Hadith: ((خودێ گۆت: ئه‌ی كوڕێ ئاده‌می؛ مالێ خۆ (د ڕێكا مندا) بمه‌زێخه‌، ئه‌ز ژی دێ (مال و سامانی) ده‌مه‌ ته‌))

عن أبي هريرة رضي الله عنه أن رسول الله صلى الله عليه وسلم قال:
«قَالَ اللهُ: أَنْفِقْ يَا ابْنَ آدَمَ أُنْفِقْ عَلَيْكَ».
[صحيح] - [متفق عليه] - [صحيح البخاري: 5352]

ئه‌بو هوره‌یره‌ (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((خودێ گۆت: ئه‌ی كوڕێ ئاده‌می؛ مالێ خۆ (د ڕێكا مندا) بمه‌زێخه‌، ئه‌ز ژی دێ (مال و سامانی) ده‌مه‌ ته‌)).
[صحيح] - [متفق عليه] - [صحيح البخاري - 5352]

Explanation

پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ هندێ دكه‌ت كو خودایێ مه‌زن گۆت: ئه‌ی كوڕێ ئاده‌می؛ مالێ خۆ بمه‌زێخه‌ - ب دانا مه‌زاختنێن واجب و سوننه‌ت - ؛ ئه‌ز ژی دێ مال و سامانێ ته‌ زێده‌ و به‌رفره‌ھ كه‌م و دێ ژ پێش وی تشتێ ته مه‌زاختی ژی ده‌مه‌ ته‌ و دێ بۆ ته‌ به‌ره‌كه‌تێ ئێخمه‌ مالێ ته‌.

Benefits from the Hadith

1. هاندان ل سه‌ر خێر و صه‌ده‌قه‌كرن و مه‌زاختنا مالی د ڕێكا خودێدا.
2. مه‌زاختنا مالی د ڕێكێن خێرێدا؛ ژ مه‌زنترین ئه‌گه‌رێن به‌ركه‌تێ و زێده‌بوونێیه‌ د ڕزقیدا، هه‌ر دیسان ژ مه‌زنترین ئه‌گه‌رێن به‌ده‌لڤه‌كرنا وی تشتییه‌ ژ لایێ خودێڤه‌ یێ مرۆڤی مه‌زاختی.
3. ئەڤ فه‌رمووده‌یە ژ وان فه‌رمووده‌یانە یێن کو پێغەمبەرێ خودێ (صەلات و سەلامێن خودێ ل سەر بن) ژ خودایێ خۆ ڤه‌دگێڕیت و ب فه‌رمووده‌یا قودسی یان ئیلاهی دهێتە ناڤکرن، فه‌رمووده‌یا قودسی ژی ئەوە یا کو ئاخڤتن و ڕامانا وێ ژ ده‌ڤ خودێ بیت، ب تنێ ئه‌و نه‌بیت کو ئه‌و تایبەتمەندییێن قورئانێ تێدا نینن یێن کو ب وان ژ یێن دی جودا بوویە، ژ كرنا عیباده‌تی ب خواندنا وێ و هه‌بوونا ده‌ستنڤێژێ بۆ خواندنا وێ و هه‌ڤڕكیكرن و قه‌بخواستن و موعجیزه‌بوون و ژ بلی ڤان.