَقْتَهُ فِي سَبِيلِ اللهِ، وَدِينَارٌ أَنْفَقْتَهُ فِي رَقَبَةٍ، وَدِينَارٌ تَصَدَّقْتَ بِهِ عَلَى مِسْكِينٍ، وَدِينَارٌ أَنْفَقْتَهُ عَلَى أَهْلِكَ أَعْظَمُهَا أَجْرًا الَّذِي أَنْفَقْتَهُ عَلَى أَهْلِكَ».
[صحيح] - [رواه مسلم] - [صحيح مسلم: 995]
المزيــد ...
අල්ලාහ්ගේ දූතයාණන් (සල්ලල්ලාහු අලයිහි වසල්ලම්) ප්‍රකාශ කළ බව අබූ හුරෙයිරා (රළියල්ලාහු අන්හු) තුමා විසින් මෙසේ වාර්තා කරන ලදී.
"අල්ලාහ්ගේ මාර්ගයේ ඔබ වැය කළ දීනාරයක්, වහලුන් කෙරෙහි ඔබ වැය කළ දීනාරයක්, දුගියන් වෙනුවෙන් ඔබ දානය කළ දීනාරයක්, ඔබේ පවුල වෙනුවෙන් වැය කළ දීනාරයක්. ඒවා අතරින් අතිමහත්ති ප්‍රතිඵල ගෙන දෙනුයේ ඔබ ඔබේ පවුල වෙනුවෙන් වැය කළ දීනාරයයි."
[පූර්ව සාධක සහිත හදීසයකි] - [ඉමාම් මුස්ලිම් එය වාර්තා කර ඇත] - [صحيح مسلم - 995]
වියහියදම් වර්ග කිහිපයක් පිළිබඳ නබි (සල්ලල්ලාහු අලයිහි වසල්ලම්) තුමාණෝ මෙනෙහි කරමින් මෙසේ පැවසූහ: "අල්ලාහ්ගේ මාර්ගයේ අරගල කිරීම සඳහා ඔබ වැය කළ දීනාරයක්, වහලුන් කෙරෙහි ඔවුන් වහල්භාවයෙන් නිදහස් කිරීම සඳහා ඔබ වැය කළ දීනාරයක්, දුගියන් වෙනුවෙන් ඔවුන්ගේ අවශ්‍යතාව සඳහා ඔබ දානය කළ දීනාරයක්, ඔබේ පවුල වෙනුවෙන් වැය කළ දීනාරය්. ඒවා අතරින් අල්ලාහ් අභියස අතිමහත් ප්‍රතිඵල ගෙන දෙනුයේ ඔබ ඔබේ පවුල වෙනුවෙන් හා ඔබෙන් යැපෙන්නන් වෙනුවෙන් වැය කළ දීනාරයයි."
හදීසයේ හරය
- අල්ලාහ්ගේ මාර්ගයේ වැය කරන මාර්ග බොහෝමයක් ඇත.
- වියදම් කිරීම බහුල වූ විට ප්‍රමුඛත්වය ලබා දිය යුතු වැය බර කිහිපයක් ඇත. ඒ සියලු දෙනාට වියදම් කිරීමට නොහැකි වුව ද, ඒ අතරින් තම පවුල වෙනුවෙන් වියදම් කිරීම ද එකකි.
- නවවි තුමා 'ෂර්හ් මුස්ලිම්'හි මෙසේ පවසා සිටියි: "ළමුන් වෙනුවෙන් වියදම් කිරීමට දිරි ගන්වා ඇත. එහි හිමිවන කුසල් හි මහිමය ගැනද විස්තර කර ඇත. මක්නිසාදයත්, ඔවුන් අතරින් සමීප ඥාතීකම හේතුවෙන් ඔබ වියදම් කිරීමට අනිවාර්යය අය වන අතර ඔවුන් අතරින් වියදම් කිරීම අනිවාර්යය නොවු අය මෙන්ම දානයක් ලෙස හා ඥාතී සම්බන්ධකම් රැකීමක් ලෙස වියදම් කළ යුතු අය ද වෙති. එමෙන්ම විවාහය හා දිවුරුම වැනි දැයින් උරුම වූ දෑ වෙත අනිවාර්යය ලෙස වියදම් කළ යුතු අයද වෙති. මේ සියල්ල දිරිගන්වනු ලැබූ භාග්‍යවන්ත දෑ ය. සදකා අතරින් වඩාත්ම උතුම් වන්නේ මෙයයි.
- අල් සින්දි තුමා මෙසේ පවසයි: "දරුවන් වෙනුවෙන් වියදම් කරන දීනාරය" එනම් එය අල්ලාහ්ගේ තෘප්තිය අපේක්ෂාවෙන් හා දරුවන්ගේ යුතුකම් ඉටු කිරීමේ චේතනාවෙන් වියදම් කළ විටය.
- අබූ කිලාබා තුමා මෙසේ පවසයි. "තුඩා දරුවන් වෙනුවෙන් වියදම් කරන, ඔවුන් නිර්මල බවට පත් කරන, ඔහු තුළින් අල්ලාහ් ඔවුනට සෙත සළසන, ඔවුන්ව පොහොසත් කරන මිනිසෙකුට වඩා ප්‍රතිඵලයෙන් කවර මිනිසෙකු උතුම් වනු ඇත් ද?
ප්‍රවර්ග
අමතර
- නබි වදන: සදකා නොහොත් දානය කිසිදු ධනයක් අඩු නොකරයි. අල්ලාහ් ගැත්තාට සමාව දීම තුළින් ගෞරවය මිස වෙනකක් වැඩි වන්නේ නැත. අල්ලාහ් වෙනුවෙන් කිසිවකු යටහත් වන්නේ ද කීර්තිමත් අල්ලාහ් ඔහුව උසස් කරනු මිස නැත.
- නබි වදන: ‘ආදම්ගේ පුතණුවනි, නුඹ වියදම් කරනු. නුඹ මත වියදම් කරනු ලැබේ.’ යැයි උත්තරීතර අල්ලාහ් පැවසීය.
- නබි වදන: මිනිසකු තම පවුලට කුසල් බලාපොරොත්තුවෙන් යම් වියදමක් කළ විට, එය ඔහුට දානයක් වනු ඇත.
- නබි වදන: ගැත්තන් උදෑසන අවදි වන සෑම දිනකම එහි මලක්වරුන් දෙදෙනෙකු පහළ නොවන දිනයක් නොමැත. ඔවුන් දෙදෙනාගෙන් එක් අයෙක් “අහෝ දෙවියනි වියදම් කරන්නාට පසුවටත් ලබා දෙනු මැනව!” යැයි පවසන අතරම අනෙක් කෙනා “අහෝ දෙවියනි රැස් කර තබා ගන්නාට විනාශය ඇති කරනු මැනව.” යැයි පවසයි.
- නබි වදන: නුඹලා පුණ්ය කටයුතුවල නිරතවන දෑ අල්ලාහ් නුඹලාට ඇති නොකළේ ද? (සුබ්හානල්ලාහ් - -අල්ලාහ් සුවිශුද්ධය- යැයි පවසන) සෑම තස්බීහයක්ම දානයකි. (අල්ලාහු අක්බර් - අල්ලාහ් අතිශ්රේෂ්ඨය- යැයි පවසන) සෑම තක්බීරයක්ම දානයකි. (අල්හම්දුලිල්ලාහ් - සියල පැසසුම් අල්ලාහ්ටය- යැයි පවසන) සෑම තහ්මීදයක්ම දානයකි. (ලා ඉලාහ ඉල්ලල්ලාහ් - නැමදුමට සුදුස්සා අල්ලාහ් හැර වෙනත් දෙවියෙකු නැත යැයි පවසන) සෑම තහ්ලීලයක්ම දානයකි.
- නබි වදන: කවරෙකු භූමියෙන් වියතක තරම් ප්රමාණයක් ඩැහැගෙන අපරාධ කළේ ද මහපොළෝ හතකින් ඔහුට තලනු ලැබේ.
- නබි වදන: පිවිතුරු ඉපැයීමකින් ඉඳි ගෙඩියක තරම් වටිනාකමක් ඇති යමක් පරිත්යාග කළේ නම්, -අල්ලාහ් පිවිතුරු දෑ මිස පිළිගන්නේ නැත.- එවිට සැබැවින්ම අල්ලාහ් ඔහුගේ දකුණතින් එය පිළි ගනියි. පසුව එහි හිමියාට එය වර්ධනය කර දෙයි. එය ඔබ අතරින් යමෙකු අශ්ව පැටවකු කන්දක් මෙන් තරමට වැඩෙන තෙක් හදාවඩා ගන්නාක් මෙනි.