হাদীছ: বান্দাসকলে প্ৰভাতত উপনীত হোৱা প্ৰতিটো দিনতে পুৱাৰ ভাগত দুজন ফিৰিস্তা অৱতীৰ্ণ হয়। তাৰে এজনে কয়ঃ হে আল্লাহ! দানকাৰীক ইয়াৰ উত্তম প্ৰতিদান দিয়া, দ্বিতীয়জনে কয়ঃ হে আল্লাহ! কৃপণৰ সম্পদ ধ্বংস কৰি দিয়া।
عَنْ أَبِي هُرَيْرَةَ رَضِيَ اللَّهُ عَنْهُ أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«مَا مِنْ يَوْمٍ يُصْبِحُ العِبَادُ فِيهِ إِلَّا مَلَكَانِ يَنْزِلاَنِ، فَيَقُولُ أَحَدُهُمَا: اللَّهُمَّ أَعْطِ مُنْفِقًا خَلَفًا، وَيَقُولُ الآخَرُ: اللَّهُمَّ أَعْطِ مُمْسِكًا تَلَفًا».
[صحيح] - [متفق عليه] - [صحيح البخاري: 1442]
المزيــد ...
আবু হুৰাইৰাহ ৰাদ্বিয়াল্লাহু আনহুৰ পৰা বৰ্ণিত, নবী চাল্লাল্লাহু আলাইহি অছাল্লামে কৈছেঃ
"বান্দাসকলে প্ৰভাতত উপনীত হোৱা প্ৰতিটো দিনতে পুৱাৰ ভাগত দুজন ফিৰিস্তা অৱতীৰ্ণ হয়। তাৰে এজনে কয়ঃ হে আল্লাহ! দানকাৰীক ইয়াৰ উত্তম প্ৰতিদান দিয়া, দ্বিতীয়জনে কয়ঃ হে আল্লাহ! কৃপণৰ সম্পদ ধ্বংস কৰি দিয়া।"
[ছহীহ] - [(মুত্তাফাক আলাইহ {বুখাৰী মুছলিম})] - [ছহীহ বুখাৰী - 1442]
নবী চাল্লাল্লাহু আলাইহি অছাল্লামে হাদীছটোত জনাইছে যে, দৈনিক পুৱাৰ ভাগত দুজন ফিৰিস্তা অৱতৰণ কৰে, আৰু তেওঁলোকে এই বুলি দুআ কৰে। এজনে কয়ঃ
হে আল্লাহ! যিয়ে সৎপথত ব্যয় কৰে, পৰিয়ালবৰ্গ আৰু অতিথি আপ্যায়নত ব্যয় কৰে, লগতে দান খয়ৰাত কৰে, তাক তুমি উত্তম প্ৰতিদান দিয়া আৰু তাৰ সম্পদত বৰকত দিয়া।
দ্বিতীয়জনে কয়ঃ হে আল্লাহ! যিয়ে কৃপণালি কৰি সম্পদ ধৰি ৰাখে, তথা হিতাধিকাৰীক নিদিয়ে, তাৰ সম্পদ ধ্বংস কৰি দিয়া।
হাদীছৰ পৰা সংগৃহীত উপকাৰিতাসমূহ
- দানকাৰীক এই দুআ দিয়া বৈধ যে, আল্লাহে তাৰ এই দানৰ বিনিময়ত আৰু অধিক প্ৰদান কৰক তথা উত্তম প্ৰতিদান দিয়ক। পক্ষান্তৰে কৃপণ ব্যক্তিৰ বাবে এই দুআ কৰা বৈধ যে, আল্লাহে তাৰ সেই সম্পদ ধ্বংস কৰি দিয়ক যিটোক সি কৃপণতাবশতঃ সঞ্চয় কৰি ৰাখিছে, যিটোক আল্লাহে দান কৰিবলৈ অনিবাৰ্য্য কৰিছিল।
- পুণ্যৱান দানকাৰী মুমিনসকলৰ বাবে ফিৰিস্তাসকলে দুআ কৰে, আৰু তেওঁলোকৰ দুআ কবূল কৰা হয়।
- ওৱাজিব আৰু নফল দান খয়ৰাত কৰিবলৈ উৎসাহিত কৰা হৈছে। উদাহৰণস্বৰূপে পৰিয়ালৰ প্ৰতি ব্যয় কৰা, আত্মীয়-স্বজনৰ প্ৰতি ব্যয় কৰা, আৰু অন্যান্য কল্যাণকৰ শিতানত ব্যয় কৰা।
- কল্যাণকৰ শিতানত ব্যয় কৰা ব্যক্তিৰ ফজীলত বৰ্ণিত হৈছে। ইয়াৰ বিনিময়ত আল্লাহে তাক উত্তম প্ৰতিদান দিয়ে। মহান আল্লাহে পৱিত্ৰ কোৰআনত কৈছেঃ "তোমালোকে (আল্লাহৰ পথত) যি ব্যয় কৰা, তাৰ বিনিময় তেৱেঁই প্ৰদান কৰিব আৰু তেৱেঁই শ্ৰেষ্ঠ জীৱিকাদাতা’।" (ছুৰা ছাবাঃ ৩৯)
- কৃপণ ব্যক্তিৰ প্ৰতি এই বদ্দুআ কেৱল ওৱাজিব দান খয়ৰাতৰ ক্ষেত্ৰতহে কৰা হয়। নফল তথা মুস্তাহাব দান খয়ৰাত ইয়াৰ অন্তৰ্ভুক্ত নহয়। কাৰণ নফল দান খয়ৰাতৰ পৰা বিৰত থকা ব্যক্তি এনেকুৱা দুআৰ উপযুক্ত নহয়।
- কটকিনালি, কৃপণালি আদি হৈছে হাৰাম।
শ্ৰেণীবিন্যাসসমূহ
অধিক
- হাদীছ: চাদাক্বাই কেতিয়াও সম্পদ হ্ৰাস নকৰে আৰু ক্ষমা কৰাৰ বিনিময়ত আল্লাহে (ক্ষমাকাৰীৰ) সন্মান বৃদ্ধি কৰে, আৰু যিয়ে আল্লাহৰ (সন্তুষ্টি অৰ্জনৰ) বাবে বিনয়ী হ’ব, আল্লাহে তাক উচ্চ মর্যাদাত উন্নীত কৰিব।
- হাদীছ: মহান আল্লাহে কৈছে, হে আদম সন্তান! তুমি ব্যয় কৰা, তোমাৰ ওপৰতো ব্যয় কৰা হ’ব।
- হাদীছ: তোমালোকৰ মাজৰ প্ৰত্যেকেই আল্লাহৰ লগত এনেকৈ কথা ক'ব যে, তাৰ আৰু আল্লাহৰ মাজত কোনো অনুবাদকাৰী নাথাকিব।
- হাদীছ: আমল হৈছে ছয় প্ৰকাৰৰ আৰু মানুহ হৈছে চাৰি প্ৰকাৰৰ: দুটা খুবেই গুৰুত্বপূৰ্ণ, আৰু দুটা হৈছে কৰ্ম অনুপাতে প্ৰতিদান, কোনো নেক আমলৰ প্ৰতিদান দহগুণ পৰ্যন্ত বৃদ্ধি কৰি দিয়া হয় আৰু কোনোবাটোৰ সাতশগুণ পৰ্যন্ত বৃদ্ধি কৰা হয়।
- হাদীছ: হে আল্লাহৰ ৰাছুল! ছাআদৰ মাক মৃত্যুবৰণ কৰিছে, গতিকে তেওঁৰ হকে কোনটো চাদাক্বাহ উত্তম হ'ব? তেখেতে ক'লেঃ "পানী"। ইয়াৰ পিছত তেওঁ এটা কুঁৱা খান্দি ক'লে যে, এইটো উম্মু ছাআদৰ বাবে অকফ কৰিলোঁ।