Hadiis: Goamã sẽn tʋg n noom Wẽnd n yɩɩd yaa naase: Sʋbhaanallaah, wa Alhamdu lillaah, wa laa'ɩlaaha ɩllallaah, la Allaahʋ Akbarʋ, fo sẽn reng a soab n sɩng fãa, a ka sãam ye

عن سَمُرَة بن جندبٍ رضي الله عنه قال: قال رسول الله صلى الله عليه وسلم:
«أَحَبُّ الْكَلَامِ إِلَى اللهِ أَرْبَعٌ: سُبْحَانَ اللهِ، وَالْحَمْدُ لِلهِ، وَلَا إِلَهَ إِلَّا اللهُ، وَاللهُ أَكْبَرُ، لَا يَضُرُّكَ بِأَيِّهِنَّ بَدَأْتَ».
[صحيح] - [رواه مسلم] - [صحيح مسلم: 2137]

Yii a Samura ɭbn Gundub nengẽ, -Wẽnd yard be a yĩnga-, a yeelame: Wẽnd Tẽn-tʋʋmã -Wẽnd pʋʋsg la A tɩlgr be a yĩnga- yeelame:
"Goamã sẽn tʋg n noom Wẽnd n yɩɩd yaa naase: Sʋbhaanallaah, wa Alhamdu lillaah, wa laa'ɩlaaha ɩllallaah, la Allaahʋ Akbarʋ, fo sẽn reng a soab n sɩng fãa, a ka sãam ye.
[Naṣʋn Ṣahɩɩhʋn (Gom-sikdem sẽn manege)] - [A Muslim n togs-a] - [Ṣahɩɩh Muslim - 2137]

bilgrã

Nabiyaamã -Wẽnd pʋʋsg la A tɩlgr be a yĩnga-vẽnegdame n wilgdẽ tɩ goamã sẽn tʋg n noom Wẽnd n yɩɩde, yaa naase:
Sʋbhaanallaah: a wilgda fo sẽn na n yɩlg Wẽnde, A Naam yɩ wagell n zẽke, n yi boogr fãa.
Alhamdu lillaah: yaa pẽg Wẽnde ne pidb sẽn ta tεka, n lagem ne A nonglem la A zɩsgre.
Laa ɩlaaha ɩllaallaah: rat n na n yeel tɩ tũud sɩda ka be rẽnda Wẽnde.
Allaahʋ akbarʋ: rat n yeel tɩ Yẽnda bedrem la A zɩslem n yɩɩd bũmbã fãa gillã.
La a yɩɩdlemã la a yel-sõmdã paoongo ka tũud ne fo sẽn na n tũnug a taab yeelgẽ wã ye.