ဟဒီးဆ်: မုအ်မင်န် သက်ဝင်ယုံကြည်သူများအနက် အီမာန် ယုံကြည်မှုအားဖြင့် အပြည့်ဝဆုံးသူမှာ ကိုယ်ကျင့်တရား အကောင်းဆုံးသူပင်ဖြစ်သည်။ သင်တို့အနက် အကောင်းဆုံးသူမှာ မိမိဇနီးမယားအပေါ် အကောင်းဆုံးသူပင် ဖြစ်သည်။
عن أبي هريرة رضي الله عنه مرفوعاً: «أكمل المؤمنين إيمانا أحسنهم خلقا، وخياركم خياركم لنسائهم».
[حسن] - [رواه أبو داود والترمذي والدارمي وأحمد]
المزيــد ...
အဗူဟုရိုင်ရဟ်(ရဿွိယလ္လာဟုအန်ဟု)က ဆင့်ပြန်ခဲ့သည်။ တမန်တော်မြတ်(ဆွလ္လလ္လာဟုအလိုင်ဟိဝစလ္လမ်) မိန့်ကြားတော်မူသည်။ မုအ်မင်န် သက်ဝင်ယုံကြည်သူများအနက် အီမာန် ယုံကြည်မှုအားဖြင့် အပြည့်ဝဆုံးသူမှာ ကိုယ်ကျင့်တရား အကောင်းဆုံးသူပင်ဖြစ်သည်။ သင်တို့အနက် အကောင်းဆုံးသူမှာ မိမိဇနီးမယားအပေါ် အကောင်းဆုံးသူပင် ဖြစ်သည်။
ဤဟဒီးဆ်သည် ဟစန်အဆင့်ရှိသည်။ - သိရ်မိဇီကျမ်း။
မုအ်မင်န် သက်ဝင်ယုံကြည်သူများအနက် အဆင့်အတန်း အမြင့်မားဆုံးသူမှာကိုယ်ကျင့်တရားအကောင်းဆုံး သူပင်ဖြစ်ပြီး၊ လူတို့အနက် ကောင်းမွန်စွာဆက်ဆံရန် အထိုက်တန်ဆုံးသူမှာ ဇနီးမယားပင်ဖြစ်သည်။ သို့သာမက မိမိ၏ဇနီးမယားနှင့် ကောင်းမွန်စွာဆက်ဆံသူသာလျှင် လူတို့အနက် အကောင်းဆုံးကိုယ်ကျင့်တရားရှိသူဖြစ်သည်။
ဟဒီးဆ်မှ သိမှတ်ဖွယ်ရာများ
- အီမာန် သက်ဝင်ယုံကြည်မှုနှင့် အကျင့်စာရိတ္တကောင်းမွန်ခြင်းတို့ကြား ပတ်သက်ဆက်နွယ်မှုရှိ၏။
- အစ္စလာမ် သာသနာတော်၌ ကောင်းမြတ်သည့် ကိုယ်ကျင့်တရား၏ မြင့်မြတ်မှုကို တင်ပြထားသည်။
- အီမာန်သည် အဆင့်အတန်းအားဖြင့် ကွဲပြားမှုရှိသည်။ အီမာန်သည် အတိုး၊အလျော့ရှိပြီး တသတ်မှတ်တည်း မဟုတ်ပေ။
အမျိုးအစားများ
- ထွတ်မြတ်မှုများနှင့် အာဒါဗ်စည်းကမ်းများ။ . ကိုယ်ကျင့်တရားဆိုင်ရာ ဖိကဟ်။ . ကောင်းမြတ်သည့် ကိုယ်ကျင့်တရား။
- ထွတ်မြတ်မှုများနှင့် အာဒါဗ်စည်းကမ်းများ။ . ကိုယ်ကျင့်တရားဆိုင်ရာ ဖိကဟ်။ . ကောင်းမြတ်သည့် ကိုယ်ကျင့်တရား။
- ဖိကဟ်နှင့် ၎င်း၏စည်းမျဥ်းများ။ . မိသားစုဆိုင်ရာ ဖိကဟ်။ . ထိမ်းမြားခြင်း။ . ဇနီးမောင်နှံကြား ပေါင်းသင်းဆက်ဆံရေး။
- ဖိကဟ်နှင့် ၎င်း၏စည်းမျဥ်းများ။ . မိသားစုဆိုင်ရာ ဖိကဟ်။ . ထိမ်းမြားခြင်း။ . ဇနီးမောင်နှံကြား ပေါင်းသင်းဆက်ဆံရေး။
ထပ်၍
- ဟဒီးဆ်: အကယ်၍ လူတစ်ဦးသည် မိမိ၏ ညီနောင်အား ချစ်ခင်ပါက ၎င်းအား ချစ်ခင်ကြောင်း အသိပေးပါ။
- ဟဒီးဆ်: အကယ်၍ ကြီးလေးသော အပြစ်အကုသိုလ်များကို ရှောင်ကြဉ်ပါက ဆွလာသ်ငါးကြိမ်သည်လည်းကောင်း၊ ဂျုမုအဟ်တစ်ကြိမ်မှ နောက်ဂျုမုအဟ်သည်လည်းကောင်း၊ ရမဿွာန်တစ်လမှ နောက်ရမဿွာန်သည်လည်းကောင်း ယင်းတို့၏ စပ်ကြား၌ရှိသော အကုသိုလ်များအား ပလပ်စေမည်ဖြစ်သည်။
- ဟဒီးဆ်: ရောင်းသည့်အခါ၊ ဝယ်သည့်အခါနှင့် မိမိ၏ ရပိုင်ခွင့်ကို တောင်းဆိုသည့်အခါ သက်ညှာထောက်ထားသူကို အလ္လာဟ်အရှင်မြတ် ကရုဏာသက်တော်မူပါစေ။
- ဟဒီးဆ်: ပုဂ္ဂိုလ်တစ်ဦးသည် လူတို့အား အကြွေးပေးလေ့ရှိသည်။ ၎င်းက မိမိ၏ အခိုင်းအစေအား သင်သည် ကျပ်တည်းသူဆီသို့ အကြွေးသွားတောင်းလျှင် စောင့်ဆိုင်းပေးပြီး နူးညံ့စွာဆက်ဆံပါ။ အလ္လာဟ်အရှင်မြတ်ကလည်း ကျွန်ုပ်တို့ကို ခွင့်လွှတ်ရန် မျှော်လင့်ရသည်ဟု အမြဲပြောလေ့ရှိသည်။ သို့ဖြစ်၍ ထိုသူသည် (ကွယ်လွန်ပြီးနောက်) အလ္လာဟ်အရှင်မြတ်နှင့် တွေ့ဆုံခဲ့ရာ အရှင်မြတ်က သူ့အား ခွင့်လွှတ်တော်မူခဲ့သည်။
- ဟဒီးဆ်: ပုဂ္ဂိုလ်တစ်ဦးက တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)အား ကျွန်တော်မျိုးအား ဆုံးမတော်မူပါဟု လျှောက်ထားခဲ့သည်။ ကိုယ်တော်က အသင် ဒေါသမထားနှင့်ဟု မိန့်တော်မူသည်။ ထိုပုဂ္ဂိုလ်က အကြိမ်ကြိမ်လျှောက်ထားခဲ့ရာ ကိုယ်တော်က (အကြိမ်တိုင်းတွင်) အသင်ဒေါသမထားနှင့်ဟုသာ မိန့်တော်မူခဲ့သည်။
- ဟဒီးဆ်: ဧကန်မုချ တရားမျှတသူများသည် အလ္လာဟ်အရှင်မြတ်ထံတော်ပါးတွင် နူရ်အလင်းရောင်နှင့်အတိဖြစ်သော ပလ္လင်များထက်ဝယ်ရှိကြလိမ့်မည်။ ၎င်းတို့သည် မိမိတို့၏ အမိန့်ဆုံးဖြတ်ချက်၌လည်းကောင်း၊ မိမိတို့၏ မိသားစုများတွင်လည်းကောင်း၊ မိမိတို့ တာဝန်ယူရသည့် ကိစ္စတို့၌လည်းကောင်း တရားမျှတမှုရှိကြသည်။
- ဟဒီးဆ်: လူတစ်ချို့သည် အလ္လာဟ်အရှင်မြတ်၏ပစ္စည်းများကို မမှန်မကန် သုံးစွဲခဲ့ကြသည်။ထို့ကြောင့် ၎င်းတို့အတွက် ကိယာမသ်နေ့တွင်ငရဲမီးရှိသည်။