Ab Adiis: Diinaar boo joxe ci yoonu Yàlla, ak Diinaar boo joxe ci goreel jaam, ak Diinaar boo sarax ab miskiin ak Diinaar boo jox sa njaboot ba ca gën a màggug fay mooy bi nga jox sa njaboot

عَنْ أَبِي هُرَيْرَةَ رضي الله عنه قالَ: قالَ رَسُولُ اللَّهِ صلَّى اللَّهُ عليْه وسلَّمَ:
«دِينَارٌ أَنْفَقْتَهُ فِي سَبِيلِ اللهِ، وَدِينَارٌ أَنْفَقْتَهُ فِي رَقَبَةٍ، وَدِينَارٌ تَصَدَّقْتَ بِهِ عَلَى مِسْكِينٍ، وَدِينَارٌ أَنْفَقْتَهُ عَلَى أَهْلِكَ أَعْظَمُهَا أَجْرًا الَّذِي أَنْفَقْتَهُ عَلَى أَهْلِكَ».
[صحيح] - [رواه مسلم] - [صحيح مسلم: 995]

Jële nañu ci Abuu Hurayrata -yal na ko Yàlla dollee gërëm- mu wax ne : Yonnent Yàlla bi -yal na ko Yàlla dolli xéewal ak mucc- nee na:
"Diinaar boo joxe ci yoonu Yàlla, ak Diinaar boo joxe ci goreel jaam, ak Diinaar boo sarax ab miskiin ak Diinaar boo jox sa njaboot ba ca gën a màggug fay mooy bi nga jox sa njaboot ".
[Wér na] - [Muslim soloo na ko] - [Téere Muslim bi gën a wér - 995]

Leeral

Yonente bi yal na ko Yàlla dolli xéewal ak mucc tudd na yenn xeeti joxe yi, daal di wax ne: Diinaar bi nga joxe ci jihaad ci yoonu Yàlla, ak Diinaar bi nga joxe ci goreel ab jaam, ak Diinaar bi nga sarax way-ñàkk ji soxla, ak Diinaar bi nga jox sa njaboot, topp mu xamle ne ba ca gën a màgg ag fay fa Yàlla mooy bi nga jox sa njaboot ak ki nga war a dundal.

Bokk na ci njariñi Adiis bi

1. Barig bunti joxe yi ci yoonu Yàlla.
2. Jiital ka gën a ya y ci buntub joxe bu ñu dajee, bokk na ci loolu jox njaboot gi bu dee manuñoo jox ñépp.
3. An-Nawawii wax na ca ba muy firi sahiihu Muslim ne: ñaaxe ci jox njaboot gi, ak leeral màggug yool ba ca nekk; ndax amna ci ñoom koo xamne jox ko daa war ci sababus jegeñaale, am ci ñoom koo xamne dañu ko a sopp te day nekk sarax ak jokk, amna ci ñoom koo xamne day nekk lu war ci sababus sëy walla ag njaam, yii yépp nag ngëneel la gu ñu ñaaxe, te moo gën saraxu coobarewu.
4. As-Sindii nee na: waxam ji (Diinaar boo jox sa njaboot) maanaam: ci misaal bu ca yéenee jëmmi Yàlla ji te namm ca àqi njaboon.
5. Abuu Xalaabata nee na: ana gan góor moo gën a màggug fay góor giy jox njaabotam gu ndaw di leen feg walla Yàlla def mu leen di jariñ?!