Hadiis: Wakɩr fo sẽn rɩk n naf Wẽnd sõrã pʋgẽ, la wakɩr fo sẽn rɩk n ra yamb n bas burkĩndi, la wakɩr fo sẽn rɩk n maan sara ne miskɩɩna, la wakɩr fo sẽn rɩk n rɩlg f zakã rãmba, b sẽn yɩɩd ne keoor yaa fo sẽn rɩk n rɩlg f zakã rãmbã

عَنْ أَبِي هُرَيْرَةَ رضي الله عنه قالَ: قالَ رَسُولُ اللَّهِ صلَّى اللَّهُ عليْه وسلَّمَ:
«دِينَارٌ أَنْفَقْتَهُ فِي سَبِيلِ اللهِ، وَدِينَارٌ أَنْفَقْتَهُ فِي رَقَبَةٍ، وَدِينَارٌ تَصَدَّقْتَ بِهِ عَلَى مِسْكِينٍ، وَدِينَارٌ أَنْفَقْتَهُ عَلَى أَهْلِكَ أَعْظَمُهَا أَجْرًا الَّذِي أَنْفَقْتَهُ عَلَى أَهْلِكَ».
[صحيح] - [رواه مسلم] - [صحيح مسلم: 995]

Yii a Abɩɩ Hʋrayrat nengẽ (Wẽnd yard be a yĩnga) a yeelame: Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeelame:
«Wakɩr fo sẽn rɩk n naf Wẽnd sõrã pʋgẽ, la wakɩr fo sẽn rɩk n ra yamb n bas burkĩndi, la wakɩr fo sẽn rɩk n maan sara ne miskɩɩna, la wakɩr fo sẽn rɩk n rɩlg f zakã rãmba, b sẽn yɩɩd ne keoor yaa fo sẽn rɩk n rɩlg f zakã rãmbã».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 995]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) tẽega nafã wã kõbg sãnda, n yeel tɩ wakɩr fo sẽn yãk n naf Wẽnd sorã pʋgẽ, la wakɩr fo sẽn rɩk n ra yamb n bas burkĩndi, la wakɩr fo sẽn rɩk n maan sara ne miskɩɩn sẽn tar tʋlsem, la wakɩr fo sẽn rɩk n rɩlg f zakã rãmba. Rẽ poorẽ t'a kõ kibar tɩ sẽn yɩɩd zɩslem Wẽnd nengẽ, yaa fo sẽn rɩk a soab n naf f zakã rãmb la f koambã, la ned ning rɩtl sẽn zao foomã.

Sẽn be Hɑdiisã yõod-rãmbẽ

1. Yaa naf Wẽnd soyã pʋgẽ ragnoyã sẽn yaa wʋsgã.
2. Wilgdame tɩ b lʋɩɩs sẽn sõmb n maanã tɩ rɩlgrã ragnoy sã n wa sẽg taaba, sẽn be rẽ pʋgẽ yaa rɩlg zakã rãmba, tɩ f sã n wa ka tõe n maan gilli.
3. An-nawawiy (Wẽnd na yols-a) a yeela Muslim Šarhã pʋgẽ: kengdame tɩ b yãk n naf koambã la b vẽnegd n wilgdẽ a yel-sõmdã sẽn yaa bedre, bala be a pʋgẽ neb nins rɩlgr sẽn yaa tɩlae n zao foom, rog-pẽtem yĩnga, be b pʋgẽ b sẽn bʋ nonglem tɩ rẽnda yaa sara la rogem tõkre, be b pʋgẽ me rɩlgr sẽn yaa tɩlae, wala furi fo sẽn soog-a, maa yamb poak sẽn yaa fo nug n so, la woto fãa gill yaa bũmb sẽn yaa yel-sõmd tɩ b pirsdẽ tɩ b maane, tɩ yẽnda yel-sõmd n yɩɩd ne sara ning sẽn yaa yam yãkrã.
4. A Sĩndiy (Wẽnd na yols-a) a yeelame: a sẽn yeelã: (Wakɩr a sẽn rɩk n naf a koambã) a raabã, a sã n maan Anniy tɩ yaa Wẽnd yel-sõmdã baoobo, la a leb n rat n kõ koambã b hakε bilgr buudu.
5. A Abuu Ƙilaaba (Wẽnd na yols-a) a yeelame: la ãna yel-sõmd n yɩɩd ned ning sẽn yãkd n nafd a koamb sẽn yaa kɩdse, n loe b bãngo, halɩ tɩ Wẽnd wa tʋg naf-ba sẽn tũ ne yẽ sababo la A sεk-ba?!