Hadith: “ចូរប្រុងប្រយ័ត្នចំពោះការបំពាន ព្រោះការបំពាន គឺជាភាពងងឹតនៅថ្ងៃបរលោក។ ហើយចូរប្រុងប្រយ័ត្នចំពោះភាពលោភលន់ ព្រោះភាពលោភលន់បានបំផ្លាញអ្នកជំនាន់មុនពួកអ្នក

عَنْ جَابِرِ بْنِ عَبْدِ اللهِ رضي الله عنهما أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«اتَّقُوا الظُّلْمَ، فَإِنَّ الظُّلْمَ ظُلُمَاتٌ يَوْمَ الْقِيَامَةِ، وَاتَّقُوا الشُّحَّ، فَإِنَّ الشُّحَّ أَهْلَكَ مَنْ كَانَ قَبْلَكُمْ، حَمَلَهُمْ عَلَى أَنْ سَفَكُوا دِمَاءَهُمْ وَاسْتَحَلُّوا مَحَارِمَهُمْ».
[صحيح] - [رواه مسلم] - [صحيح مسلم: 2578]

អំពី ជើពៀរ ពិន អាប់ទុលឡោះ رضي الله عنهما ពិតណាស់ រ៉ស៊ូលុលឡោះ ﷺ លោកបានមានប្រសាសន៍ថា៖
“ចូរប្រុងប្រយ័ត្នចំពោះការបំពាន ព្រោះការបំពាន គឺជាភាពងងឹតនៅថ្ងៃបរលោក។ ហើយចូរប្រុងប្រយ័ត្នចំពោះភាពលោភលន់ ព្រោះភាពលោភលន់បានបំផ្លាញអ្នកជំនាន់មុនពួកអ្នក ដោយវាជំរុញពួកគេឲ្យបង្ហូរឈាមគ្នា និងរំលោភបំពានលើអ្វីដែលត្រូវបានហាមឃាត់”។
[صحيح] - [رواه مسلم] - [صحيح مسلم - 2578]

Explanation

ណាពី ﷺ លោកបានព្រមានចំពោះការបំពាន ដែលរួមមាន ការបំពានលើអ្នកដទៃ ការបំពានលើខ្លួនឯង និងការបំពានពាក់ព័ន្ធនឹងសិទ្ធិរបស់អល់ឡោះជាម្ចាស់។ ការបំពាន គឺការមិនផ្តល់សិទ្ធិដល់អ្នកដែលត្រូវទទួលបានសិទ្ធិនោះ ហើយការបំពាននឹងក្លាយជាភាពងងឹតសម្រាប់អ្នកប្រព្រឹត្តនោះនាថ្ងៃបរលោកដោយការទទួលនូវភាពតានតឹង និងភាពរន្ធត់។ ហើយលោកបានហាមឃាត់ពីភាពលោភលន់ ដែលសំដៅដល់ភាពកំណាញ់ខ្លាំង និងការចង់បានហួសហេតុ រួមទាំងការធ្វេសប្រហែសមិនបំពេញកាតព្វកិច្ចផ្នែកហិរញ្ញវត្ថុ និងយកចិត្តទុកដាក់ជាខ្លាំងចំពោះលោកិយ។ ហើយប្រភេទនៃការបំពានមួយនេះបានបំផ្លាញប្រជាជាតិជំនាន់មុនដោយវាបានជំរុញឱ្យពួកគេកាប់សម្លាប់គ្នាទៅវិញទៅមក និងអនុញ្ញាតចំពោះនូវប្រការដែលអល់ឡោះបានហាមឃាត់។

Benefits from the Hadith

1. ការលះបង់ទ្រព្យសម្បត្តិ និងការជួយគ្នាទៅវិញទៅមកក្នុងភាពជាបងប្អូន គឺជាមូលហេតុដែលនាំមកនូវការស្រឡាញ់រាប់អាន និងមានទំនាក់ទំនងល្អ។
2. ភាពកំណាញ់ និងភាពលោភលន់នាំទៅរកអំពើបាប អំពើអបាយមុខ និងអំពើអាក្រក់ផ្សេងៗ។
3. រៀនសូត្រយកជាបទពិសោធពីស្ថានភាពរបស់ប្រជាជាតិជំនាន់មុនៗ។