නබි වදන: “දේවත්වය විශ්වාස කරන්නෙක් දේවත්වය විශ්වාස කරන්නියක් ගැන ක්‍රෝධයක් ඇති කරගත නො යුතුය. ඇයගෙන් යම් ගතිගුණයක් ඔහු පිළිකුල් කළේ නම්, ඇයගෙන් වෙනත් දැයක් (ගතිගුණයක්) ගැන තෘප්තියට පත් වනු ඇත
عَنْ أَبِي هُرَيْرَةَ رضي لله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا يَفْرَكْ مُؤْمِنٌ مُؤْمِنَةً، إِنْ كَرِهَ مِنْهَا خُلُقًا رَضِيَ مِنْهَا آخَرَ» أَوْ قَالَ: «غَيْرَهُ».
[صحيح] - [رواه مسلم] - [صحيح مسلم: 1469]
المزيــد ...
අල්ලාහ්ගේ දූතයාණන් (සල්ලල්ලාහු අලයිහි වසල්ලම්) ප්‍රකාශ කළ බව අබූ හුරෙයිරා (රළියල්ලාහු අන්හු) තුමා විසින් වාර්තා කරන ලදී.
“දේවත්වය විශ්වාස කරන්නෙක් දේවත්වය විශ්වාස කරන්නියක් ගැන ක්‍රෝධයක් ඇති කරගත නො යුතුය. ඇයගෙන් යම් ගතිගුණයක් ඔහු පිළිකුල් කළේ නම්, ඇයගෙන් වෙනත් දැයක් (ගතිගුණයක්) ගැන තෘප්තියට පත් වනු ඇත" යැයි පැවසූහ. එසේ නැතිනම්, “ඒ හැර වෙන දෙයක්“ (යන පද පෙළින්) පවසා ඇත.“
[පූර්ව සාධක සහිත හදීසයකි] - [ඉමාම් මුස්ලිම් එය වාර්තා කර ඇත] - [صحيح مسلم - 1469]
ස්වාමි පුරුෂයා තම බිරියට අපරාධ කරන තරමට, ඇය ව අත්හැර දමන තරමට, ඇය ව ප්‍රතික්ෂේප කරන තරමට ඇය ගැන ක්‍රෝධය ඇති කර ගැනීම නබි (සල්ලල්ලාහු අලයිහි වසල්ලම්) තුමාණෝ වැළැක්වූහ. අසම්පූර්ණභාවය මිනිසාගේ සහජ ගතියකි. ඇගෙන් යම් නපුරු ගති ගුණයක් ඔහු පිළිකුල් කළ ද ඇය තුළ ඇති තවත් යහපත් ගුණයක් ඔහු දකිනු ඇත. එබැවින් ඔහුට අනුගත වන යහපත ඇගෙන් ඔහු පිළිගත යුතුය. ඉවසා දරා ගත හැකි, ඇගෙන් වෙන්වන තරමට, ඇයව ප්‍රතික්ෂේප කිරීමට අවශ්‍ය නැති නපුරු ගුණාංග අතරින් ඔහු පිළි නොගන්නා නපුරු ගුණාංගයක් ඇය මත වී නම් ඒ කෙරෙහි ඔහු ඉවසා සිටිය යුතුය.
හදීසයේ හරය
- තම බිරිය සමග ඇතිවන කවර ආකාරයේ ආරවුලක් වුව ද චිත්තවේගයන් සහ තාවකාලික හැඟීම් බේරුම්කරණයට යොමු නොවී, සාධාරණව කටයුතු කිරීමටත් බුද්ධිමත්ව විසදුම් සොයන්නටත් දේවත්වය විශ්වාස කරන්නාට ඇරයුම් කෙරේ.
- දේවත්වය විශ්වාස කරන්නා දේවත්වය විශ්වාස කරන්නියකගෙන් වෙන්වන තරමට මුළුමණින්ම ඇයව හෙළා දැකීම සුදුසු කටයුත්තක් නොවේ. නමුත් ඔහු ඇය ගැන පිළිකුල් කරන දෙයක්, ඔහු ප්‍රිය කරන දෙයකින් සමතය කරගත යුතුය.
- අඹු සැමියන් අතර යහපත් පවුල් ජීවිතයක් හා යහපත් සම්බන්ධතාවක් පවත්වා ගෙන යෑම සඳහා දිරි ගැන්වීම.
- ඊමාන් හෙවත් දේවත්වය කෙරෙහි වන විශ්වාසය යහපත් ගතිගුණ වෙත ඇරයුම් කරයි. එබැවින්ම දේවත්වය විශ්වාස කරන පුරුෂයකු හෝ කාන්තාවක හෝ වේවා ඔහු හෝ ඇය තුළ කිසියම් හෝ යහපත් ගුණාංගයක් නොමැති ව සිටිය නො හැක. මන්ද දේවත්වය කෙරෙහි වන විශ්වාසය ඔවුන් දෙදෙනා තුළ ප්‍රශංසනීය කරුණු බිහි කරනු ඇත.
ප්‍රවර්ග
අමතර
- නබි වදන: මෙලොව භුක්ති විඳීමකි. එහි භුක්ති විඳින දැයින් වඩාත් උතුම් වනුයේ දැහැමි බිරියයි.
- නබි වදන: භාරකරුවකු නොමැතිව විවාහයක් නැත.
- නබි වදන: සැබැවින්ම මෙලොව මිහිරිය. හරිතය. සැබැවින්ම අල්ලාහ් එහි නුඹලා නියෝජිතයින් බවට පත් කරන්නාය. පසුව නුඹලා කටයුතු කරනුයේ කෙසේදැ?යි ඔහු අවධානය කරයි. එබැවින් නුඹලා ලෞකිකත්වය ගැන අල්ලාහ්ට බියවනු. කාන්තාවන් ගැන ද බියවනු. ඉස්රාඊල් දරුවන්ගේ අර්බුධ අතරින් පළමුවැන්න කාන්තාවන් විෂයයෙහි සිදු විය.
- නබි වදන: කවරෙකු භූමියෙන් වියතක තරම් ප්රමාණයක් ඩැහැගෙන අපරාධ කළේ ද මහපොළෝ හතකින් ඔහුට තලනු ලැබේ.
- නබි වදන: කාන්තාවන් අතරට පිවිසීම ගැන මම නුඹලාට අවවාද කරමි යැයි පැවසූහ. එවිට අන්සාර්වරුන් අතුරින් වූ මිනිසෙකු අල්ලාහ්ගේ දූතයාණනි, බිරියගේ සහෝදරිය පිළිබඳ ඔබ කුමක් සිතන්නෙහි ද? (එවිට) ‘හම්වු’ නොහොත් බිරියගේ සහෝදරිය මරණය වේ යැයි එතුමා පැවසුහ.
- නබි වදන: කන්යාවියක් ඇගෙන් අවසර පතන තෙක් විවාහ කර දෙනු නොලැබේ. මෙය අසා සිටි එතුමාණන්ගේ සහගාමීහු “අල්ලාහ්ගේ දූතයාණෙනි! ඇය විසින් අවසරය ලැබිය කෙසේද?” යැයි විමසුහ. එවිට එතුමාණන්: “ඇය නිහඬව සිටීම” (ඇගේ අවසරය) යි" පැවසුහ.
- නබි වදන: අහෝ කාන්තා සමූහයනි! නුඹලා දන් දෙන්න. සැබැවින්ම අපා ගින්නේ බහුතර පිරිසක් ලෙස මම නුඹලාව දකිමි. එවිට ඔවුහු: අල්ලාහ්ගේ දූතයාණනි! එය කවර හේතුවක් නිසාවෙන් දැයි විමසූහ. එතුමා: නුඹලා අධික ලෙස ශාප කරන්නෙහුය. සැමියාට ගුණමකු වන්නෙහුය. බුද්ධියෙන් හා ආගමෙන් හීන ස්ත්රීන් අතර ඔබගෙන් එකෙකුට වඩා නුවණැති පුරුෂයකුගේ අවබෝධය දුරු කිරීමට සමත් කිසිවෙක් මා දැක නැත.