হাদীছ: চাৰিটা বাক্য আল্লাহৰ ওচৰত অধিক প্রিয়। যি বাক্যৰ দ্বাৰাই তুমি আৰম্ভ কৰা তাত কোনো অসুবিধা নাই। ১-ছুবহানাল্লাহ, ২-আলহাম্দু লিল্লাহ, ৩-লা-ইলাহা ইল্লাল্লাহ, ৪-আল্লাহু আকবৰ।
عن سَمُرة بن جُنْدَب رضي الله عنه قال: قال رسول الله صلى الله عليه وسلم : «أحب الكلام إلى الله أربع لا يَضُرُّك بِأَيِّهِنَّ بدأت: سُبْحَانَ الله، والحمد لله، ولا إله إلا الله، والله أكبر».
[صحيح] - [رواه مسلم]
المزيــد ...
ছামুৰা ইবনু জুনদাব ৰাদ্বিয়াল্লাহু ‘আনহুৰ পৰা বর্ণিত, তেওঁ কৈছে, ৰাছুলুল্লাহ চাল্লাল্লাহু আলাইহি অছাল্লামে কৈছেঃ "c2">“চাৰিটা বাক্য আল্লাহৰ ওচৰত অধিক প্রিয়। যি বাক্যৰ দ্বাৰাই তুমি আৰম্ভ কৰা তাত কোনো অসুবিধা নাই। ১-ছুবহানাল্লাহ, ২-আলহাম্দু লিল্লাহ, ৩-লা-ইলাহা ইল্লাল্লাহ, ৪-আল্লাহু আকবৰ।” ছহীহ – এই হাদীছটোক মুছলিমে বৰ্ণনা কৰিছে।
ছহীহ - ইয়াক মুছলিমে বৰ্ণনা কৰিছে
উক্ত হাদীছটো এই চাৰিটা বাক্যৰ বিশেষ ফজিলতৰ প্রমাণ। বাক্যকেইটাত মহান কিছুমান বিষয় থকাৰ কাৰণে আল্লাহৰ ওচৰত এয়া মানুহৰ আটাইতকৈ প্রিয় কথা হিচাপে বিবেচিত। সেই বিষয়বোৰ হৈছে, বাক্যবোৰত আছে, আল্লাহৰ পৱিত্রতাৰ বৰ্ণনা, তেওঁৰ পৰিপূৰ্ণ গুণসমূহৰ বিৱৰণ। একত্ববাদ আৰু মহত্বৰ সাব্যস্তকৰণ। এই বাক্যবোৰৰ ফজিলত আৰু ছোৱাব অৰ্জনৰ বিষয়ে ধাৰাবাহিকতা ৰক্ষা কৰি কোৱাৰ কোনো প্রয়োজন নাই। যিদৰে বিষয়টো হাদীছত স্পষ্ট কৰা হৈছে।
হাদীছৰ পৰা সংগৃহীত উপকাৰিতাসমূহ
- হাদীছটোৱে আল্লাহৰ মুহব্বত সাব্যস্ত কৰে। নিশ্চয় আল্লাহে নেক আমলসমূহক ভাল পায়।
- অন্যান্য বাক্যৰ ওপৰত এই চাৰিটা বাক্যৰ মর্যাদা। এই বাক্যবোৰ আল্লাহৰ ওচৰত অধিক প্রিয়।
- এই বাক্য চাৰিটাক মজবুতভাৱে ধাৰণ কৰিবলৈ উৎসাহ প্রদান কৰা হৈছে। কাৰণ যেতিয়া কোনো বান্দাই জানে যে, আল্লাহে অমুক বস্তুটোক মুহাব্বত কৰে, তেতিয়া সি সেই বস্তুটোক মজবুতভাৱে ধাৰণ কৰে আৰু তাৰ হিফাজত কৰে।
- মানুহৰ বাবে চৰীয়তক খুবেই সহজ কৰা হৈছে। সেইকাৰণেই কোৱা হৈছে, তুমি যি বাক্যৰ দ্বাৰাই আৰম্ভ কৰা তাত কোনো অসুবিধা নাই।
শ্ৰেণীবিন্যাসসমূহ
অধিক
- হাদীছ: সর্বোত্তম জিকৰ হৈছে, লা ইলা-হা ইল্লাল্লাহ
- হাদীছ: পাঁচ ওৱাক্ত চালাত, এটা জুমু‘আৰ পৰা আনটো জুমু‘আ তথা এটা ৰামাজানৰ পৰা আনটো ৰামাজান, এইবোৰ হৈছে সেইবোৰ গুনাহৰ কাফফাৰা যিবোৰ ইয়াৰ মধ্যৱৰ্তী সময়ত হৈ থাকে, যদিহে কবীৰা গুনাহৰ পৰা বিৰত থকা হয়।
- হাদীছ: নিশ্চয় কিছুমান লোকে আল্লাহৰ সম্পদ অন্যায়ভাৱে ব্যয় কৰে। এতেকে সিহঁতৰ বাবে কিয়ামতৰ দিনা আছে জাহান্নামৰ জুই।
- হাদীছ: তোমালোকে মৃত লোকসকলক গালি নাপাৰিবা; কাৰণ সিহঁতে নিজৰ কৰ্মফলৰ ওচৰত উপনীত হৈছে।
- হাদীছ: কোনো মুছলিমৰ বাবেই বৈধ নহয় তাৰ ভাইৰ লগত তিনি দিনতকৈ অধিক সময় কথা-বতৰা বন্ধ ৰখা, অৰ্থাৎ যেতিয়া সিহঁতে পৰস্পৰে সাক্ষাৎ কৰে, তেতিয়া এজনে ইফালে মুখ ঘূৰাই লয় আৰু আনজনে সিফালে মুখ ঘূৰাই লয়। সিহঁত দুজনৰ মাজত উত্তম হৈছে সেই ব্যক্তি, যিয়ে প্রথমে ছালাম কৰিব।
- হাদীছ: আত্মীয়তাৰ বন্ধন বিচ্ছিন্নকাৰী জান্নাতত প্ৰৱেশ কৰিব নোৱাৰিব।
- হাদীছ: আল্লাহৰ ওচৰত আটাইতকৈ ঘৃণনীয় ব্যক্তি হৈছে সেইজন, যিজন কলহপ্ৰিয়।