हदीस: हरेक दिन जब बिहान हुन्छ, दुई फरिश्ता पृथ्वीमा अवतरण गर्छन्, ती मध्ये एक फरिश्ता भन्छ: हे अल्लाह खर्चा गर्नेलाई यसको बदला र परिणाम दिनु , र अर्को फरिश्ता भन्छ: हे अल्लाह खर्चा नगर्नेलाई अर्थात् सम्पतिलाई रोकेर राख्नेलाई नष्ट गरी दिनु।
عَنْ أَبِي هُرَيْرَةَ رَضِيَ اللَّهُ عَنْهُ أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«مَا مِنْ يَوْمٍ يُصْبِحُ العِبَادُ فِيهِ إِلَّا مَلَكَانِ يَنْزِلاَنِ، فَيَقُولُ أَحَدُهُمَا: اللَّهُمَّ أَعْطِ مُنْفِقًا خَلَفًا، وَيَقُولُ الآخَرُ: اللَّهُمَّ أَعْطِ مُمْسِكًا تَلَفًا».
[صحيح] - [متفق عليه] - [صحيح البخاري: 1442]
المزيــد ...
अबू-हुरैरह (रजियल्लाहु अन्हु) ले वर्णन गरेका छन्, रसूल (सल्लल्लाहु अलैहि वसल्लम) ले भन्नुभएको छ :
"हरेक दिन जब बिहान हुन्छ, दुई फरिश्ता पृथ्वीमा अवतरण गर्छन्, ती मध्ये एक फरिश्ता भन्छ: हे अल्लाह खर्चा गर्नेलाई यसको बदला र परिणाम दिनु , र अर्को फरिश्ता भन्छ: हे अल्लाह खर्चा नगर्नेलाई अर्थात् सम्पतिलाई रोकेर राख्नेलाई नष्ट गरी दिनु।"
[सही] - [मुत्तफकुन अलैहि] - [सही बुखारी - 1442]
मुहम्मद (सल्लल्लाहु अलैहि वसल्लम) ले बताउनुभएको छ: हरेक दिन जब सूर्य उदाउँछ, दुई फरिश्ता पृथ्वीमा अवतरण गर्छन् र घोषणा गर्छन्, तीमध्ये एक फरिश्ता भन्छ:
हे अल्लाह, जो व्यक्ति तपाईको (प्रसन्नताको) लागि , आफ्नो परिवार र पाहुनाहरूमाथि र निस्वार्थ दानमा खर्च गर्छ, तिनीहरूलाई त्यसको बदला दिनु र तिनीहरूको खर्चको बदलामा राम्रो प्रतिफल दिनु, र तिनीहरूको सम्पतिमा बरकत दिनु।
र अर्को फरिश्ता भन्छ: हे अल्लाह! जो व्यक्तिले खर्चा गर्दैन, अर्थात् सम्पतिलाई जोगाउछ, त्यसको सम्पतिलाई नष्ट गर्नु र उसको धनलाई नाश गर्नु जसले आफ्नो सम्पतिलाई जोगाउछ र उसका हकदारहरुलाई दिदैन।
हदीसका केही फाइदाहरू
- कुनै खर्चा गर्ने व्यक्तिलाई थप प्रतिफलको लागि प्रार्थना गर्न र उनले खर्च गरेको सट्टामा अल्लाहले त्यो भन्दा राम्रो दियोस् भनेर प्रार्थना गर्न उचित हो, त्यसैगरी, कुनै कञ्जुस व्यक्तिको सम्पत्ति नाश होस् भनेर प्रार्थना गर्न पनि उचित छ, यदि उनले आफ्नो धनलाई बचाएर राखे र अल्लाहले तोकेको ठाउँमा खर्च गर्नबाट रोक्यो भने।
- फरिश्ता (स्वर्गदूत) हरूले सत्कर्मी र धर्मी आस्थावानहरूको लागि उनको सम्पतिमा उन्नति र बर्कत होस् भनेर प्रार्थना गर्छन्, र उनीहरूको प्रार्थना स्वीकार गरिन्छ।
- अनिवार्य र स्वेच्छिक कार्यहरूमा खर्च गर्नु, परिवार माथि खर्च गर्नु, नातागोतालाई जोडिनु, र भलाईका कार्यहरूमा खर्च गर्नु जस्तै हो।
- नेक कार्यमा खर्च गर्ने व्यक्तिको महत्त्व, र यो खर्चको परिणामस्वरूप अल्लाहले उसलाई बदला दिनुहुन्छ भन्ने कुरा व्याख्या गरिएको छ। अल्लाहले भन्नुहुन्छः {तिमीहरूले जुनसुकै वस्तु खर्च गर्छौ, उहाँले त्यसलाई फेरि दिनेछ, र उहाँ सबैभन्दा राम्रो आजीविका दिने हुनुहुन्छ।} [सबा: ३९]
- यो प्रार्थना अनिवार्य खर्च गर्न नचाहने व्यक्तिहरूको लागि हो, तर, स्वेच्छिक खर्चहरूलाई यसमा समेटिएको छैन, किनकि यस्ता खर्च गर्ने व्यक्तिले यो प्रार्थनाको हकदार हुँदैन।
- कञ्जुस्य र लोभलाई हराम (निषेध) ठहराइएको छ।
वर्गीकरण
थप
- हदीस: दानले धनमा कमी आउँदैन । जसले मानिसहरूलाई क्षमा गर्छ, अल्लाहले उसको इज्जत बढाउँछ र जसले अल्लाहको लागि आफूलाई नम्र बनाउँछ, अल्लाहले उसलाई उच्च दर्जा दिनुहुन्छ ।
- हदीस: अल्लाह भन्नुहुन्छ: हे आदमको सन्तान! खर्च गर, म तिमीमा खर्च गर्नेछु ।
- हदीस: कर्म ६ प्रकारका र मानव ४ प्रकारका हुन्छन् । तीमध्ये (स्वर्ग वा नरक) अनिवार्य गर्ने दुईवटा कर्म छन्, र (बाँकी ४ प्रकारका कर्महरू मध्ये ) एउटा कर्मको प्रतिफल कर्म अनुसार नै पाइनेछ, र अर्को कर्मको प्रतिफल दश गुणा बढी र केही कर्मको प्रतिफल सात सय गुणा बढी प्राप्त हुनेछ
- हदीस: अल्लाहले प्रत्येक व्यक्तिसँग बिना कुनै अनुवादक कुरा गर्नुहुनेछ ।
- हदीस: हे अल्लाहका रसूल! मेरी आमाको निधन भएको छ । यस्तो अवस्थामा कुन सद्का (दान) राम्रो होला ? उहाँले भन्नुभयो: "पानी ।" त्यसैले उनले एउटा इनार खने र भने : यो इनार साअ्दकी आमाको लागि हो ।