Hadith: ((دونیا خۆشییهكا بهروهخته، و باشترین خۆشییا دونیایێ ژی؛ ههڤژینهكا باشه))
عن عبد الله بن عمرو رضي الله عنهما أن رسول الله صلى الله عليه وسلم قال:
«الدُّنْيَا مَتَاعٌ، وَخَيْرُ مَتَاعِ الدُّنْيَا الْمَرْأَةُ الصَّالِحَةُ».
[صحيح] - [رواه مسلم] - [صحيح مسلم: 1467]
المزيــد ...
عهبدولڵاهێ كوڕێ عهمری (خودێ ژ ههردووكان ڕازی بیت) دبێژیت: پێغهمبهرێ خودێ (صهلات و سهلامێن خودێ ل سهر بن) گۆت:
((دونیا خۆشییهكا بهروهخته، و باشترین خۆشییا دونیایێ ژی؛ ههڤژینهكا باشه)).
[صحيح] - [رواه مسلم] - [صحيح مسلم - 1467]
پێغهمبهر (صهلات و سهلامێن خودێ ل سهر بن) بهحسێ هندێ دكهت كو دونیا ب وان ههمی تشتێن د ناڤ وێدا ههین؛ ب تنێ تشتهكه مرۆڤ بۆ دهمهكی خۆشییێ ژێ دبینیت، پاشی دێ چیت و نامینیت، باشترین خۆشییا دونیایێ ژی ئهڤهیه مرۆڤی ههڤژینهكا باش و چاك ههبیت، یا وهسا بیت ئهگهر زهلامی بهرێ خۆ دایێ؛ كهیفا وی بینیت و ئهگهر فهرمانهك لێ كر؛ گوهێ خۆ بدهتێ و ئهگهر ژ مال چوو؛ نهفسا خۆ و مالا وی ب ئامادهنهبوونا وی بپارێزیت.
Benefits from the Hadith
- دروسته مرۆڤ خۆشییێ ژ جوانی و باشییێن دونیایێ ببینیت، ئهوێن خودێ بۆ عهبدێن خۆ حهلال كرین، ب مهرجهكی مرۆڤ زێدهگاڤی و ئیسرافێ تێدا نهكهت و خۆ پێ مهزن نهكهت.
- هاندان ل سهر ههلبژارتنا ههڤژینهكا باش، چونكی ههڤژینا باش دبیته هاریكار بۆ زهلامێ خۆ ل سهر گوهدانا خودایێ خۆ.
- باشترین خۆشییا دونیایێ ئهوه یا د گوهدانا خودێدا بیت یان ببیته هاریكار ل سهر گوهدانا خودێ.