නබි වදන: විනාශ කර දමන කරුණු හතකින් නුඹලා වැළකෙනු. අල්ලාහ්ගේ දූතයාණනි, ඒවා කුමක්දැ?යි විමසුවෝය. එතුමා: “අල්ලාහ්ට ආදේශ තැබීම, හූනියම් කිරීම, අල්ලාහ් තහනම් කළ ආත්මයක් කිසිදු අයිතියකින් තොරව ඝාතනය කිරීම, පොළිය අනුභව කිරීම, අනාථයින්ගේ ධනය සූරා කෑම, සතුරු යුද දිනක පළා යෑම, දේව විශ්වාසී, නිර්දෝෂී, පතිවත රකින කාන්තාවන්ට අවලාද නැගීම.”

عن أبي هريرة رضي الله عنه مرفوعاً: "اجتنبوا السبع المُوبِقَات، قالوا: يا رسول الله، وما هُنَّ؟ قال: الشركُ بالله، والسحرُ، وقَتْلُ النفسِ التي حَرَّمَ الله إلا بالحق، وأكلُ الرِّبا، وأكلُ مالِ اليتيم، والتَّوَلّي يومَ الزَّحْفِ، وقذفُ المحصناتِ الغَافِلات المؤمنات".
[صحيح] - [متفق عليه]

අබූ හුරෙයිරා (රළියල්ලාහු අන්හු) තුමා විසින් වාර්තා කරන ලදී. මෙය මර්ෆූඃ ගණයට අයත් හදීසයකි. "c2">“විනාශ කර දමන කරුණු හතකින් නුඹලා වැළකෙනු.” අල්ලාහ්ගේ දූතයාණනි, ඒවා කුමක්දැ?යි ඔවුන් විමසුවෝය. එතුමා: "c2">“අල්ලාහ්ට ආදේශ තැබීම, හූනියම් කිරීම, අල්ලාහ් තහනම් කළ ආත්මයක් කිසිදු අයිතියකින් තොරව ඝාතනය කිරීම, පොළිය අනුභව කිරීම, අනාථයින්ගේ ධනය සූරා කෑම, සතුරු යුද දිනක පළා යෑම, දේව විශ්වාසී, නිර්දෝෂී, පතිවත රකින කාන්තාවන්ට අවලාද නැගීම.” යැයි පැවසූහ.
පූර්ව සාධක සහිත හදීසයකි. - බුහාරි හා මුස්ලිම් හි වාර්තා වී ඇත.

විවරණය

විනාශකාරී බරපතල වැරදි හතකින් දුරස්වන මෙන් (සල්ලල්ලාහු අලයිහි වසල්ලම්) තුමා තම ප්රජාවට නියෝග කරයි. එතුමා ඒවා මෙසේ පැහැදිළි කළේය. කවර ස්වරූපයකින් වුව ද අල්ලාහ්ට හවුල්කරුවන් ගනිමින් ඔහුට ආදේශ කිරීම. මෙහි අදේශ කිරීම යන කාරණාවෙන් ආරම්භ කර ඇත්තේ එය වැරදි අතරින් බරපතලම වරද වන බැවිණි. තවද ආගමික හේතුවකින් තොරව අල්ලාහ් ඝාතනය කිරීමට තහනම් කළ ආත්මයක් ඝාතනය කිරීම, හූනියම, අනුභව කිරීමෙන් හෝ ඒ හැර වෙනත් වාසිදායක ක්රම යොදමින් පොළිය අනුභව කිරීම, පියා මිය ගිය දරුවන්ගේ ධනයෙහි ඉක්මවා කටයුතු කිරීම, දේව ප්රතික්ෂේපකයින් සමග පවතින සටනින් පළා යෑම, පතිවත රකින නිදහස් කාන්තාවන්හට දුරාචාරය සම්බන්ධයෙන් අවලාද නැගීම.