Hadiis: Ad nebã sẽn yɩɩd gẽeg Wẽnd nengẽ, yaa zab-to neda

عن عائشة رضي الله عنها عن النبي صلى الله عليه وسلم قال:
«إِنَّ أَبْغَضَ الرِّجَالِ إِلَى اللهِ الْأَلَدُّ الْخَصِمُ».
[صحيح] - [متفق عليه] - [صحيح البخاري: 2457]

Yii Aaɩsa nengẽ (Wẽnd yard be a yĩnga) tɩ yii Nabiyaamã nengẽ (Wẽnd pʋʋsg la A tɩlgr be a yĩnga) a yeelame:
"Ad nebã sẽn yɩɩd gẽeg Wẽnd nengẽ, yaa zab-to neda".
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 2457]

bilgrã

Nabiyaamã (Wẽnd pʋʋsg la A tɩlgr be a yĩnga) kõta kibare tɩ Wẽnde, A Naam yɩ wagell n zẽke, a gẽeda nebã pʋgẽ ned ning zabr sẽn yaa kεgenga n yaa wʋsgo, n ka sakda n na n tũ sɩda, n rat n na n tõdga ne no-koεεma, maa a zabda ne sɩda la a maandẽ tɩ looge zabrã pʋgẽ n yit tẽeg tɩrg pʋgẽ, n maan tak-n-taare tɩ ka tũ ne bãngre.

Sẽn be Hɑdiisã yõod-rãmbẽ

1. Ka kẽed zab-zabd sãbsgã pʋgẽ ned sẽn na n wa baood a hakε ne sẽn tũ sari wã sore.
2. Wilgdame tɩ no-koεεmã la zabã, b bee zεlemã wã bãas pʋgẽ, sẽn yɩt sabab n maand welgre la rabs wẽnga lɩslaambã ne taab sʋka.
3. Tak-n-taarã sakdame tɩ sã n mikame tɩ yaa sɩd pʋgẽ n leb n tũ ne sor sẽn yaa sõma, la a yaa bũmb b sẽn sãbse sã n wa mikame tɩ yaa sɩd tõdgre la zĩri-beed tablgo, maa a yɩɩme tɩ ka tũ ne daliili.