1. Ahabanza.
  2. Ingeri zitandukanye.
  3. Amategeko y'idini n'amahame remezo yayo.

Imvugo y'Intumwa y'Imana (Imana iyihe amahoro n'imigisha). Umugore uwo ari we wese muri mwe uzishyingira atabiherewe uburenganzira n'abahagararizi be, uko gushyingirwa kwe ntikuzaba kwemewe -ibisubiramo inshuro eshatu-, iyo habayeho imibonano mpuzabitsina, icyo gihe inkwano ziba ari ize, n'iyo batumvikanye, icyo gihe umuyobozi aba umuhagararizi w'utamufite

عَنْ عَائِشَةَ أُمِّ المُؤْمِنينَ رَضِي اللهُ عنْها قَالَتْ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«أَيُّمَا امْرَأَةٍ نَكَحَتْ بِغَيْرِ إِذْنِ مَوَالِيهَا، فَنِكَاحُهَا بَاطِلٌ -ثَلَاثَ مَرَّاتٍ- فَإِنْ دَخَلَ بِهَا فَالْمَهْرُ لَهَا بِمَا أَصَابَ مِنْهَا، فَإِنْ تَشَاجَرُوا فَالسُّلْطَانُ وَلِيُّ مَنْ لَا وَلِيَّ لَهُ».

Hadith yaturutse kwa Aishat Nyina w'abemeramana (Imana imwishimire) yaravuze ati: Intumwa y'Imana (Imana iyihe amahoro n'imigisha) yaravuze iti:
"Umugore uwo ari we wese muri mwe uzishyingira atabiherewe uburenganzira n'abahagararizi be, uko gushyingirwa kwe ntikuzaba kwemewe -ibisubiramo inshuro eshatu-, iyo habayeho imibonano mpuzabitsina, icyo gihe inkwano ziba ari ize, n'iyo batumvikanye, icyo gihe umuyobozi aba umuhagararizi w'utamufite."

Hadithi y'impamo Yakiriwe na Abu Dawud, na Tirmidhi, na Ibun Madjah, ndetse na Ahmad Sunani Abu Dawudi - 2083

Ibisobanuro birambuye.

Intumwa y'Imana (Imana iyihe amahoro n'imigisha) yihanangirije kuba umugore yakishyingira ubwe atabiherewe uburenganzira n'abahagararizi be, kandi ko gushyingirwa kwe kuba kubaye imfabusa, yabisubiyemo inshuro eshatu, bifatwa nkayo uko gushyingirwa kutigeze kuba.
Ariko iyo akoze imibonano mpuzabitsina n'uwo bashyingiranwe nta burenganzira afite, icyo gihe uwo mugore aba akwiye guhabwa inkwano zose kubera iyo mibonano bagiranye.
Hanyuma iyo abamuhagarariye bashyamiranye ku muntu ugomba kumuhagararira, kandi bose bari ku rwego rumwe, icyo gihe umuhagararira mu masezerano ni ubaruta iyo hashingiwe ku nyungu ze, iyo umuhagararizi we yanze kumushyingira, icyo gihe aba ameze nkaho nta muhagararizi afite, icyo gihe umuyobozi cyangwa undi uri mu cyimbo cy'umuyobozi nk'abacamanza n'abandi baramuhagararira, iyo nta bushyamirane buhari icyo gihe umuyobozi ntacyo aba amaze igihe hari umuhagararizi we.

Zimwe mu nyugu z'iyi Hadith.

  1. Umuhagararizi agomba kuba ahari kugira ngo amasezerano yo gushyingiranwa yemerwe; byanavuzwe ko Ibun Al Mundhir yavuze ko nta kunyuranya kuri ibi kuzwi kwabayeho hagati y'abasangirangendo.
  2. Mu gushyingiranwa kutemewe, umugore aba akwiye inkwano nk'inyishyu y'imibonano umugabo yagiranye nawe.
  3. Umuyobozi ni umuhagararizi w'utamufite, byaba bitewe n'uko ntawe uhari, cyangwa se yanze kumushyingira.
  4. Umuyobozi afatwa nk'umuhagararizi w'utamufite igihe ntawe uhari cyangwa se atabonetse, icyo gihe umucamanza ajya mu cyimbo cye, kubera ko ari we umusimbura iyo bimeze gutyo.
  5. Guhagararira umukobwa mu gushyingiranwa ntibivuze ko nta burenganzira afite, ahubwo arabufite kandi umuhagararizi we ntiyemewe kumunshyingira atabimuhereye uburenganzira.
  6. Ibisabwa kugira ngo gushyingiranwa kube kwemewe: Icya mbere: Nuko abashyingiranwa bombi baba bahari banabyemera hakoreshejwe ibimenyetso cyangwa kuvuga amazina, cyangwa ibindi bibigaragaza ndetse n'ibindi. Icya kabiri: Kuba babyishimiye buri wese yishimiye mugenzi we. Icya gatatu: Kuba umugore afite umuhagararizi muri ayo masezerano; icya kane kuba hari abahamya b'ayo masezerano.
  7. Uba umuhagararizi mu masezerano yo gushyingiranwa agomba: icya mbere: Kuba afite ubwenge, icya kabiri; kuba ari igitsinagabo, icya gatatu: Kuba akuze agejeje ku myaka cumi n'itanu cyangwa se yaratangiye kwirotera, icya kane: Kuba ari uwo bahuriye ku kwemera, kuko umuhakanyi atahagararira umuyisilamu cyangwa se umuyisilamukazi, n'umuyisilamu kandi ntiyajya guhagararira umuhakanyi cyangwa se umuhakanyikazi, icya gatanu: Kuba ari inyangamugayo atari inkozi y'ibibi, umugore biramuhagije kuba yareba umufitiye akamaro ugiye kumuhagararira, icya gatandatu: Kuba umuhagararizi aciye akenge, atari umuntu ufite ubwenge bucye, afite ubushobozi bwo kumenya ukwiranye n'uwo mugore ndetse anazi inyungu ziri mu gushyingiranwa.
  8. Abahagararizi b'umugore mu gushyingiranwa bafite uburyo bakurikiranyemo nkuko abamenyi mu by'amategeko y'idini babigennye; ntibyemewe rero kuva ku rwego rumwe ujya ku rundi cyeretse igihe abuzemo cyangwa se atujuje ibisabwa. Umubera umuhagararizi rero ni se, cyangwa se uwo se yahisemo, hanyuma sekuru ubyara se gukomeza ku ba sekuruza, hanyuma umuhungu we, hanyuma abahungu b'umuhungu we gukomeza umunuka mu buzukuru, hanyuma musaza we bavukana ku babyeyi bombi, hanyuma musaza we bavukana kwa se gusa, hanyuma abahungu b'aba bombi, hanyuma se wabo uvukana na se ku babyeyi bombi, hanyuma kwa se gusa, hanyuma abahungu b'aba bombi, hanyuma uri bugufi kuruta abandi mu banyamuryango be bamuzunguru. Naho umuyobozi ni uw'umuyisilamu cyangwa se umuhagararizi we nk'umucamanza nawe yaba umuhagararizi w'utamufite.

Kugaragaza ibyasobanuwe.

48 Ururimi.
EN English الإنجليزية
UR اردو الأوردية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
NE नेपाली النيبالية
PRS دری الدرية
SR Српски الصربية
TG тоҷикӣ الطاجيكية
RO Română الرومانية
HU Magyar المجرية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية