ဟဒီးဆ်: ဒွန္နယာ လောကသည် အကျိုးခံစားသည့် အရာဖြစ်ပြီး လောက၏ အကျိုးခံစားမှုများအနက် အကောင်းဆုံးမှာ ကောင်းမြတ်သော ဇနီးပင်ဖြစ်သည်။
عن عبد الله بن عمرو بن العاص رضي الله عنهما مرفوعاً: «الدنيا متاع، وخير متاعها المرأة الصالحة».
[صحيح] - [رواه مسلم]
المزيــد ...
အဗ်ဒုလ္လာဟ်ဗင်န် အမ်ရ်ဗင်န်အာဆ်ွ(ရဿွိယလ္လာဟုအန်ဟုမာ)က ဆင့်ပြန်ခဲ့သည်။ တမန်တော်မြတ်(ဆွလ္လလ္လာဟုအလိုင်ဟိဝစလ္လမ်) မိန့်ကြားတော်မူသည်။ ဒွန္နယာ လောကသည် အကျိုးခံစားသည့် အရာဖြစ်ပြီး လောက၏ အကျိုးခံစားမှုများအနက် အကောင်းဆုံးမှာ ကောင်းမြတ်သော ဇနီးပင်ဖြစ်သည်။
ဤဟဒီးဆ်သည် ဆွဟီးဟ် အဆင့်ရှိသည်။ - မွတ်စ်လင်မ်ကျမ်း။
လောကနှင့် လောကရှိအရာများသည် အချိန်အတိုင်းအတာ တစ်ခုအထိ အကျိုးခံစားပြီး ပျောက်ကွယ်သွားမည့် အရာများဖြစ်သည်။ သို့သော် ဤမတည်မြဲသည့် လောက၏အကျိုးခံစားမှုများအနက် အမွန်မြတ်ဆုံးမှာ အာခိရသ် နောင်တမလွန်ဘဝအတွက် အထောက်အကူပြုမည့် ဘာသာတရားကိုင်းရှိုင်းသော ဇနီးပင်ဖြစ်သည်။ ထို့ပြင် တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)က ထိုဘာသာတရားကိုင်းရှိုင်းသော ဇနီးနှင့်စပ်လျဉ်း၍ ရှင်းပြတော်မူသည်မှာ- (အကယ်၍(ခင်ပွန်း) သည် သူမအားကြည့်လိုက်သည့်အခါ သူ့ကိုပျှော်ရွှင်စေပြီး အမိန့်တစ်ခုခုပေးသည့်အခါ သူ၏အမိန့်ကို နာခံလိုက်နာသည်။ အကယ်၍ ခင်ပွန်းသည် သူမ၏ကွယ်ရာ၌ရှိနေလျှင် သူမသည်မိမိကိုယ်နှင့် ခင်ပွန်း၏ ပစ္စည်းဥစ္စာကို ထိန်းသိမ်းစောင့် ရှောက်သည်။)
ဟဒီးဆ်မှ သိမှတ်ဖွယ်ရာများ
- အလ္လာဟ်အရှင်မြတ်က မိမိကျွန်များအတွက် ဟလာလ်အဖြစ် သတ်မှတ်ထားသော လောက၏ သန့်ပြန့်ကောင်းမွန်သည့် အရာများကို ဖြုန်းတီးခြင်း၊ မာန်မာနထောင်လွှားခြင်းတို့ မပါဘဲ အကျိုးခံစားခွင့်ရှိသည်။
- ဘာသာတရားကိုင်းရှိုင်းသော အမျိုးသမီးသည် ခင်ပွန်းသည် အလ္လာဟ်အရှင်မြတ်အမိန့်နာခံရာတွင် အထောက်အကူဖြစ်စေသည့်အတွက် ထိုကဲ့သို့သော အမျိုးသမီးမျိုးကို ရွေးချယ်ရန် တိုက်တွန်းထားသည်။
- ဒွန္နယာလောက၏ အကောင်းဆုံး စည်းစိမ်သည်အလ္လာဟ်အရှင်မြတ်၏ အမိန့်ကိုနာခံမှုရှိသည့်အရာ သို့မဟုတ် အမိန့်နာခံရန် အထောက်အကူဖြစ်စေသည့် အရာပင်ဖြစ်သည်။