हदीस: कुनै पनि मुमिन पुरुषले मुमिन महिलालाई घृणा गर्नु हुँदैन । यदि उसलाई उसको एउटा गुण मन पर्दैन भने अन्य बानी
عَنْ أَبِي هُرَيْرَةَ رضي لله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا يَفْرَكْ مُؤْمِنٌ مُؤْمِنَةً، إِنْ كَرِهَ مِنْهَا خُلُقًا رَضِيَ مِنْهَا آخَرَ» أَوْ قَالَ: «غَيْرَهُ».
[صحيح] - [رواه مسلم] - [صحيح مسلم: 1469]
المزيــد ...
अबू-हुरैरह (रजियल्लाहु अन्हु) ले वर्णन गरेका छन्, रसूल (सल्लल्लाहु अलैहि वसल्लम) ले भन्नुभएको छ :
"कुनै पनि मुमिन पुरुषले मुमिन महिलालाई घृणा गर्नु हुँदैन । यदि उसलाई उसको एउटा गुण मन पर्दैन भने अन्य बानी मनपर्छ ।" वा "अन्य" को सट्टा उहाँले "अर्को" शब्द भन्नुभयो ।
[सही] - [मुस्लिमले वर्णन गरेका छन्] - [सही मुस्लिम - 1469]
नबी (सल्लल्लाहु अलैहि वसल्लम) ले पतिलाई आफ्नी पत्नीप्रति यस्तो घृणा नगर्न आदेश दिनुभएको छ, जसले अन्याय, परित्याग र सम्बन्ध विच्छेदलाई निम्त्याउँछ । किनभने हरेक मानिसमा जन्मजात केही न केही कमजोरी हुन्छ । त्यसैले यदि उसलाई श्रीमतीको कुनै बानी मन पर्दैन भने अर्को बानी निश्चयनै मन पर्छ । यस्तो अवस्थामा आफूलाई मन पर्ने बानीमा खुशी हुनुहोस् र मन नपर्ने बानीमा धैर्य राख्नुहोस् । यसो गर्दा रमाइलो वातावरण सृजना हुनेछ र मन नपर्ने कुराहरू बिछोडको बिन्दुसम्म पुग्ने छैनन् ।
हदीसका केही फाइदाहरू
- यस हदीसमा मुमिनलाई निष्पक्ष र न्यायको साथ काम गर्न, आफ्नी पत्नीसँगको हरेक विवादमा तर्कको मध्यस्थता स्वीकार गर्न र अस्थायी भावनाहरूबाट प्रभावित कुनै काम नगर्न प्रोत्साहित गरिएको छ ।
- मुमिनले एक मुमिन महिलालाई यस्तो घृणा गर्नु हुँदैन, जसले सम्बन्ध विच्छेदलाई निम्त्याउँछ । आफूलाई मन नपर्ने कुराहरूलाई बेवास्ता गर्दै मन पर्ने कुराहरूमा ध्यान दिनुपर्छ ।
- पति-पत्नीबीचको सुमधुर सम्बन्धलाई प्रोत्साहन गर्ने ।
- ईमानले असल नैतिकतातर्फ आह्वान गर्छ, कुनै पनि विश्वासी पुरुष र विश्वासी महिला असल नैतिकता रहित हुँदैन । यदि ईमान छ भने त्यहाँ केही राम्रो गुणहरू हुनुपर्छ ।
वर्गीकरण
थप
- हदीस: संसार एक उपभोगको वस्तु हो र संसारमा सबै भन्दा उत्कृष्ट भनेको असल नारी हो ।
- हदीस: वली (अभिभावक) बिना निकाह (विवाह) हुँदैन ।
- हदीस: निस्सन्देह संसार मीठो र रमणीय छ । अल्लाहले तपाईंलाई यसमा एकपछि अर्को गर्दै पठाउनुहुने छ र तपाईंले कसरी व्यवहार गर्नुहुन्छ भनेर हेर्न चाहनुहुन्छ । तसर्थ, संसारबाट टाढा रहनुहोस् र नारीहरूबाट सचेत रहनुहोस्
- हदीस: एउटा महिलाले आफ्नो श्रीमान् वा महरम (जससँग विवाह गर्न सक्दैन) साथमा नभएसम्म दुई दिनको यात्रा गर्नु हुँदैन