হাদীছ: কোনো ঈমান্দাৰ পুৰুষে যেন কোনো ঈমান্দাৰ নাৰীক (স্ত্ৰীক) ঘৃণা নকৰে। কাৰণ যদি তেওঁ তাইৰ কোনো এটা আচৰণত অসন্তুষ্ট হয় তেন্তে তাইৰ আন এটা আচৰণত নিশ্চয় সন্তুষ্ট হ'ব।
عَنْ أَبِي هُرَيْرَةَ رضي لله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا يَفْرَكْ مُؤْمِنٌ مُؤْمِنَةً، إِنْ كَرِهَ مِنْهَا خُلُقًا رَضِيَ مِنْهَا آخَرَ» أَوْ قَالَ: «غَيْرَهُ».
[صحيح] - [رواه مسلم] - [صحيح مسلم: 1469]
المزيــد ...
আবু হুৰাইৰাহ ৰাদ্বিয়াল্লাহু আনহুৰ পৰা বৰ্ণিত, ৰাছুলুল্লাহ চাল্লাল্লাহু আলাইহি অছাল্লামে কৈছেঃ
"কোনো ঈমান্দাৰ পুৰুষে যেন কোনো ঈমান্দাৰ নাৰীক (স্ত্ৰীক) ঘৃণা নকৰে। কাৰণ যদি তেওঁ তাইৰ কোনো এটা আচৰণত অসন্তুষ্ট হয় তেন্তে তাইৰ আন এটা আচৰণত নিশ্চয় সন্তুষ্ট হ'ব।" অথবা তেখেতে কৈছেঃ "বেলেগ কোনো কাৰণত"।
[ছহীহ] - [(মুছলিম)] - [ছহীহ মুছলিম - 1469]
নবী চাল্লাল্লাহু আলাইহি অছাল্লামে স্বামীক নিষেধ কৰিছে নিজৰ স্ত্ৰীক এনেকুৱাকৈ অপছন্দ কৰিবলৈ, যি অপছন্দই তাক তাইৰ প্ৰতি অত্যাচাৰ কৰিবলৈ, তাইক পৰিত্যাগ কৰিবলৈ আৰু তাইক উপেক্ষা কৰিবলৈ ধাৱিত কৰে। কাৰণ মানুহ সৃষ্টিগতভাৱেই অপূৰ্ণ। গতিকে যদি সি তাইৰ মাজত থকা কোনো এটা আচৰণক অপছন্দ কৰে, তেন্তে সি নিশ্চয় তাইৰ মাজত বেলেগ এটা ভাল আচৰণো দেখিবলৈ পাব। সেয়ে যিটো আচৰণক সি পছন্দ কৰে সেইটোৰ প্ৰতি সি সন্তুষ্ট হ'ব লাগে, আৰু যিটো আচৰণক সি অপছন্দ কৰে সেইটোৰ প্ৰতি ধৈৰ্য্য ধাৰণ কৰিব লাগে। ইয়াৰ ফলত সি ধৈৰ্য্যশীল হ'ব আৰু এনেকুৱা ঘৃণাৰ পৰা বিৰত থাকিব, যি ঘৃণাই তাক বিচ্ছেদৰ প্ৰতি ধাৱিত কৰে।
হাদীছৰ পৰা সংগৃহীত উপকাৰিতাসমূহ
- স্বামী-স্ত্ৰীৰ মাজত বিবাদ সৃষ্টিৰ ক্ষেত্ৰত মুমিন ব্যক্তিক ন্যায়সিদ্ধ আৰু যুক্তিসঙ্গত মীমাংসাৰ প্ৰতি আহ্বান কৰা হৈছে। লগতে আৱেগ বা তাৎক্ষণিক প্ৰতিক্ৰিয়াৰ ওপৰত নিৰ্ভৰ কৰি সিদ্ধান্ত গ্ৰহণ নকৰিবলৈ আহ্বান কৰিছে।
- মুমিনৰ বিষয়টো এনেকুৱা হোৱা উচিত যে, তেওঁ যেন মুমিনা স্ত্ৰীক এনেকৈ ঘৃণা নকৰে, যি ঘৃণাই তেওঁক তাইৰ সৈতে বিচ্ছেদ ঘটাবলৈ উৎসাহিত কৰে। বৰং এনেকুৱা পৰিস্থিতিত তেওঁ স্ত্ৰীৰ সেইবোৰ গুণৰ প্ৰতি লক্ষ্য কৰা উচিত, যিবোৰক তেওঁ ভাল পায়, আৰু অপছন্দনীয় আচৰণবোৰক আওকাণ কৰা উচিত।
- স্বামী-স্ত্ৰীক উত্তম আচৰণ আৰু উত্তম সাহচৰ্য্যৰ প্ৰতি উৎসাহিত কৰা হৈছে।
- ঈমানে উত্তম চৰিত্ৰৰ প্ৰতি আহ্বান কৰে। গতিকে মুমিন পুৰুষ আৰু মুমিনা নাৰীয়ে কেতিয়াও উত্তম চৰিত্ৰৰ পৰা ফালৰি কটা উচিত নহয়। এতেকে ঈমানৰ সৈতে উত্তম চৰিত্ৰ আৰু প্ৰশংসিত অভ্যাস থকাটো বাধ্যতামূলক।
শ্ৰেণীবিন্যাসসমূহ
অধিক
- হাদীছ: গোটেই পৃথিৱীয়ে হৈছে উপভোগৰ উপকৰণ (ভোগ-সামগ্ৰী), আৰু ইয়াত থকা উপভোগৰ উত্তম সম্পদটো হৈছে পূণ্যৱতী নাৰী।
- হাদীছ: অভিভাৱক অবিহনে বিবাহ নহয়।
- হাদীছ: নিশ্চয় পৃথিৱী হৈছে সুমধুৰ সেউজ-শ্যামল। এই কথাও নিশ্চিত যে, আল্লাহে তোমালোককে ইয়াৰ উত্তৰাধিকাৰী বনাইছে, যাতে তেওঁ তোমালোকক চাব পাৰে যে, তোমালোকে কেনেকুৱা আমল কৰা। গতিকে পাৰ্থিৱ বিষয় সম্পৰ্কে সতৰ্ক থাকিবা আৰু নাৰীৰ পৰাও সতৰ্ক থাকিবা।
- হাদীছ: স্বামী অথবা মাহৰাম (যাৰ লগত বিবাহ নিষিদ্ধ) অবিহনে কোনো নাৰীয়ে যেন দুদিনৰ দূৰত্বৰ ভ্ৰমণ নকৰে।
- হাদীছ: তোমালোকে নাৰীসকলৰ ওচৰলৈ যোৱাৰ পৰা বিৰত থাকা।" এজন আনচাৰী ব্যক্তিয়ে সুধিলে, হে আল্লাহৰ ৰাছুল! দেৱৰ সম্পৰ্কে আপোনাৰ অভিমত কি? তেখেতে ক'লেঃ "দেৱৰ হৈছে মৃত্যু সমতুল্য"।
- হাদীছ: হে নাৰী সমাজ! তোমালোকে বেছি বেছি চাদাক্বাহ কৰা। কাৰণ জাহান্নামৰ অধিবাসীসকলৰ মাজত মই তোমালোকৰ সংখ্যা অধিক দেখিছোঁ।" তেতিয়া তেওঁলোকে সুধিলে, হে আল্লাহৰ ৰাছুল! ইয়াৰ কাৰণ কি? তেখেতে ক'লেঃ "কাৰণ তোমালোকে অভিশাপ বেছি দিয়া আৰু স্বামীৰ অকৃতজ্ঞ হোৱা। বুদ্ধি আৰু দ্বীনৰ ক্ষেত্ৰত ত্ৰুটি থকা সত্ত্বেও এজন সদায় সতৰ্ক থকা ব্যক্তিৰ বুদ্ধি হৰণৰ ক্ষেত্ৰত তোমালোকতকৈ পাৰদৰ্শী মই আন কাকো দেখা নাই।
- হাদীছ: যি নাৰীয়ে অলীৰ অনুমতি নোহোৱাকৈ বিবাহ পাশত আৱদ্ধ হয়, তাইৰ নিকাহ বাতিল। -এই কথা তেখেতে তিনিবাৰ কৈছে- যদি এই অৱস্থাত পুৰুষজনে সহবাস কৰে তেন্তে ইয়াৰ ফলত তাইক মোহৰ অৰ্পণ কৰিব লাগিব। কিন্তু যদি অলীসকলৰ মাজত পৰস্পৰ বিবাদ হয় তেন্তে এই ক্ষেত্ৰত যাৰ কোনো অলী নাই, তাৰ অলী হ'ব প্ৰশাসন।