Sara ka boogd arzεk ye, la Wẽnd ka paasd yamba ne a sẽn na n maan bas tɩ looge rẽndame tɩ yɩ zɩslem bala la ned ka yɩ n na n gãneg a meng Wẽnd yĩnga rẽndame tɩ Wẽnd zẽk-a Wẽnd yeelame: Adam biiga, yãk n nafe, tɩ M na kõ-fo Raar ka be yembsã sẽn na n vẽeg beoogo, rẽndame tɩ malεgs a yiib sigi, tɩ yembr yetẽ: m Soab A Wẽnde! Kõ sẽn yãkda n nafdẽ ledsgo. T'a yembrã yetẽ: m Soab A Wẽnde! Kõ sẽn gãdã (beed soaba) sãangã Yãmb ned baa a yembr ka be rẽndame tɩ Wẽnd gom ne-a, no-rεεs ka na n zĩnd b sʋk ye Tʋʋmã yaa yoobe, la nebã b yaa naase, yaa yel-yɩts a yiibu, tɩ yaa tɩlae tɩ yɩ, la bũmb ne a to bilgri, la yel-sõmde ne a buud piig taab rolbo, la yel-sõmd a yembre ne kobs-yopoe rolbo Wẽnd Tẽn-tʋʋmã, ad a Saʿad ma wã maana kaalem, la yaa bõe doaag n yɩɩd sõmblem? Tɩ Tẽn-tʋʋmã yeele: «Yaa koom», a yeele: t'a tu bulga, la a yeele: woto yaa a Saʿad ma n so La Wẽnd ka kõ yãmb bũmb ning y sẽn tõe n maan sara ne laa? Ad sʋbhaanallaah fãa yaa sara, la Allaahʋ akbarʋ fãa yaa sara, la Alhamdʋ lillaah yaa sara, la laa'ɩlaaha ɭllallaah yaa sara, sagl ne manegr yaa sara, gɩdg ned n yi yel-kiti yaa sara, yãmb yembr fãa kẽed-n-taar ne a paga yaa sara