Ab Adiis: jépp jigéen bu ñu fasal ab sëy ci lu dul ndigalu kilifaam, sëyam ba ag neen la -ñatti yoon- bu àndee ak moom can ga ñeel na ko ca la mu ànd ak moom, bu nu werentee buur mooy nekk kilifag ku amul kilifa

عَنْ عَائِشَةَ أُمِّ المُؤْمِنينَ رَضِي اللهُ عنْها قَالَتْ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«أَيُّمَا امْرَأَةٍ نَكَحَتْ بِغَيْرِ إِذْنِ مَوَالِيهَا، فَنِكَاحُهَا بَاطِلٌ -ثَلَاثَ مَرَّاتٍ- فَإِنْ دَخَلَ بِهَا فَالْمَهْرُ لَهَا بِمَا أَصَابَ مِنْهَا، فَإِنْ تَشَاجَرُوا فَالسُّلْطَانُ وَلِيُّ مَنْ لَا وَلِيَّ لَهُ».
[صحيح] - [رواه أبو داود والترمذي وابن ماجه وأحمد] - [سنن أبي داود: 2083]

Jële nañu ci Aysatu ndayu jullit ñi yal na ko Yàlla dollee gërëm mu wax ne: Yonente Yàlla bi yal na ko Yàlla dolli xéewal ak mucc nee na:
"jépp jigéen bu ñu fasal ab sëy ci lu dul ndigalu kilifaam, sëyam ba ag neen la -ñatti yoon- bu àndee ak moom can ga ñeel na ko ca la mu ànd ak moom, bu nu werentee buur mooy nekk kilifag ku amul kilifa".
[Wér na] - [Abóo Daawuda soloo na ko, At-tirmisiy, ak Ibnu Maaja, ak Ahmat] - [Téere Sunna yi bu Abóo Daawuda - 2083]

Leeral

Yonente bi yal na ko Yàlla dolli xéewal ak mucc tere na jigéen di maye boppam ci ab sëy ci lu dul ndigalu kilifaam, ak ne sëyam ba ag neen la, te bàmtu na ko ñatti yoon, mu mel ni musul a am.
Ki ko takk bu séqee ak moom ci lu dul ndigalu kilifaam; kon ndaw si dinañ ko jox can gu mat sëkk ngir li mu ànd ak moom ci péyam ma.
Bu dee kilifa yi dañoo werente ci kilifteefu fas sëy ba ta fekk ñoo yam daraja ci ndaw si kon fas ga ñeel na ka jiitu ci ñoom ndeem loolu am na ngir mu xool li yéwén ci jigéen gi, bu dee kilifa gi da fa bañ kon day mel ni amul kilifa; kon buur walla kilifa gay àttekat ba mbaa yu ni mel mooy doon kilifaam, bu dul loolu kon buur du nekk fa ci teewaayu kilifa ga.

Bokk na ci njariñi Adiis bi

1. Sàrtal nañu kilifa ngir wérug sëy bi, nettalees na jële ci Ibnul Munsir ne xamewuñu ci kenn ci Sahaaba yi lu wuute ak loolu.
2. Ci sëyug neen jigéen gi day yayoo can mu jàkkaarloo ak sëy bi góor gi sëy ak moom.
3. Buur mooy kilifag jigéen gu amul kilifa, moo xam loolu ci sababus ñàkk fa a nekk la, walla ci sababus bañ a fas sëy bi.
4. Buur mooy kilifag ku amul kilifa, budee kilifa ga kenn gisu ko, àttekat bi dana wuutu buur; ndax mooy kuutlaayam ci masala yii.
5. Kilifa ngir maye jigéen tekkiwul ne moom amul àq, waaye am na àq kay te du dagan ci kilifaam mu fasal ko ab sëy ci lu dul ndigalam.
6. Sàrti sëy bu wér: bi ci njëkk: ñu ràññee ñaar ñiy sëy ci junj walla ci tudd walla ci melal ak yu ni mel, ñaareel bi: ñaar ñiy sëy kune gërëm loo sa moroom, ñatteel bi: jigéen gi kilifaam maye ko, ñenteel bi: ay seede ci fasug sëy bi.
7. Sàrtal nañu ci kilifa giy fas sëy yii: bi ci njëkk: am xel, ñaareel bi: mu nekk góor, ñatteel bi: mu matal fukki at ak juróom walla mu gént, ñenteel bi: ñu bokk diine ndax ab yéefar du nekk kilifag jullit bu góor du caagine jigéen, niki noonu it ab jullit du nekk kilifag ab yéefar bu góor du caagine jigéen, juróomeel bi: maandu gu safaanoo ak naaféq, juróom-benneel ba: kilifa gi bumu nekk ku dese, te mooy ku am kàttanug xam nawle ak solos sëy bi.
8. Kilifag jigéen gi ngir fas sëy bi lu boroom xam-xami fiq yi toftale la du dagan ñu jéggi kilifa gi gën a jege ci lu dul mu ñàkk a am walla mu ñàkk sàrt yi, kilifag jigéen gi mooy baayam, topp sa ka mu ca wuutal, topp maamam ci wàllu baay donte dafa kawe, topp ca doomam bu góor, topp ca ay doomam donte dañoo wàcc, topp ca mbokkam yu góor yi mu bokkal nday ak baay, topp ca ay mbokkam yu góor ci wàllu baay, topp ca seen i doom, topp ca baay taxam yu bokk ak baayam nday ak baay, topp ca baay taxam ci wàllu baay, topp ca seen i doom, topp ca ki ko gën a jege ci askan ak ka ca topp ci mbokkam yu góor yikoy dond, ak njiitu jullit ak ku ko wuutu niki àttekat bi, ñooy kilifag ku amul kilifa.