Ab Adiis: Jullit bu góor du bañ jullit bu jigéen, ndax su bañee ci moom jenn jikkó gërëm na ci moom jeneen jikkó

عَنْ أَبِي هُرَيْرَةَ رضي لله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا يَفْرَكْ مُؤْمِنٌ مُؤْمِنَةً، إِنْ كَرِهَ مِنْهَا خُلُقًا رَضِيَ مِنْهَا آخَرَ» أَوْ قَالَ: «غَيْرَهُ».
[صحيح] - [رواه مسلم] - [صحيح مسلم: 1469]

Jële nañu ci Abuu Hurayrata -yal na ko Yàlla dollee gërëm- mu wax ne : Yonnente Yàlla bi -yal na ko Yàlla dolli xéewal ak mucc- nee na:
«Jullit bu góor du bañ jullit bu jigéen, ndax su bañee ci moom jenn jikkó gërëm na ci moom jeneen jikkó».
[Wér na] - [Muslim soloo na ko] - [Téere Muslim bi gën a wér - 1469]

Leeral

Yonnente bi -yal na ko Yàlla dolli xéewal ak mucc- tere na jëkkër di bañ jabaram bañ guy waral mu koy tooñ di ko bàyyi di ko dummóoyu; Ndaxte nit dañu koo bind cig mànkite, te bu bañee ci moom ay jikkó yu ñaaw, dana fekk ci moom ay jikkó yu rafet; bu ko defee mu gërëm yu rafet yi tolloog moom , te muñ yu ñaaw yi mu gërëmul, loolu mooy tax muy muñ te du ko bañ mbañeel guy waral muy tàggalikoo ak moom.

Bokk na ci njariñi Adiis bi

1. Woo aji-gëm ji ci màndute ak jëfandikoo am xelam ci bépp juuyoo bu am si digganteem ak jabaram, te bañ a àttewoo ay bànneex ak yëngu-yëngu.
2. Mbiri jullit bu góor mooy ne du bañ jullit bu jigéen mbañeel gu rëy guy waral mu tàqalikoo ak moom, waaye dafa jaadu ci moom muy jéllalee yi mu sib ngir yi mu bëgg.
3. Soñee ci rafetuw nekkiin ak àndandoo ci diggante ñaar ñiy sëy.
4. Ngëm day waral jikkó yu tedd, kon jullit bu góor ak bu jigéen bi manuñoo ñàkk ay jikkó yu rafet, ndaxte ngëm gi day waral ñu am ay jikkó yu ñu gërëm.