Hadith: “មិនចូលឋានសួគ៌ឡើយអ្នកដែលកាត់ផ្ដាច់ចំណងសាច់សាលោហិត”។

عن جُبَير بن مُطْعِم رضي الله عنه أنه سمع النبي صلى الله عليه وسلم يقول:
«لَا يَدْخُلُ الْجَنَّةَ قَاطِعُ رَحِمٍ».
[صحيح] - [متفق عليه] - [صحيح مسلم: 2556]

អំពី ជូពៃរ៍ ពិន មុតអ៊ិម رضي الله عنه ពិតណាស់ គាត់បានឮណាពី ﷺ លោកបានមានប្រសាសន៍ថា៖
“មិនចូលឋានសួគ៌ឡើយអ្នកដែលកាត់ផ្ដាច់ចំណងសាច់សាលោហិត”។
[صحيح] - [متفق عليه] - [صحيح مسلم - 2556]

Explanation

ណាពី ﷺ លោកបានប្រាប់ថា ជាការពិតណាស់ ជនណាដែលកាត់ផ្ដាច់ពីសាច់សាលោហិតរបស់ខ្លួននូវសិទ្ធិទាំងឡាយដែលចាំបាច់លើពួកគេត្រូវទទួលបាន ឬធ្វើទុកបុកម្នេញនិងប្រព្រឹត្តទង្វើមិនគប្បីចំពោះពួកគេ គឺជននោះសក្តិសមនឹងការមិនបានចូលឋានសួគ៌។

Benefits from the Hadith

1. ការកាត់ផ្ដាច់ចំណងសាច់សាលោហិត គឺជាបាបកម្មធំមួយក្នុងចំណោមបាបកម្មធំទាំងឡាយ។
2. ការភ្ជាប់ចំណងសាច់សាលោហិត គឺអាស្រ័យទៅតាមអ្វីដែលគេស្គាល់ជាទូទៅ ហើយវាអាចខុសគ្នាទៅតាមទីកន្លែង ពេលវេលា និងបុគ្គល។
3. ការភ្ជាប់ចំណងសាច់សាលោហិតអាចធ្វើឡើងតាមរយៈការទៅសួរសុខទុក្ខ ការបរិច្ចាគទាន ការធ្វើល្អទៅកាន់ពួកគេ ការសួរសុខទុក្ខពេលដែលពួកគេមានជំងឺ ការប្រើពួកគេឲ្យធ្វើល្អនិងហាមឃាត់ពួកគេពីទង្វើអាក្រក់ ហើយនិងប្រការផ្សេងៗទៀត។
4. សាច់ញាតិដែលជាប់ខ្សែស្រឡាយកាន់តែជិត ការកាត់ផ្តាច់ចំណងសាច់សាលោហិតពីពួកគេមានបាបកម្មកាន់តែធំ។