فەرموودە: بلا باوه‌رداره‌كی كه‌رب ژ باوه‌رداره‌كێ ڤه‌نه‌بن، ئه‌گه‌ر حه‌ز ژ ڕه‌وشته‌كێ وێ نه‌كه‌ت؛ دێ حه‌ز ژ ئێكێ دی كه‌ت

عَنْ أَبِي هُرَيْرَةَ رضي لله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا يَفْرَكْ مُؤْمِنٌ مُؤْمِنَةً، إِنْ كَرِهَ مِنْهَا خُلُقًا رَضِيَ مِنْهَا آخَرَ» أَوْ قَالَ: «غَيْرَهُ».
[صحيح] - [رواه مسلم] - [صحيح مسلم: 1469]

ئه‌بو هوره‌یره‌ (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
«بلا باوه‌رداره‌كی كه‌رب ژ باوه‌رداره‌كێ ڤه‌نه‌بن، ئه‌گه‌ر حه‌ز ژ ڕه‌وشته‌كێ وێ نه‌كه‌ت؛ دێ حه‌ز ژ ئێكێ دی كه‌ت».
[صحيح] - [رواه مسلم] - [صحيح مسلم - 1469]

شیکردنەوە

پێغه‌مبه‌ری (صه‌لات و سه‌لامێن خودێ ل سه‌ر بن) زه‌لام ژ هندێ پاشڤه‌بر كو كه‌ربێن خۆ ژ هه‌ڤژینا خۆ ڤه‌كه‌ت؛ ب ڕه‌نگه‌كێ وه‌سا كو ببیته‌ ئه‌گه‌ر زۆردارییێ ل وێ بكه‌ت یان بهێلیت یان پشتا خۆ بده‌تێ. چونكی مرۆڤ ل سه‌ر كێماسییێ یێ هاتییه‌ ئافراندن و ئه‌گه‌ر زه‌لامی حه‌ز ژ ڕه‌وشته‌كێ خراب یێ وێ نه‌كر، دێ ڕه‌وشته‌كێ دی یێ باش تێدا بینیت؛ ڤێجا بلا ب وێ باشییێ ڕازی بیت و ل سه‌ر وێ خرابییێ بێهنفره‌ھ بیت، ئه‌ڤ چه‌نده‌ دێ ئێكا هند ژ وی چێكه‌ت ئه‌و هه‌دارێ بكێشیت و كه‌ربه‌كا وه‌سا ژ وێ ڤه‌نه‌كه‌ت كو وی پالبده‌ت ئه‌و هه‌ڤژینا خۆ بهێلیت و ژێ جودا بیت.

لە سوودەکانی فەرموودەکە

1. گازیكرنا زه‌لامێ باوه‌ردار بۆ دادپه‌روه‌رییێ و بكارئینانا ئه‌قلی د هه‌ر ناكوكی و ڤێكنه‌كرنه‌كێدا كو د ناڤبه‌را وی و هه‌ڤژینا ویدا په‌یدا دبیت و نه‌چوونا ل دویڤ هه‌ست و سۆز و كارڤه‌دانێن ده‌مكی.
2. نیشانه‌كا باوه‌ردارێ ڕاست و دروست ئه‌وه‌ كه‌ربه‌كا ته‌مام ژ هه‌ڤژینا خۆ ڤه‌نه‌کەت كو ببیته‌ ئه‌گه‌ر ژ وێ جودا بیت و وێ بهێلیت، به‌لكی یا پێدڤی ئه‌وه‌ چاڤێ خۆ ژ ئه‌وێ خرابییێ ڤه‌گێڕیت ژ پێخه‌مه‌ت وێ باشییا د وێدا هه‌ی.
3. هاندان ل سه‌ر جوان سه‌ره‌ده‌ریكرن و هه‌ڤالینییێ د ناڤبه‌را هه‌ڤژیناندا.
4. باوه‌ری مرۆڤی پال دده‌ت و گازی دكه‌ت بۆ ڕه‌وشتێن بلند و چ باوه‌ردار (نێر و مێ) ژ ڕه‌وشتێن جوان د بێبه‌هر نینن؛ چونكی باوه‌ری ب خۆ پێدڤی ب ڕه‌وشتێن جوان هه‌یه‌.