Hadiis: Zoe-y n zãag-y yel-halkds a yopoe wã

عن أبي هريرة رضي الله عنه عن النبي صلى الله عليه وسلم قال:
«اجْتَنِبُوا السَّبْعَ الْمُوبِقَاتِ»، قَالُوا: يَا رَسُولَ اللهِ وَمَا هُنَّ؟ قَالَ: «الشِّرْكُ بِاللهِ، وَالسِّحْرُ، وَقَتْلُ النَّفْسِ الَّتِي حَرَّمَ اللهُ إِلَّا بِالْحَقِّ، وَأَكْلُ الرِّبَا، وَأَكْلُ مَالِ الْيَتِيمِ، وَالتَّوَلِّي يَوْمَ الزَّحْفِ، وَقَذْفُ الْمُحْصَنَاتِ الْمُؤْمِنَاتِ الْغَافِلَاتِ».
[صحيح] - [متفق عليه] - [صحيح البخاري: 2766]

Yi ɑ Abɩɩ Hʋrɑyrɑt nengẽ -Wẽnd yɑrd be ɑ yĩngɑ- ɑ yeelɑme:
«Zoe-y n zãag-y yel-halkds a yopoe wã», la b yeele: « Wẽnd Tẽn-tʋʋma, yaa bãmb la bʋse?" T'ɑ yeele: yaa lagem-n-taar ne Wẽnde, la tɩɩm, la yõor ning Wẽnd sẽn gɩdg tɩ b ra kʋ tɩ sã n ka tũ ne lɩslaang hakε wã kʋʋbo, la rɩbaag rɩɩbo, la kɩɩb arzεk rɩɩbo, la gũd kuidg n zoe zabr raare, la Muumin pogsã sẽn yaa yõk-m-mensã rãmbã, sẽn pa ning b toaag ne yel-beedã rõdbo».
[Naṣʋn Ṣahɩɩhʋn (Gom-sikdem sẽn manege)] - [B zemsa taab a zugu (A Al-Bʋẖaariy la a Muslim n reeg-a)] - [Ṣahɩɩh Al-Bʋẖaary - 2766]

bilgrã

Tẽn-tʋʋmã (Wẽnd pʋʋsg la A tɩlgr be a yĩnga) ɑ sɑgandɑ ɑ poorẽ rãmbã tɩ b zãɑg yel-wẽns ɑ yopoe lɑ Wẽnd kɩɩsg sẽn hɑlkd ninsɑɑlɑ, lɑ b sẽn wɑ n sok-ɑ tɩ yɑɑ bʋsã? A vẽneg-b lɑme tɩ b yɑɑ:
Rẽenem: yɑɑ lɑgm-n-tɑɑr ne Wẽnde, ne b sẽn bɑood mɑk-n-tɑɑse lɑ bilg-n-tɑɑse ne Wẽndã ɑ sẽn yɑɑ neng ning fãɑ, lɑ rɩk tũudum ɑ sẽn yɑɑ soɑb fãɑ n tũ zẽng sẽn pɑ Wẽnde, lɑ ɑ sɩngɑ ne Lɑgm-n-tɑɑrã; bɑla, yẽ n yɩɩd zunuub-rãmbã fãɑ wẽngɑ.
Yiibu: yɑɑ tɩɩm- yẽ me yɑɑ yoadɑ, lɑ wɑlmɑ, lɑ tɩto, lɑ wʋsd-rãmbɑ-, t'ɑ nɑmsd b sẽn mɑɑn-ɑ soɑb tɩɩmã yĩngɑ, n kʋʋdɑ, mɑɑ bãɑgɑ, mɑɑ welg yi-kãɑdb ɑ yiibã ne tɑɑbɑ, lɑ ɑ yɑɑ Sʋtãɑn tʋʋmɑ, lɑ ɑ wʋʋsgɑ fãɑ pɑ tõe mɑɑn-ɑ rẽndɑ ne lɑgm-n-tɑɑre lɑ yũ-wẽnsã pẽnegre ne bũmb b sẽn nonge
tãɑbo: yõor ning Wẽnd sẽn gɩdg tɩ b rɑ kʋ wã, sã n pɑ sãrɩ n kõ sor tɩ bʋ-bʋʋdã mɑɑn rẽ.
Nɑɑse: yɑɑ rɩbɑɑg reegre n rɩt-ɑ mɑɑ b sẽn nɑfd neng ning fãɑ.
Nu soɑbɑ: yɑɑ mɑɑn-n-zʋʋkɑ bi-bilf arzεɑ sɑɑmb sẽn ki n bɑs-ɑ t'ɑ pɑ tɑ kɑseng (bɑɑlik) ye.
Yoobe: yɑɑ zoe zɑbre b sẽn zɑbd ne Kɩfr-dãmbã.
Yopoe: yɑɑ burkĩn pogsã sẽn yɑɑ yõk-m-meng rãmbã rõdbo, woto bɑlɑ lɑ rɑpã me rõdbo.