Buudɑ gomdã
  1. Zu-raoogã
  2. Sagsã
  3. Fighu wã ne Yẽgã

Hadiis Pag fãa sẽn furi, tɩ ka tũ ne a soaadbã yarda, a furã yaa zaalem -noor a tãabo- la b sã n kẽ ne-a, a tara a furã ligdi ne a sẽn paam-a wã, la biigã ba-rãmb sã n maan tak-n-taare, rẽnd lɩslaambã tẽngã naaba yẽnda la ned ning sẽn ka tara lalldã lallda

Fighu wã ne Yẽgã Zɑgsã yεl fɑsengo Fur loeese

عَنْ عَائِشَةَ أُمِّ المُؤْمِنينَ رَضِي اللهُ عنْها قَالَتْ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«أَيُّمَا امْرَأَةٍ نَكَحَتْ بِغَيْرِ إِذْنِ مَوَالِيهَا، فَنِكَاحُهَا بَاطِلٌ -ثَلَاثَ مَرَّاتٍ- فَإِنْ دَخَلَ بِهَا فَالْمَهْرُ لَهَا بِمَا أَصَابَ مِنْهَا، فَإِنْ تَشَاجَرُوا فَالسُّلْطَانُ وَلِيُّ مَنْ لَا وَلِيَّ لَهُ».

Yii a ʿAaɩša nengẽ, muumin-rãmbã ma (Wẽnd yard be a yĩnga) a yeelame: Wẽnd Tẽn-tʋʋmã yeelame (Wẽnd pʋʋsg la A tɩlgr be a yĩngɑ):
«Pag fãa sẽn furi, tɩ ka tũ ne a soaadbã yarda, a furã yaa zaalem -noor a tãabo- la b sã n kẽ ne-a, a tara a furã ligdi ne a sẽn paam-a wã, la biigã ba-rãmb sã n maan tak-n-taare, rẽnd lɩslaambã tẽngã naaba yẽnda la ned ning sẽn ka tara lalldã lallda».

Naṣʋn Ṣahɩɩhʋn (Gom-sikdem sẽn manege) A Abʋʋ Daawʋʋd la a At-tirmiiziy la a ɭbn Maaǧa la a Ahmad n togs-a Sunan Abɩɩ Daawʋʋd - 2083

bilgrã

Nabiyaamã (Wẽnd pʋʋsg la A tɩlgr be a yĩngɑ) bugsame tɩ pag ra wa tʋg n fur a menga tɩ ka tũ ne a lalldbã la a ba-rãmb yard ye, la a furã sãamame, rẽnd a yɩlma gom-kãngã noor a tãabo, tɩ yaa wala furã meng rag n ka yɩ ye.
La ned ning sẽn fur-a wã sã n paam n kẽ ne-a tɩ ka tũ ne a pagã nebã n kõ sore, rẽnd furã ligd sẽn pid la a na n reege, ne a sẽn paam n kẽ ne-a wã.
Rẽ poorẽ biigã ba-rãmb sã n maan tak-n-taar ne ned ning sẽn na n loe furã, tɩ mik tɩ fãa pẽnegrã ne pagã yaa yembre, rẽnd ned ning sẽn renga n loe furã n so, sã n mikame t'a gesa sẽn na n maneg pagã, la pagã lalld sã n wa tõdg tɩ yẽ ka na n fur-a, rẽnd yaa naabã maa naabã sẽn rogl ned ningã, sẽn yaa bʋ-bʋʋdbã la sẽn wõnd bãmbã n lebgd pagã lallda, sã n ka rẽ naabã ka tar soolem ne pagã t'a ba-rãmbã sã n beẽ ye.

Sẽn be Hɑdiisã yõod-rãmbẽ

  1. Bee hadiisã pʋgẽ sẽn wilgd tɩ wali yaa sart tɩ furã yaool n manege, la a ɭbn Munzir kõo kibare tɩ yẽ ka mi Ṣahaabg a yembr sẽn yõsg yel-kãngã ye.
  2. Fur ning sẽn ka zemsã, pagã sõmba ne fur ligdi, raoã sẽn kẽ ne-a wã yĩnga.
  3. Tẽng naaba la pag ning sẽn ka tar ba-rãmbã lallda, zem tɩ baabã-rãmb ka be mengã, maa b beeme la b gɩdgame tɩ b ka na n fur pagã.
  4. Naabã la lallda ned ning sẽn ka tara lallda fur sasa, wali wã kaalem wakat maa padang sẽn wat n be ne-a, la sẽn yalsda naabã zĩigã yaa bʋ-bʋʋda, bala yẽndã n ledsd-a masaal-kãngã pʋgẽ.
  5. Pag tall lalld furã loeesẽ wã ka wilgd t'a ka tar hakε ye, la ad a tara hakε t'a ba-rãmbã ka sõmb n fura rẽndame tɩ tũ ne a yarda.
  6. Fur sẽn maneg sart-rãmba: rẽenem: yaa b welg yi-kãadb a yiibã fãa ne teesgo maa yʋʋr pʋdbo maa sɩfo, maa sẽn wõnd rẽ. Yiibu: Yaa tɩ yi-kãadb yiibã ned fãa yara a to. Tãabo: Yaa wali wã loe pagã furi. Naase: Yaa tɩ kaset-rãmb maan furã loεεga.
  7. B maana sart ne pagã lalld ning sẽn na n loe furã: rẽenem: yaa yam soaba. Yiibu: yaa a yɩ raoa. Tãabo: yaa a yɩ baaliki a sẽn na n ta yʋʋm piig la a nu maa a gãand n zãmsame, n tall n teesdẽ. Naase: yaa tɩ b dĩinã zesmsa taaba, rẽnd kɩfr ka tõe n yɩ lɩslaam raoog maa pag lalld furẽ ye, woto bala lɩslaam me ka tõe n yɩ kɩfr-poak lalld furẽ ye. Nu: yaa tẽeg tɩrg soab sẽn wild t'a ka faasik ye, la sekdame t'a sã n tõe n yals n ges n bãng bũmb ninga sẽn sõmb ne ned ning yẽ sẽn tõe n ges a furã loees yellã. Yoobe: yaa t'a mi n welge, a ka yalem ye, yẽ me la a tall tõog n tõe n bãng sẽn sõmb ne pagã la yel-manesds nins sẽn sõmb n maan furã pʋgẽ.
  8. Pagã baaba-rãmba furã loεεgẽ b tara tũnugri, dĩinã bãngdb nengẽ, rẽnd ka sõmb n zʋʋg sẽn pẽ soaba, sã n ka mikame t'a ka be, maa a sart-rãmbã n ka pidi, rẽnd pag lallda yaa a ba wã, rẽ poorẽ yaa a ba wã sẽn sagl ned ning t'a yik ne-a wã, rẽ poorẽ yaa a yaab raoogo a ba wã wεεngẽ baa t'a sã n zẽke, rẽ poorẽ yaa pagã biiga, rẽ poorẽ yaa a biigã koambã, baa tɩ yaa yagense, rẽ poorẽ yaa a tão sẽn lagem baaba la ma, rẽ poorẽ yaa a tão sẽn lagem ne baaba, rẽ poorẽ yaa bãmbã koambã, rẽ poorẽ yaa a saam-bila sẽn lagem baaba la ma, sẽn poorẽ yaa saam-bil sẽn lagem baaba, rẽ poorẽ bãmbã b yiibã koamba, rẽ poorẽ yaa sẽn pẽ n yɩɩd rapẽ wã yẽ n wate, wala faadã sẽn yaa to-to wã, rẽ poorẽ yaa naab sẽn yaa lɩslaam la ned ning sẽn ledsd naabã zĩigẽ wala bʋ-bʋʋda, yẽnda la ned ning sẽn ka tara lallda lallda.

Wilg Goɑmã lebg-rãmbã

47 Buudɑ gomdã
EN English Ãnglε
UR اردو Urdiimdu
ID Indonesia Ẽndoneziimdu
UG ئۇيغۇرچە Wiguuriimdo
BN বাংলা Bãngeliindu
TR Türkçe Turkiindu
RU Русский Risɩɩndã
BS Bosanski Bʋsnɑndã
SI සිංහල Sanhaliimdo
HI हिन्दी Ẽndẽemdo
ZH 中文 Sɩnondo
FA فارسی perisẽendo
VI Tiếng Việt Vieetnãamdo
TL Tagalog Tɑgεloog
KU Kurdî Kurdiimdo
HA Hausa Haoosa
PT Português Portɩgaleemdo
ML മലയാളം Malayalam goama
TE తెలుగు Telgoomdo
SW Kiswahili Sʋwaahɩlɩɩmdo
TA தமிழ் Tamulɩɩmdo
MY မြန်မာ Buruma rãmb goama
TH ไทย Taɩɩland rãmb goama
DE Deutsch Almaando
PS پښتو Pastuumdu
AS অসমীয়া Asaneemdo
SQ Shqip Albaneemdo
SV Svenska Sʋwεεd rãmb goama
AM አማርኛ Amharɩɩmdo
NL Nederlands Holandẽemdo
GU ગુજરાતી Guzaratɩɩmdo
NE नेपाली Nepalẽemdo
PRS دری Dari rãmb goama
SR Српски Serbɩɩmdo
RW Kinyarwanda Kinyaroaandẽemdo
RO Română Rʋmaneemdo
HU Magyar Hõngriimdo
MG Malagasy Madagaskaar rãmb goama
OM Oromoo Oromoomdo
KN ಕನ್ನಡ Kanadẽemdo
WO Wolof الولوف
UK Українська Ikreneemdo
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية
Sagsã
Pɑɑgã