Inyigisho y'intumwa: Mu vy'ukuri mu bagabo Imana Allah Yanka cane, ni inshirwarimenetse y'intahanurwa mu matati

عن عائشة رضي الله عنها عن النبي صلى الله عليه وسلم قال:
«إِنَّ أَبْغَضَ الرِّجَالِ إِلَى اللهِ الْأَلَدُّ الْخَصِمُ».
[صحيح] - [متفق عليه] - [صحيح البخاري: 2457]

Mu vyakiriwe na Aisha (Imana Allah Imwishimire) ku Muvugishwamana (nyakugira amahoro n'impuhwe z'Imana Allah) yavuze ati:
"Mu vy'ukuri mu bagabo Imana Allah Yanka cane, ni inshirwarimenetse y'intahanurwa mu matati".
[صحيح] - [متفق عليه] - [صحيح البخاري - 2457]

Ugusobanura

Umuvugishwamana (nyakugira amahoro n'impuhwe z'Imana Allah), aratwiganira ko Imana Allah Nyenimigisha na Nyenuguhabwicubahiro nta ngere, Yanka cane mu bantu, inshirwarimenetse y'intahanurwa mu matati, ikunda cane gutata, itigera yemera gushira aho ukuri gushize, maze ikaguma iharira mu kwiyamiriza ukuri, canke igatata mu kuri ariko ikimonogoza mu kurenza urugero rw'ivyo isaba, ikanaharira n'ivyo idafitiye ubumenyi.

Zimwe mu nyungu ziri muri iyi nyigisho y'intumwa:

1. Ntibiri mu gutata kunebagurwa, umuntu gusaba uwamurenganije ko yomusubiza utwiwe biciye mu nzira y'ukwitwara mu butungane.
2. Impari n'ugutata, biri mu vyago biterwa n'ururimi, biheza bikabiba amacakubiri no kugenza umugongo hagati y'abislamu.
3. Impari zishimwa iyo zibaye mu ntumbero yo gushigikira ukuri, zikagirwa no mu buryo bwiza; zikanebagurwa iyo zibaye mu ntumbero yo kwiyamiriza ukuri no gushigikira ikinyoma, canke iyo zibaye mu kuterekana ivyemezo zishingiyeko.