Hadiis: Sɩd la hakɩɩka ned ning põs yã, sẽn saka n tũ lɩslaango, la Wẽnd lok-a rɩtl sẽn zemse, la A leb n kõ-a sek-m-meng ne A sẽn kõ-a bũmb ningã

عَنْ عَبْدِ اللَّهِ بْنِ عَمْرِو بْنِ الْعَاصِ رضي الله عنهما أنَّ رَسولَ اللَّهِ صلَّى اللَّهُ عليْه وسلَّمَ، قال:
«قَدْ أَفْلَحَ مَن أَسْلَمَ، وَرُزِقَ كَفَافًا، وَقَنَّعَهُ اللَّهُ بما آتَاهُ».
[صحيح] - [رواه مسلم] - [صحيح مسلم: 1054]

Yii a ʿAbd Allaah ɭbn ʿAmr ɭbn Al-ʿAaṣ nengẽ, (Wẽnd yard be b yiibã yĩnga), a yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga) yeelame:
«Sɩd la hakɩɩka ned ning põs yã, sẽn saka n tũ lɩslaango, la Wẽnd lok-a rɩtl sẽn zemse, la A leb n kõ-a sek-m-meng ne A sẽn kõ-a bũmb ningã».
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 1054]

bilgrã

Nabiyaamã (Wẽnd pʋʋsg lɑ A tɩlgr be ɑ yĩngɑ) vẽnegame n wilgi, tɩ sɩd la hakɩɩka ad põsame la paam pʋɩɩr ned ning sẽn sak n na n tũ Soabã, n paam kãndgre la segl-sõng ne lɩslaango, la b leb n rɩlga sẽn yaa halaal n zems a tʋlsemã, ka paase, ka booge, tɩ Wẽnd leb n maan t'a yaa sek-m-meng soaba, n yaa yarda ne bũmb ning Wẽnd sẽn kõ-a wã.

Sẽn be Hɑdiisã yõod-rãmbẽ

1. Ninsaal zu-noogã la la vɩ-noogã be a dĩinã pidb pʋgẽ, la a vɩɩmã sẽn zems-a la a sek-m-mengã ne bũmb ning Wẽnd sẽn kõ-a wã pʋgẽ.
2. Yaa kẽes nonglem sek-m-mengã pʋgẽ, ne bũmb ning b sẽn kõ foom sẽn yaa dũni wã, n lagem ne lɩslaamdã la Sunnah.