عن سَمُرة بن جُنْدَب رضي الله عنه قال: قال رسول الله صلى الله عليه وسلم : «أحب الكلام إلى الله أربع لا يَضُرُّك بِأَيِّهِنَّ بدأت: سُبْحَانَ الله، والحمد لله، ولا إله إلا الله، والله أكبر».
[صحيح] - [رواه مسلم]
المزيــد ...
സമുറഃ ബിൻ ജുൻദുബ് -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു: "അല്ലാഹുവിന് ഏറ്റവും ഇഷ്ടമുള്ള വാക്കുകൾ നാലെണ്ണമാണ്. അവയിൽ ഏത് കൊണ്ട് നീ ആരംഭിച്ചാലും കുഴപ്പമില്ല. സുബ്ഹാനല്ലാഹ് (അല്ലാഹു എത്ര പരിശുദ്ധൻ), അൽഹംദുലില്ലാഹ് (അല്ലാഹുവിന് സർവ്വ സ്തുതികളും), ലാ ഇലാഹ ഇല്ലല്ലാഹ് (അല്ലാഹുവല്ലാതെ ആരാധനക്ക് അർഹനായി മറ്റാരുമില്ല), അല്ലാഹു അക്ബർ (അല്ലാഹുവാണ് ഏറ്റവും വലിയവൻ."
സ്വഹീഹ് - മുസ്ലിം ഉദ്ധരിച്ചത്
ഹദീഥിൽ പരാമർശിക്കപ്പെട്ട നാല് വാക്യങ്ങളുടെ ശ്രേഷ്ഠതയാണ് ഇവിടെ പരാമർശിക്കപ്പെട്ടത്. മനുഷ്യരുടെ സംസാരങ്ങളിൽ അല്ലാഹുവിന് ഏറ്റവും ഇഷ്ടമുള്ള വാക്കുകളാണ് അവ. കാരണം മഹത്തരമായ അർത്ഥങ്ങൾ ഈ നാമങ്ങൾ ഉൾക്കൊള്ളുന്നു. അല്ലാഹുവിൻ്റെ പരിശുദ്ധിയെ വാഴ്ത്തുകയും, പൂർണ്ണതയുടെ വിശേഷണങ്ങൾ കൊണ്ട് അവനെ വാഴ്ത്തുകയും, അവൻ്റെ ഏകത്വവും, അവൻ മാത്രമാണ് ഏറ്റവും വലിയവനെന്നും അവ അറിയിക്കുന്നു. ഈ വാക്യങ്ങൾ ചൊല്ലിയതിൻ്റെ പ്രതിഫലം ലഭിക്കാൻ, ഹദീഥിൽ പരാമർശിക്കപ്പെട്ട അതേ ക്രമത്തിൽ അവ ചൊല്ലേണ്ടതില്ല എന്ന് കൂടി നബി -ﷺ- അറിയിച്ചിരിക്കുന്നു.