Hədis: Dünya keçici bir ləzzətdir. Dünya ləzzətinin ən xeyirlisi saleh qadındır

عن عبد الله بن عمرو رضي الله عنهما أن رسول الله صلى الله عليه وسلم قال:
«الدُّنْيَا مَتَاعٌ، وَخَيْرُ مَتَاعِ الدُّنْيَا الْمَرْأَةُ الصَّالِحَةُ».
[صحيح] - [رواه مسلم] - [صحيح مسلم: 1467]

Abdullah bin Amrdan (Allah onların hər ikisindən razı olsun) Allah Rəsulunun (Allahın salavatı və salamı onun üzərinə olsun) belə dediyi rəvayət edilir:
"Dünya keçici bir ləzzətdir. Dünya ləzzətinin ən xeyirlisi saleh qadındır".
[Səhih] - [Muslim rəvayət etdi] - [Sahihu Muslim - 1467]

Şərh (izah)

Allah Rəsulu (Allahın salavatı və salamı onun üzərinə olsun) xəbər verir ki, dünya nemətlərinin ləzzətləri müəyyən bir zaman ötdükcə bitir, saleh həyat yoldaşı isə bu dünyada olan ən gözəl nemətdir, o qadın ki, əri ona nəzər salanda sevinər, əmr etdikdə itaət edər, ərinin yoxluğunda onun şərəf-ləyaqətini və var-dövlətini qoruyar.

Hədisin faydalarından

1. İsraf və təkəbbürlük etmədən Allahın qullarına halal etdiyi dünyanın təmiz nemətlərindən istifadəsinin icazəli olması.
2. Saleh zövcə seçməyə təşviq, çünki o, Rəbbinə itaətdə ərinə dayaqdır.
3. Dünya nemətlərinin ən xeyirlisi Allaha itaətdə olan və ya Ona itaət etməyə yardım edəndir.