عن عبد الله بن عمرو بن العاص رضي الله عنهما مرفوعاً: «الدنيا متاع، وخير متاعها المرأة الصالحة».
[صحيح] - [رواه مسلم]
المزيــد ...

আব্দুল্লাহ ইবন ‘আমৰ ইবনুল ‘আচ ৰাদ্বিয়াল্লাহু আনহুমাৰ পৰা মাৰফু‘ হিচাপে বৰ্ণিত, "c2">“গোটেই পৃথিৱীয়ে হৈছে উপভোগৰ উপকৰণ (ভোগ-সামগ্ৰী), আৰু ইয়াত থকা উপভোগৰ উত্তম সম্পদটো হৈছে পূণ্যৱতী নাৰী।”
ছহীহ - ইয়াক মুছলিমে বৰ্ণনা কৰিছে

ব্যাখ্যা

পৃথিৱী আৰু ইয়াৰ মাজত থকা সকলো বস্তুৱেই এটা নির্দিষ্ট সময়ৰ বাবে ভোগ্য বিষয়। ইয়াৰ পিছত সেইবোৰ বিলুপ্ত হৈ যাব। কিন্তু ক্ষণস্থায়ী এই পৃথিৱীৰ সম্পদৰ মাজত উত্তম সম্পদ হৈছে পূণ্যৱতী নাৰী, যিয়ে আখিৰাতৰ কামত সহায় কৰে। ৰাছুলুল্লাহ চাল্লাল্লাহু আলাইহি অছাল্লামে এই ধৰণৰ নাৰী সম্পর্কে কৈছেঃ "c2">“স্বামীয়ে যেতিয়া তাইৰ ফালে চায় তেতিয়া (তাইৰ হাঁহিমুখীয়া চেহাৰা আৰু প্রফুল্লতাই) তেওঁক আনন্দিত কৰে, তাইক কোনো নির্দেশ দিলে, লগে লগে সেইটো পালন কৰে আৰু স্বামীৰ অনুপস্থিতিত তাই নিজৰ সম্ভ্রম আৰু স্বামীৰ সম্পদৰ হিফাজত কৰে।”

অনুবাদ: ইংৰাজী ফৰাচী স্পেনিচ তুৰ্কী উৰ্দু ইন্দোনেচিয়ান বোছনিয়ান ৰুচিয়ান বাংলা চাইনিজ ফাৰ্চি তাগালোগ হিন্দী ভিয়েতনামীজ ছিনহালী উইঘোৰ কুৰ্দী হাউছা পুৰ্তুগিজ মালয়ালম তেলেগু ছাৱাহিলী তামিল বৰ্মী থাই জাৰ্মান জাপানিজ পুস্তু আল বানিয়ান السويدية الأمهرية
অনুবাদ চাওক

হাদীছৰ পৰা সংগৃহীত উপকাৰিতাসমূহ

  1. পৃথিৱীৰ যিবোৰ পৱিত্ৰ বস্তুক আল্লাহে তেওঁৰ বান্দাসকলৰ বাবে হালাল কৰিছে, সেইবোৰ অপচয় নকৰাকৈ আৰু হঠকাৰিতা অবিহনে উপভোগ কৰা বৈধ।
  2. পূণ্যৱতী স্ত্রী গ্রহণ কৰিবলৈ উৎসাহ প্রদান কৰা হৈছে। কিয়নো তেনেকুৱা স্ত্ৰীয়ে স্বামীক আল্লাহৰ ইবাদতত সহযোগিতা কৰে।
  3. পৃথিৱীত উপভোগ কৰিবলগীয়া উত্তম সম্পদ হৈছে যিটোৰ দ্বাৰা আল্লাহৰ আনুগত্য কৰা হয় অথবা যিটোৱে আল্লাহৰ আনুগত্যত সহায় কৰে।