Hadith: “ជាការពិតណាស់ មនុស្សដែលអល់ឡោះទ្រង់ក្រោធខឹងជាងគេ គឺអ្នកដែលរឹងរូស ចូលចិត្តឈ្លោះប្រកែកដេញដោលគ្នា”។

عن عائشة رضي الله عنها عن النبي صلى الله عليه وسلم قال:
«إِنَّ أَبْغَضَ الرِّجَالِ إِلَى اللهِ الْأَلَدُّ الْخَصِمُ».
[صحيح] - [متفق عليه] - [صحيح البخاري: 2457]

អំពី អាអ៊ីស្ហះ رضي الله عنها អំពីណាពី ﷺ លោកបានមានប្រសាសន៍ថា៖
“ជាការពិតណាស់ មនុស្សដែលអល់ឡោះទ្រង់ក្រោធខឹងជាងគេ គឺអ្នកដែលរឹងរូស ចូលចិត្តឈ្លោះប្រកែកដេញដោលគ្នា”។
[صحيح] - [متفق عليه] - [صحيح البخاري - 2457]

Explanation

ណាពី ﷺ លោកបានប្រាប់ថា ជាការពិតណាស់ អល់ឡោះជាម្ចាស់ទ្រង់ក្រោធខឹងបំផុតចំពោះមនុស្សដែលរឹងរូស ចូលចិត្តឈ្លោះប្រកែកដេញដោលគ្នា។ មានន័យថា មិនព្រមទទួលយកការពិត ហើយព្យាយាមបដិសេធការពិតនោះដោយការឈ្លោះប្រកែកដេញដោលគ្នា ឬមួយក៏ប្រកែកដេញដោលការពារសេចក្តីពិត ប៉ុន្តែគេបែរជាជជែកដេញដោយជ្រុលហួសដែនកំណត់ និងជជែកដេញដោលដោយគ្មានចំណេះដឹង។

Benefits from the Hadith

1. មិនចូលក្នុងការជជែកដេញដោលដែលគេរិះគន់នោះឡើយចំពោះការដែលអ្នកត្រូវគេបំពាន(ជនរងគ្រោះ)ជជែកវែកញែកទាមទារសិទ្ធិរបស់ខ្លួនមកវិញទៅតាមនិតីវិធីដែលស្របនឹងច្បាប់ឥស្លាម។
2. ការឈ្លោះប្រកែក និងជជែកដេញដោលគ្នា គឺជាភាពគ្រោះថ្នាក់មួយបណ្តាលមកពីអណ្តាតដែលជាមូលហេតុនាំទៅរកការបែកបាក់ជាបក្ស ជាពួក និងការបែរខ្នងដាក់គ្នារវាងអ្នកឥស្លាម។
3. ការជជែកដេញដោលត្រូវបានគេកោតសរសើរ បើកាលណាវាជាការជជែកដេញដោលការពារភាពត្រឹមត្រូវ និងទៅតាមវិធីសាស្ត្រដែលល្អ។ ផ្ទុយទៅវិញការជជែកដេញដោលត្រូវបានគេរិះគន់ បើកាលណាវាជាការជជែកដេញដោលបដិសេធការពិត ហើយទទួលយកប្រការមិនពិត ឬជជែកដេញដោលដោយគ្មានភស្តុតាង និងអំណះអំណាងច្បាស់លាស់។